ՎիվաՍել-ՄՏՍ-ը կվճարի 20 բուհերի 200 ուսանողների ուսման վարձը
|
Այսօր VIVACell-MTS-ն իր «Կրթական հիմնադրամ» ծրագրի շրջանակներում 50 ուսանողի շնորհեց ուսման վարձը վճարելու համար անհրաժեշտ գումարը։ «Կրթական հիմնադրամ» ծրագիրն իրականացվում է 2010-ից, որի շրջանակներում 150 ուսանողի ուսման վարձ է վճարել ՎիվաՍել-ՄՏՍ-ը։ Այս տարի ավելացան ևս 50 ուսանող։
Ծրագրում ընդգրկված են հատուկ կարիքներ ունեցող ծնողազուրկ, 5 և ավելի անդամներից բաղկացած սոցիալապես անապահով ընտանիքներում ապրող, հաշմանդամ ծնողներ ունեցող 1-ին և 2-րդ կուրսի ուսանողներ։
ՎիվաՍել-ՄՏՍ կապահովի այս 200 ուսանողների ուսման վարձերը մինչև ուսման ավարտը։
Այսօր կայացած միջոցառման ժամանակ ընկերության գլխավոր տնօրեն Ռալֆ Յիրիկյանը հայտնեց, որ գալիք տարի, եթե ՎիվաՍել-ՄՏՍի հնարավորությունները թույլ տան, ծրագրում ընդգրկված ուսանողների թիվը կավելանա։
Միջոցառման ընթացքում խաղարկվեց 15 նեթբուք և մեկ «ՄՏՍ կոնեկտ» մոդեմ՝ 6 ամսվա անվճար ինտերնետով ։ |
Բուդապեշտում տեղադրվել է Սթիվ Ջոբսին նվիրված հուշարձան
|
Հունգարիայում տեղադրվել է Apple-ի հիմնադիր Steve Jobs-ին նվիրված հուշարձան, որն առաջինն է աշխարհում: Հաղորդում է «ИТАР-ТАСС»-ը: Այն գտնվում է Բուդապեշտի տեխնոպարկում, որտեղ տեղակայված են ՏՏ-ընկերությունների գրասենյակներ:
Հուշարձանի պատրաստումն ու տեղադրումը ֆինանսավորել է հունգարական «Գրաֆիսոֆթ» ընկերությունը, որի հիմնադրմանը 1884թ. ֆինանսապես աջակցել է Ջոբսը: Արձանն ունի երկու մետր բարձրություն ու պատկերում է Ջոբսին իր սիրելի հասարակ հագուստով:
«Գրաֆիսոֆթ»-ի հիմնադիր Գաբոր Բոյարի խոսքով՝ Ջոբսն առաջինն էր, ով ստեղծեց «մարդկային դեմքով» տեխնոլոգիաներ՝ հասանելի դարձնելով դրանք համակարգչային սեղանի, այնուհետև գրպանի համար: |
Սթիվ Ջոբսին ետմահու կշնորհվի «Գրեմմի» մրցանակ
|
Apple-ի համահիմնադիր Սթիվ Ջոբսին շնորհվելու է «Գրեմմի» մրցանակ՝ ստեղծելու համար այնպիսի արտադրանք և տեխնոլոգիաներ, որոնք փոխել են մարդկանց՝ երաժշտության, ֆիլմերի և գրքերի օգտագործման ձևը, ընկալումը։ Այս մասին գրում է CNET-ը։
«Նա ստեղծել է iPod երաժշտական նվագարկիչը և օնլայն iTunes խանութը։ Այս երկուսը հեղափոխեցին երաժշտության շուկան»,-նշել է Recording Academy ընկերությունը իր հայտարարությունում։
Սթիվ Ջոբսը երկար տարիներ գլխավորում էր Apple-ը։ 2011-ի հոկտեմբերի 5-ին նա մահացավ քաղցկեղից։
«Գրեմմի» մրցանակաբաշխությունը անցկացվելու է 2012-ի փետրվարի 12-ին։ «Գրեմմին» շնորհվում է բոլոր այն մարդկանց, ովքեր երաժշտության բնագավառում մեծ ներդրումներ են կատարել և դերակատարություն ունեցել։ |
2012-ին ընտրությունների թափանցիկությունը կվերահսկվի սոցիալական հարթակների միջոցով
|
