3DNews-ի  բաժանորդագրություն
Շաբաթ, 28 June 2025
Գլխավոր » 2011 » Դեկտեմբեր » 22 » ՏՏ Լրատվական, Տեղեկատվական Տեխնոլոգիաներ
Հեքըթոնի հաղթող ճանաչված Mapy ծրագիրն ամբողջական լուծումներ է առաջարկում երևանցիներին
Հեքըթոն [ՅԱՆ] (Hackthon) Երևան 2011 նորարար գաղափարների և նախագծերի մրցույթին ՍԱՅԲԵՐ ԳԵՅԹՍ (Cyber Gates) թիմը «Լավագույն մոբայլ լուծում» անվանակարգում հաղթող ճանաչվեց՝ իր Mapy նախագծի համար:

Մափի ծրագիրը հասանելի է լինելու երեք տարբերակով. որպես վեբկայք, մոբայլ-կայք և մոբայլ հավելված: ՍԱՅԲԵՐ ԳԵՅԹՍ թիմն իր առջև նպատակ էր դրել տալու Երևան քաղաքի ինչպես տրանսպորտային, այնպես էլ քաղաքում հեշտ կողմնորոշվելու, արտակարգ իրավիճակներում խուճապի չմատնվելու և այլ խնդիրների ամբողջական լուծում:

Մուտք գործելով համակարգ՝ այն անմիջապես որոշում է Ձեր գտնվելու վայրը և դյուրին դարձնում դրանից օգտվելը: Այստեղ կան մի քանի բաժիններ: Օրինակ՝ Places բաժնում յուրաքանչյուրը կարող է գտնել իր ուզած վայրը՝ անմիջապես քարտեզի վրա: Նույնիսկ կարող է ինքուրույն ընտրել միայն իր ուզած տեղերը և տեսնել, օրինակ, մոտակա խանութները կամ թատրոնները:

People բաժնում երևում են քո բոլոր ֆեյսբուքյան ընկերները, ու կարող ես քարտեզի վրա տեսնել, թե նրանցից ով որքան է քեզանից հեռու գտնվում այդ պահին:

Transport բաժինը ամենահետաքրքիրներից է. մուտքագրելով այն փողոցի անունը, որտեղ դու հենց այդ պահին ես, և այն մեկը, ուր ուզում ես հասնել՝ քեզ անմիջապես բերում է բոլոր երթուղիները, որոնք քո նշած վայրերով են երթևեկում: Ավելին՝ քարտեզագրված է դրանց ողջ ճանապարհը: $CUT$

Մյուս նորույթն այն է, որ անմիջապես հեռախոսից հնարավոր է մուտք գործել կոնտակտներ բաժին և անմիջապես զանգահարել արտակարգ իրավիճակների ծառայություններ կամ հանրային որևէ անձի պաշտոնական համարին: Պլանավորվում են զանգերը դարձնել անվճար:

Կան նաև եղանակի, տարադրամի փոխանակման, նորությունների, իրադարձությունների բաժիններ: Հետագայում ծրագրվում է ունենալ նաև առցանց վճարման բաժին:

«Մի խոսքով՝ նախատեսված է ամեն ինչ թե երևանցուն, թե սփյուռքահային, թե արտասահմանցի զբոսաշրջիկին ամբողջությամբ հասանելի դարձնել Երևան քաղաքը՝ անմիջապես իրենից բջջայիններից: ՍԱՅԲԵՐ ԳԵՅԹՍ կազմակերպությունը մոտակա ամիսներին պլանավորում է կյանքի կոչելու Մափի ծրագիրը»,- ասում է թիմի անդամ Անահիտ Բաղդասարյանը:
Հավանել նորությունը
«+10» - հավանությունների քանակ
Դիտումներ: 358 | Ավելացրել է: 3DNewscomm | Հայտնի տեգեր: Places, Transport, Hackthon, People, ՍԱՅԲԵՐ ԳԵՅԹՍ | Գնահատական: 1.4/10 | Ավելացվել է: 22 December 2011, 19:51
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]