Ֆեյսբուքը գրավել է աշխարհը
|
comScore-ի վերջին տվյալների համաձայն՝ ինտերնետ օգտագործողների 80%-ը գրանցված է սոցցանցերում: Առաջատարը Facebook-ն է, որտեղ օգտագործողները ծախսում են համակարգչի առաջ անցկացրած ժամանակի ¾-ը:
Այսօր Մարկ Ցուկերբերգի ստեղծած ցանցն ունի արդեն 800 մլն օգտագործող, ընդ որում՝ Հայաստանում Ֆեյսբուքից օգտվում է արդեն 240 հազարից ավելի օգտագործող, և այս ցուցանիշը ակտիվորեն աճում է (վերջին կիսամյակում օգտագործողների թիվն աճել է 62 հազարով):
Socialbakers-ի տվյալներով՝ հայաստանյան օգտագործողների շրջանում գերակշռող են 18-24 (37%) և 25-34 տարիքային խմբերը (29%): |
Intel-ը կներկայացի նոր սերնդի Core պրոցեսորներ
|
Intel ընկերությունը պատրաստվում է ապրիլ ամսին թողարկել միանգամից 25 Core մոդելի նոր սերնդի պրոցեսորներ՝ կոդային Ivy Bridge անվանմամբ, գրում է DigiTimes-ը:
Ivy Bridge պրոցեսորները կդառնան Intel-ի առաջին միկրոչիպերը, որ արտադրվում են 22 նանոմետր տեխնոլոգիայով ու Tri-Gate մեթոդիկայի կիրառմամբ: Այն ենթադրում է եռաչափ կառուցվածքով տրանզիստորների կիրառումը, ինչը պրոցեսորներին թույլ կտա աշխատել ավելի փոքր լարմամբ և ավելի քիչ կորուստներով:
Պրոցեսորները կունենան 2 կամ 4 հաշվողական միջուկ, ինչպես նաև կատարելագործված վիդեոմիջուկ՝ DirectX 11 ծրագրային միջավայրի աջակցմամբ, որ կապահովի, այժմյան Sandy Bridge տեխնոլոգիայով պրոցեսորների հետ համեմատած, մինչև 60 տոկոս արտադրողականության աճ:
...
Կարդալ շարունակությունը »
|
Anonymous-ը կոտրել է զինվորական հանդերձանքի վաճառքի կայքը
|
Anonymous խմբի հաքերները հայտարարել են Speialforces.com-ը կոտրելու մասին: Կայքը զինվորական հանդերձանք է վաճառում: «Անանունները» pastebin-ում հրապարակած հաղորդագրությունում նշել են, որ կայքը կոտրել են մի քանի ամիս առաջ, սակայն միայն հիմա են հրապարակում ձեռք բերած տվյալները:
Հաքերների ձեռքում են հայտնվել Specialforces.com-ի 14 հազ. հաճախորդների գաղտնաբառերն ու 8 հազ. կրեդիտային քարտերի համարները: Հաքերները նշում են, որ նոյեմբերի 18-ին Կալիֆորնիայում տեղի ունեցած ուսանողական ցույցերի ժամանակ կիրառվել է արցունքաբեր գազ:
Specialforces.com-ը նամակ է ուղարկել իր հաճախորդներին ու զգուշացրել, որ գողացված գաղտնաբառերով ըքաունթներն արգելափակվել են: |
Թողարկվել է աշխարհի ամենամեծ 3D-հեռուստացույցը
|
LG Electronics-ը թողարկել է 84 դյույմ անկյունագծով 3D-հեռուստացույց, որը Full HD-ից 4 անգամ ավելի հստակ է ցույց տալիս պատկերը: Մինչ այս ռեկորդ էր սահմանել Samsung-ը՝ ներկայացնելով 75 դյույմանոց TV:
Նոր սարքի էկրանն ունի 3840 x 2160 պիկսել թույլատրություն: Այն ցուցադրվելու է 2012-ի հունվարին կայանալիք CES ցուցահանդեսին:
LG 3D Ultra Definition (UD) TV-ն ապահովում է 3D Depth Control և 3D Sound Zooming. առաջինը թույլ է տալիս կարգավորել ստերեոէֆեկտի խորությունը, իսկ երկրորդը ստեղծում է վիրտուալ ձայնային միջավայր: Հեռուստացույցը կարողանում է նաև 2D-ն վերածել 3D-ի:
...
