3DNews ՏՏ Լրատվական

Կատալոնական դպրոցներում թղթե գրքերը կփոխեն iPad-ով

3DNewscomm — Sat, 14 Jul 2012 17:42:45 GMT

Կատալոնիայի դպրոցներում մտադիր են սովորական դասագրքերի փոխարեն iPad-ներ օգտագործել: Շուրջ 480 դպրոցականներ սեպտեմբերին իրենց դասագրքերը կփոխարինեն Apple ընկերության պլանշետներով, քանի որ դպրոցների ղեկավարությունը անհրաժեշտ է համարում նոր տեխնոլոգիաների կիրառումը ուսումնական գործընթացում:

Ընդ որում, շատ ուսուցիչներ դասերի ժամանակ նման սարքերի օգտագործումը շատ օգտակար եւ հարմարավետ են համարում: Այդուհանդերձ, դպրոցականների մոտ կշարունակեն մնալ ընթերցանության համար նախատեսված գրքերն ու տետրերը, նշում է La Vanguardia-ն: Բացառապես պլանշետներով ուսման մեթոդի անցնող դպրոցներում անհրաժեշտություն է ծագել փոխել ուսումնական պլանը եւ մշակել նոր ուսումնական ծրագրեր:

«Մեր նպատակը չէ iPad-ի օգտագործումը, որովհետեւ դա iPad է: Մենք ցանկանում են օգտվել ռեսուրսներից, որը iPad-ն առաջարկում է եւ դրանով բարելավել դասագրքերի արդյունքները»,-նշել է դպրոցների մեկի տնօրենը: $CUT$

Yandex-ի փոստային ինտեֆեյսը թարգմանվել է նաեւ հայերեն

3DNewscomm — Sat, 14 Jul 2012 17:41:02 GMT

Yandex-ի փոստի լեզվական ընտանիքը համալրվել է: Այս մասին հաղորդում է Yandex-ի պաշտոնական բլոգը:

Հաղորդագրության մեջ նշվում է, որ ինտերֆեյսը թարգմանվել է 5 նոր լեզուներով` հայերեն, վրացերեն, ռումիներեն, բելառուսերեն եւ ղազախերեն: «Մեր փոստից օգտվում են տարբեր երկրների մարդիկ եւ հիմա նրանցից շատերը կկարողանան կողմնորոշվել արդեն մայրենի լեզվով:

Ընդհանուր առմամբ, Yandex-ի փոստն աշխատում է 11 լեզուներով: Բացի նոր 5 լեզուներից, այն գործում է նաեւ անգլերեն, թուրքերեն, ուկրաիներեն, ադրբեջաներեն, ռուսերեն ու թաթարերեն: Այս կամ այն լեզվին անցնելը շատ հեշտ է. բավական է միայն սեղմել էկրանի աջ ներքեւի անկյունում գտնվող դրոշի վրա եւ ընտրել ցանկալի լեզուն»,-ասված է հաղորդագրության մեջ:

Facebook-ը սքանավորում է օգտվողների չաթերը

3DNewscomm — Sat, 14 Jul 2012 17:39:57 GMT

Facebook սոցցանցը ԱՄՆ-ում օգտագործում է չաթերի եւ այլ անձնական տեղեկությունների սքանավորման ավտոմատ ալգորիթմեր` հանցագործությունների հայտնաբերման եւ վաղ կանխման նպատակով:

Այդ մասին Reuters գործակալությանը հայտնել է Facebook-ի անվտանգության հարցերով տնօրեն Ջո Սալիվանը, հաղորդում է «ՌԻԱ Նովոստին»: Ալգորիթմը սքանավորում է նամակագրությունն ու հրապարակումները եւ եթե կասկածելի ակտիվություն է նկատում, հաղորդում է Facebook-ի հատուկ աշխատակցին:
Այս աշխատակիցն, իր հերթին գնահատում է վտանգի աստիճանը եւ առկայության դեպքում տեղեկացնում իրավապահներին: Սալիվանի խոսքով, համակարգն այնքա ճիշտ է, որ օրինապահ օգտվողների նամակագրությունը զուր տեղը չստուգվի: Այս տարվա մարտին համակարգը ուշադրություն էր հրավիրել 30-ամյա տղամարդու եւ 13-ամյա աղջկա $CUT$նամակագրության վրա, որում պարբերաբար «սեքս» բառն էր օգտագործվել: Ըստ նամակագրության, տղամարդը հաջորդ օրը պետք է դպրոցի մոտ հանդիպեր աղջկան: Ոստիկանությունը ձերբակալել է նրան: $CUT$