2012-ի Հայաստանում գալիք խորհրդարանական ընտրություններին համացանցը մեծ դերակատար է լինելու։ Այս կարծիքն այսօր ասուլիսում հայտնել են տեղեկատվական անվտանգության փորձագետ Սամվել Մարտիրոսյանը և քարոզչական ոլորտի փորձագետ Կարեն Վրթանեսյանը։
«Ամբողջ աշխարհում քաղաքական ուժերը լուրջ ռեսուրսներ են ծախսում համացանցում քարոզչության համար։ Հայաստանում 2 տարում ինտերնետ օգտագործողների կտրուկ աճ ունեցանք՝ ինտերնետի գինը և համակարգիչները մատչելի դարձան։ Այժմ կարելի է ասել, որ 2012-ի մայիսին մենք կունենանք մոտ 40% ինտերնետ ներթափանցում»,-ասաց Սամվել Մարտիրոսյանը։
Ըստ նրա, քաղաքական լուրջ գործոն են Facebook-ը, ապա Youtube-ը։ «Հայասատանում ամենատարածված սոցիալական ցանցը Odnoklasssniki-ն է 650 000 օգտագործողներով։ Չնայած այս փաստին՝ Odnoklasssniki-ը պասիվ հարթակ է քաղաքական-հասարակական ակտիվության տեսանկյունից»,-նշեց Սամվել Մարտիրոսյանը և բերեց Ռուսաստանում ընտրությունների օրինակը, որոնց ժամանակ գրեթե բոլոր սոցիալական հարթակներում ակտիվություն և մեծ աճ գրանցվեց, բացի Odnoklasss
...
Կարդալ շարունակությունը »
|
Սկսվել է նոր սերնդի RAM-հիշողության մշակումը
|
Եվրոպական խորհուրդը Seventh Framework Programme (FP7) ծրագրի շրջանակներում միջոցներ է տրամադրել նոր տիպի օպերատիվ հիշողության սարքերի մշակման համար:
Երեք տարի տևողությամբ այս նախագիծը ստացել է RAMPLAS անվանումը: Իրենց մասնակցությունն են ցուցաբերում ընկերություններ Գերմանիայից, Հունաստանից, Հոլանդիայից և Ֆինլանդիայից:
Հետազոտողները մտադիր են վերանայել ժամանակակից RAM հիշողությունների աշխատանքի սկզբունքն ու կառուցվածքը՝ ստեղծելով նոր սերնդի տեխնոլոգիաներ՝ ապագայի գերարդյունավետ համակարգիչների համար: Ենթադրվում է, որ նոր տիպի հիշողությունը կօգտագործի տվյալների օպտիկական փոխանցումը, ապահովելով մինչև 100 Գբիթ/վ թողունակություն՝ համեմատաբար փոքր էներգաօգտագործմամբ:
...
Կարդալ շարունակությունը »
|
«ԱրմենՏելը» գործարկել է «Թեժ ձմեռ» ռոումինգ ծառայությունը
|
«Armentel» ընկերությունը հայտարարում է «Թեժ ձմեռ» ծառայության գործարկման մասին բջջային կապի այն բաժանորդների համար, ովքեր օգտվում են ռոումինգ ծառայությունից հետևյալ երկրներում` Վիետնամ, Եգիպտոս, Հնդկաստան, Հորդանան, Կամբոդժա, Մալազիա, Միացյալ Արաբական Էմիրություններ, Սիրիա, Թայլանդ, Թունիս և Թուրքիա:
Ծառայությունը թույլ է տալիս վերոնշյալ երկրներում ռոումինգ ծառայությունից օգտվող բաժանորդներին ստանալ զանգեր 0 դրամ սակագնով խոսակցության առաջին երկու րոպեների դիմաց: Սկսած երորրդ րոպեից, մուտքային զանգի տարիֆիկացումն իրականցվում է սակագնային գուտուն համապատասխան:
«ԱրմենՏել»-ը հանդիսանում է միջազգային «ՎիմպելԿոմ» ընկերությունների խմբի մի մաս, որը միավորում է աշխարհի տասնիննը երկրների կապի օպերատորնեին: Դա թույլ է տալիս Հայաստանի կապի միասնական օպերատորին
...