Կարդալ շարունակությունը »
|
LG-ն թողարկել է նոր Android Prada 3.0 սմարթֆոնը
|
LG ընկերությունը թողարկել է Prada 3.0 սմարթֆոնը։ Այս մասին գրում է TechСrunch-ը։ Սմարթֆոնն ունի 4,3 դյույմ անկյունագծով WVGA NOVA էկրան, երկակի 1 GHz պրոցեսոր, 8 մեգապիքսել ֆոտոխցիկ։
Ըստ TechСrunch տեխնոբլոգի, այս սմարթֆոնն իր արտաքին տեսքով նման է Nokia ընկերության արտադրած վերջին Lumia 800 սմարթֆոնին։ Prada 3.0 սմարթֆոնը LG ընկերության առաջին սարքավորումն է լինելու, որն աշխատելու է Android բջջային օպերացիոն համակարգի վերջին թարմացումով՝ Ice Cream Sandwich-ով։
Սմարթֆոնը շուկա դուրս կգա սկզբում Եվրոպայում, ապա նաև ասիական երկրներում։ |
ՎիվաՍել-ՄՏՍ-ը գործարկում է Հայաստանում առաջին 4G/LTE ցանցը
|
ՎիվաՍել-ՄՏՍ-ը հայտարարում է Հայաստանում 4G/LTE առաջին ցանցի կոմերցիոն գործարկման մասին: VivaCell-MTS-ի 4G/LTE ցանցի թողունակությունը ներբեռնման դեպքում կազմում է մինչև 150 Մբիթ/վրկ, իսկ վերբեռնման դեպքում` մինչև 50 Մբիթ/վրկ: Իրական պայմաններում, 3G տեխնոլոգիաների համեմատությամբ` 4G/LTE տեխնոլոգիան թույլ է տալիս ստանալ ներբեռնման և վերբեռնման մոտ 10 անգամ ավելի բարձր արագություն:
Նախնական շրջանում 4G/LTE ցանցը կգործի Երևանի կենտրոնում: Հետագայում տեխնոլոգիան կներդրվի Գյումրիում և Վանաձորում, ինչպես նաև այլ մարզկենտրոններում:
Բաժանորդներին առաջարկվող 4G/LTE մոդեմը տեսականորեն ապահովում է ներբեռնման դեպքում մինչև 100 Մբիթ/վրկ, իսկ վերբեռնման դեպքում` մինչև 50 Մբիթ/վրկ արագություն:
...
Կարդալ շարունակությունը »
|
Սուրբ ծննդյան օրը վերածել են «Սմարթֆոնի օրվա»
|
Flurry Analytics ընկերությունը հրապարակել է Ծննդյան տոներին ակտիվացված բջջային սարքերի մասին վիճակագրություն: Սանտա Կլաուսը դեկտեմբերի 25-ին նվիրել է 6,8 մլն սմարթֆոն, պլանշետ ու նվագարկիչ:
Դեկտեմբեր ամսվա ընթացքում օրական ակտիվացել են մոտ 1,5 մլն սմարթֆոններ ու պլանշետներ, որոնց թիվը Ծննդյան տոնին ավելացել է 4,5 անգամ: Համեմատության համար նշենք, որ 2010-ի դեկտեմբերի 24-ին և 25-ին ակտիվացել է 2,8 միլիոն գաջեթ: Google-ի բջջային մշակումների բաժնի տնօրեն Էնդի Ռուբինը Twitter-ում գրել է, որ երկու օրվա ընթացքում ակտիվացվել է 3,7 մլն Android-սմարթֆոն, մինչդեռ ոչ տոնական օրերից այս ցուցանիշը չի անցնում 700 հազարը:
Համադրելով Flurry Analytics-ի ու Google-ի ներկայացրած տվյալները՝ կարելի է եզրակացնել, որ դեկտեմբերի 25-ին ակտիվացվել է 2,22 մլն Android-սարք և 4,6 միլիոն iOS-սարք:. |
iPhone 6-ը կարող է ասպարեզ գալ արդեն 2012-ի աշնանը
|
Վեցերորդ սերնդի iPhone սմարթֆոնը, լրիվ նոր դիզայնով կարող է թողարկվել արդեն 2012 թվականի աշնանը, այսինքն iPhone 4S-ի թողարկումից գրեթե մեկ տարի անց:
Apple ընկերության այս պլանների մասին տեղեկացել է BGR պարբերականը: Ըստ այդմ, ապարատի հետեւի կափարիչը ապակու փոխարեն կլինի ալյումինից: Ոչ պաշտոնական աղբյուրները հայտնում են, որ Apple-ը կարող է անցնել 4 դյույմանոց տրամագծով iPhone էկրանների օգտագործման, 3,5 դյույմանոց դիսփլեյի փոխարեն:
iPhone-ի առաջին սերունդը ներկայացվել է 2007 թվականին: Ներկայումս Apple-ը վաճառել է տարբեր սերնդի ավելի քան 128 մլն սմարթֆոն, գրում է «ՌԻԱ նովոստին»: |
Աստղեր, որոնց անունները Google-ում փնտրելու դեպքում համակարգիչը կարող է վարակվել վիրուսով
|
Հայտնի մարդկանց անուններն ու նկարները միշտ էլ գործիք են չարագործների ձեռքում: Բավական է հետաքրքրությունից դրդված սեղմել հղումն ու տեղափոխվում ես վնասակար բովանդակությամբ կայք:
McAfee հակավիրուսային ու անվտանգության հարցերով մասնագիտացված ընկերությունը հրապարակել է «ամենավտանգավոր» աստղերի տասնյակը: Ցուցակում ներկայացված տոկոսային ցուցանիշը խոսում է վարակված կայքում հայտնվելու հավանականության մասին:
...
Կարդալ շարունակությունը »
|
YouTube-ը գործարկում է վիդեո-բանավեճեր
|
YouTube-ն իր պաշտոնական բլոգում հայտնում է նոր ծառայության գործարկման մասին։ Այն կոչվում է YouTube Slam։ Այն իրենից ներկայացնում է հարցում-քվեարկություն։ Օգտագործողները կարող են քվեարկել առաջադրված հոլովակներից որևէ մեկի համար։
Իրար հետ մրցակցող տեսահոլովակները դասակարգված են ըստ կատեգորիաների՝ հումորային, երաժշտական, պարային, յուրօրինակ, հաճելի և այլն։ Այս հարցում-քվերակությամբ մրցում են ոչ միայն հոլովակները, այլև օգտագործողները։ Քվեարկելով որևէ հոլովակի համար՝ օգտագործողները վաստակում են միավորներ։ Իսկ այն հոլովակը, որը հարցման հաղթողն է ճանաչվում, հավելյալ միավորներ է պարգևում օգտագործողին։
Այս միավորներն էլ դառնում են վարկանիշային դասակարգման մեթոդ և ստեղծվում է այսպես ասած մրցակցող օգտագործողների վարկանիշային ցուցակ։ YouTube-ը համարվում է աշխարհի ամենամեծ
...