Կարդալ շարունակությունը »
|
Mozilla-ի օպերացիոն համակարգի թողարկումը հետաձգվում է
|
Mozilla Foundation ընկերությունը կներկայացնի սեփական օպերացիոն համակարգը 2012-ի գարնանը: Նշենք, որ այն նախատեսված է սմարթֆոնների համար:
Ընկերությունը նախատեսել էր մինչև 2012-ը թողարկել ՕՀ-ի առաջին դեմո-տարբերակը, իսկ 2012-ի գարնանը՝ պաշտոնական տարբերակը: Օպերացիոն համակարգը, որը կոչվում է Boot 2 Gecko (B2G), հիմնված է բաց ելքային կոդի վրա ու տեղադրվում է հեռախոսում անմիջապես դիտարկչից:
Նոր ՕՀ-ն ընդհանուր առմամբ նման է Chrome ՕՀ-ին, քանի որ բոլոր գործողությունները կատարվում են դիտարկչում: Սակայն եթե Chrome ՕՀ-ում օգտագործվում է համանուն դիտարկիչը, ապա B2G-ում՝ Firefox-ում օգտագործվող Gecko շարժիչը: |
Կինոպրոդյուսերները պահանջում են Vkontakte-ին ջնջել «պիրատային» բովանդակությունը
|
Հեռուստա և կինոպրոդյուսերների ասոցիացիան նամակ է ուղարկել է ռուսական Vkontakte սոցիալական ցանցի ադմինիստրացիային, որով պահանջում է ցանցից ջնջել ավելի քան 500 ֆիլմ։ Այս մասին գրում է Ria.ru-ն։
Vkontakte-ի մամլո քարտուղար Վլադիսլավ Ցիպլուխինի խոսքով, ցանցի ադմինիստրացիան ուղարկել է իր պատասխանը ասոցիացիային։ Մասնավորապես, առաջարկվել է ինքնուրույն զբաղվել պիրատային բովանդակության վերացմամբ։
«Մենք նաև առաջարկել ենք ասոցիացիային ուղարկել մեզ այն տեսանյութերի հղումները, որոնք խախտում են հեղինակային իրավունքը, որպեսզի մենք կարողանանք ջնջել պիրատային բովանդակությունը»,-նշել է Վլադիսլավ Ցիպլուխինը։
Vkontakte այս նամակին պատասխան դեռևս չի ստացել։ Առաջին անգամ չէ, որ սոցիալական ցանցը բախվում է նման խնդիրների հետ։ ВКонтакте-ն ռուսական համացանցում համարվում է ամենաառաջատար սոցիալական ցանցը՝ 30 միլիոն օգտագործողով։ |
Կարեն Վրթանեսյան. Ադրբեջանցիները հաճախ են խախտում Facebook-ի կանոնները
|
ԽՍՀՄ նախկին երկրներից ամենաակտիվը Facebook-ում հարավկովկասյան տարածաշրջանի 3 երկրներն են։
Իսկ ադրբեջանցիներն ամենաակտիվն են և հաճախակի խախտում են Facebook-ի կանոնները։ Այս մասին այսօր լրագրողներին հայտնեցին տեղեկատվական անվտանգության փորձագետ Սամվել Մարտիրոսյանը և քարոզչական ոլորտի փորձագետ Կարեն Վրթանեսյանը։
«Օրինակ ադրբեջանցիները տեղադրում են դիակի նկար կամ մարդասպանի էջը կարող է ունենալ 30-40 000 like: Հայաստան-Ադրբեջան տեղեկատվական պայքարը տեղափոխվում է Facebook: Ադրբեջանցիները հաճախ կարողանում են բողոքել և բողոքների քանակի հաշվին փակել հայկական էջեր կամ խմբեր»,-նշեց Կարեն Վրթանեսյանը և ավելացրեց, որ այդ պայքարի մի մասը տեղափոխվում է նաև մամուլ։
...
Կարդալ շարունակությունը »
|
Intel-ը Medfield պլատֆորմով սմարթֆոն եւ պլանշետ է ցուցադրել
|
Intel ընկերությունը իր նոր Medfield պլատֆորմով սմարթֆոնի եւ պլանշետի նախատիպեր է թողարկել: Սմարթֆոնը ստեղծվել է Android 2.3-ի, իսկ պլանշետը Android 4.0-ի հիմքի վրա:
Սրանք առայժմ ցուցադրական նմուշներ են եւ դեռ անվանում չունեն: Intel-ը դրանք թողարկել է Medfield պլատֆորմի հնարավորությունները ցույց տալու համար, տեղեկացնում է MIT Technology Review հրատարակչությունը:
Հրատարակչության համաձայն` բջջային Medfield պրոցեսորները Atom-ների շարքից են, բայց, ի տարբերություն մնացած պրոցեսորների, բյուրեղապակու վրա են հավաքված: Դա թույլ է տալիս նվազեցնել սարքի էներգասպառումը:
Ցուցադրված սմարթֆոնը եւ պլանշետն ընդունակ են տեսագրությունը ցույց տալ Blu-ray որակով, իսկ հեռախոսի ֆոտոապարատի «լուսանկարների շարք» ռեժիմը թույլ է տալիս վայրկյանում 15 կադր լուսանկարել:
...
Կարդալ շարունակությունը »
|
Orange 2012 ամանորյա անակնկալ. iPhone 4 և Peugeot 206 ամանորին նվեր ստանալու հնարավորություն
|
Այսօրվանից մինչև հունվարի 10-ը Orange Խոսենք ծառայության բաժանորդները, ամեն անգամ լիցքավորելով հաշիվը 500 և ավելի դրամով, ձեռք կբերեն հնարավորություն ստանալու ամանորյա շքեղ նվեր` iPhone 4: iPhone 4 կստանա յուրաքանչյուր 25 000-րդ լիցքավորողը: Ավելին, նվեր ստացողներից նա, ում կատարած լիցքավարումների ընդհանուր գումարը կլինի ամենամեծը, կստանա ամանորյա լավագույն նվերը` Peugeot 206 Sedan ավտոմեքենա:
Բոլոր հաղթող բաժանորդները հունվարի 13-ին կհրավիրվեն Շանթ հեռուստաընկերություն` մասնակցելու ամանորյա միջոցառման, որտեղ էլ կգտնեն իրենց նվեր iPhone 4-ը, իսկ նրանցից ամենահաջողակը` նաև ավտոմեքենան:
Orange 2012 անակնկալի բոլոր մանրամասներին կարելի է ծանոթանալ http://orangearmenia.am/promos/orange2012-new-year-surprise/new-year հղումով: |
Վարորդներին «կհետևեն» երկու կարգի տեսախցիկներ
|
Երևանի փողոցներում ճանապարհային երթևեկությանը հետևելու համար ճանապարհային ոստիկանությունը սկսել է տեսախցիկների տեղադրման գործընթաց։ Ներկայումս Երևան քաղաքի մի շարք փողոցներում և խաչմերուկներում ճանապարհային երթևեկության կանոնների խախտումները արձանագրելու նպատակով իրականացվում են արագության չափման ու դիտարկման տեսախցիկների տեղադրման և փորձարկման աշխատանքները։
Այս մասին Tert.am–ին հայտնեցին ճանապարհային ոստիկանությունից՝ միաժամանակ տեղեկացնելով, որ տեսախցիկների մեծ մասն արդեն տեղադրվել է։
Ուշագրավ է, որ վարորդներին «հետևելու են» երկու կարգի տեսախցիկներ։ Երևանի փողոցներում տեղադրված արագության չափման տեսախցիկները արձանագրելու են մեքենաների արագությունը, իսկ խաչմերուկներում տեղադրված դիտարկման տեսախցիկները արձանագրելու են վարորդների կատարած խախտումները։
...