Կարդալ շարունակությունը »
|
Windows Phone Marketplace-ում օրական ավելանում է 265 ծրագիր
|
Microsoft Windows Phone բջջային օպերացիոն համակարգի ծրագրերի օնլայն խանութում այժմ կա ավելի քան 50 000 ծրագիր։ Այս մասին հաղորդում է E-week-ը։
Իհարկե 50 000-ը շատ քիչ է համեմատած Apple-ի 400 000 iOS ծրագրերի հետ։ Սակայն պետք է նշել, որ Windows Phone-ին պահանջվել է շուրջ 14 ամիս հասնելու 50 000 ծրագրի։ Օրինակ Android-ի օնլայն խանութը այս նույն ցուցանիշը գրանցել էր միայն 19 ամսում, իսկ iOS-ին ավելի կարճ ժամանակահատվածում՝ 12 ամսում։
Ըստ AAWP-ի, օրական Windows Phone marketplace-ում տեղադրվում է շուրջ 265 ծրագիր ավելի քան 13 000 նախագծողների կողմից։ Սա նշանակում է, որ ընդամենը 40 օրում ևս 10 000 ծրագրով ավելացավ Marketplace-ը: Կարելի է ենթադրել, որ 2012-ին ծրագրերի արագ ավելացում կգրանցվի։
...
Կարդալ շարունակությունը »
|
Google+-ը 2012-ի փետրվարին կունենա 100 միլիոն օգտագործող
|
Ancestry.com-ի հիմնադիր և անկախ վերլուծաբան Փոլ Ալենը կրկին կանխատեսումներ է արել Google+ սոցիալական ցանցի աճի մասին։ Այս անգամ ըստ նրա, Google +-ն ունի 62 միլիոն օգտագործող։ Այս մասին հաղորդում է Mashable տեխնոբլոգը։ Փոլ Ալենի կարծիքով ամեն օր սոցիալական ցանցում ավելանում է 625 000 նոր օգտագործող։
Ըստ նրա հաշվարկների, այս տեմպերով աճի շնորհիվ G+-ը կհասնի 100 մլն օգտագործողի միչև 2012-ի փետրվարի 25-ը և 200 միլիոնի մինչև 2012-ի օգոստոսի 3-ը։ Իսկ արդեն 2012-ի դեկտեմբերին օգտագործողների թիվը կհասնի 300 միլիոնի։ Չնայած այս հաշվարկներին, Փոլ Ալենը չի նշում, թե քանիսն են այս 62 միլիոնից ակտիվ օգտագործողներ։
Google-ը գործարկել է Google+ սոցիալական ցանցը 2011-ի հունիսի 28-ին։ Ըստ Google-ի, վերջին պաշտոնական տվյալները վկայում են 40 միլիոն օգտագործողների մասին։ |
Opera Software. 2011-ը մեզ համար ամենահաջող տարիներից էր
|
Անցնող տարի Opera Software ընկերության համար ամենահաջողներից մեկն է եղել` ինչպես բրաուզերների աճով, այնպես էլ ԱՊՀ տարածքում գործընկերային ցանցի ընդլայնման առումով: 2011-ին Opera բրուզերից օգտվողների քանակը տարածաշրջանում կազմել է 25 տոկոս, ավելի քան 100 միլիոն մարդ նվազագույնը մեկ անգամ իր բջջային հեռախոսով օգտվել է Opera Mini -ի ծառայություններից:
NEWS.am -ին Opera Software -ի մամուլի ծառայությունից հայտնել են, որ մեկ տարվա ընթացքում համակարգիչների, սմարթֆոնների, բջջային հեռախոսների համար տարածվել է Opera -ի ավելի քան 12 միլիոն կաստոմիզացված պատճեններ:
Ինչ վերաբերվում է բրաուզերի բջջային տարբերակներին` Opera Mini -ին եւ Opera Mobile–ին, ապա 2011 -ի վերջին Opera Mini-ից օգտվողների թիվը գերազանցել է ամսական 144 միլիոնը: |
|