Կարդալ շարունակությունը »
|
Ֆեյսբուքը հայտարարել է 2011-ի ամենահայտնի խաղերի անունները
|
Facebook սոցցանցի ամենահայտնի խաղ է ճանաչվել Gardens of Time-ը: Խաղերի վիճակագրություն կազմելիս սոցցանցը հաշվի է առել ամենաբարձր գնահատականներն ու օգտագործողների ակտիվությունը:
Նշենք սակայն, որ AppData.com-ի տվյալներով՝ ամենահայտնի խաղը CityVille-ն է, որն ունի ամսական 48.8 միլիոն օգտագործող, իսկ Gardens of Time-ը՝ 8.5 մլն:
Ըստ Ֆեյսբուքի՝ 2011-ի 10 ամենահայտնի խաղերն են.
...
Կարդալ շարունակությունը »
|
Հեքըթոնի հաղթող ճանաչված Mapy ծրագիրն ամբողջական լուծումներ է առաջարկում երևանցիներին
|
Հեքըթոն [ՅԱՆ] (Hackthon) Երևան 2011 նորարար գաղափարների և նախագծերի մրցույթին ՍԱՅԲԵՐ ԳԵՅԹՍ (Cyber Gates) թիմը «Լավագույն մոբայլ լուծում» անվանակարգում հաղթող ճանաչվեց՝ իր Mapy նախագծի համար:
Մափի ծրագիրը հասանելի է լինելու երեք տարբերակով. որպես վեբկայք, մոբայլ-կայք և մոբայլ հավելված: ՍԱՅԲԵՐ ԳԵՅԹՍ թիմն իր առջև նպատակ էր դրել տալու Երևան քաղաքի ինչպես տրանսպորտային, այնպես էլ քաղաքում հեշտ կողմնորոշվելու, արտակարգ իրավիճակներում խուճապի չմատնվելու և այլ խնդիրների ամբողջական լուծում:
Մուտք գործելով համակարգ՝ այն անմիջապես որոշում է Ձեր գտնվելու վայրը և դյուրին դարձնում դրանից օգտվելը: Այստեղ կան մի քանի բաժիններ: Օրինակ՝ Places բաժնում յուրաքանչյուրը կարող է գտնել իր ուզած վայրը՝ անմիջապես քարտեզի վրա: Նույնիսկ կարող է ինքուրույն ընտրել միայն իր ուզած տեղերը և տեսնել, օրինակ, մոտակա խանութները կամ թատրոնները:
...
Կարդալ շարունակությունը »
|
Facebook-ի գովազդը չի տարբերվի ընկերների նորություններից
|
Facebook-ի նորությունների ժապավենում 2012թ. սկզբից կհայտնվեն գովազդային բլոկեր։ Գովազդային բլոկը կունենա նույն տեսքը, ինչն ունեն ընկերների կողմից տարածվող նորությունները, և կարգավիճակների թարմացումները (status updates), սակայն դրանց կողքին կհայտնվի Sponsored (վճարված) պիտակ։
Օգտատերերը չեն կարողանա հրաժարվել գովազդից, բայց կտեսնեն օրական մեկ գովազդից ոչ ավելի։ Բացի այդ, նրանք կկարողանան թաքցնել նորությունը, ինչպես թաքցնում են ընկերների ցանկացած նորություն։
Առաջին անգամ նման գովազդի պրակտիկա Facebook–ն ունեցել էր 2006թ., սակայն 2008թ. հրաժարվել էր այդ գործելաոճից։ Ավելի ուշ գովազդը «տեղափոխվեց» կայքի աջ հատված, իսկ 2011թ. հունվարից գովազդատուները հնարավորություն ստացան իրենց գովազդային հաղորդագրություններում հղում անել օգտատերերի գրած բառերին կամ նշել նրանց գործողությունները (լայքերը, հրապարակման հղումները և այլն), որոնք կապված են ապրանքի գովազդման հետ։
...
Կարդալ շարունակությունը »
|
|