Համակարգը հիմնականում ուղղված է մանկապիղծների դեմ, սակայն կարող է ուղղված լինել նաեւ այլ հանցագործների դեմ:

Օնլայն բժշկություն բջջային հեռախոսով. Ե՞րբ այն հնարավոր կլինի կիրառել Հայաստանում (ֆոտո)

3DNewscomm — Sun, 17 Jun 2012 09:38:58 GMT

«ԴիջիԹեք -2012» ամենամյա բիզնես ֆորումի շրջանակներում այսօր` հունիսի 16-ին կայացած «ՏՀՏ եւ նորարարական տեխնոլոգիաները առողջապահությունում» գիտագործնական նիստին ներկայացվել է բջջային հեռախոսակապի հիման վրա աշխատող մի համակարգ , որը թույլ է տալիս օնլայն ռեժիմով հիվանդի մի քանի ցուցանիշներ անընդմեջ եւ նույն պահին փոխանցել հիվանդանոց կամ այլ բժշկական կենտրոն:

Այդ ցուցանիշների շարքին են պատկանում էլեկտրոսրտագրությունը (էլեկտրոկարդիոգրամա, ԷԿԳ), արյան ճնշումը, շաքարի եւ թթվածնի պարունակությունը արյան մեջ, ինչպես նաեւ մարմնի քաշը եւ ջերմաստիճանը: Բժիշկը բժշկական կենտրոնում անմիջապես նույն պահին կարող է բացահայտել հիվանդի վիճակի փոփոխությունները եւ անհրաժեշտության դեպքում զգուշացնել հիվանդին վտանգի մասին եւ ձեռնարկել անհրաժեշտ միջոցներ:

Սարքավորումները ստեղծվել են ֆին-հոլանդական համատեղ «MegaKoto» ընկերության մասնագետների կողմից: Օրինակ` ԷԿԳ-ի դեպքում հիվանդի կրծքին ամրացվում է շատ փոքր սարք, որը գրանցվող ԷԿԳ-ն «բլյութութի» միջոցով փոխանցվում է բջջային հեռախոսին, այնուհետեւ ինտերնետ կապի միջոցով բժշկի մոտ գտնվող սերվերին: $CUT$

Բժշկի մոտ գտնվող ծրագրային համակարգը համեմատելով հիվանդի ԷԿԳ-ն բազային ԷԿԳ-ի հետ ահազանգում է, եթե հայտնվում են վտանգավոր տարբերություններ:

Մեկ այլ սարք, որը նույնպես աշխատում է բջջային հեռախոսակապի միջոցով, թույլ է տալիս ահազանգել, երբ հսկողության տակ գտնվող հիվանդի մոտ սկսվում է էպիլեպսիկ նոպա, ինչը օրինակ ծնողներին հնարավորություն է տալիս անմիջապես տեղեկանալ երեխայի մոտ սկսվող նոպայի մասին: Բացի նրանից, որ նմանատիպ սարքերը լայն ապագա ունեն, նրանց կիրառման ծախսատարությունը բավականին ցածր է:

Նշենք, որ այս շնորհանդեսը կազմակերպել է հայկական հեռաբժշկության ասոցիացիայն: Ասոցիացիան բանակցություններ է տանում այս սարքերը ստեղծող ընկերության հետ, դրանք Հայաստանում կիրառելու վերաբերյալ:

Հայաստանը պատրաստվում է արտահանել հերթերը կարգավորող սարքեր

3DNewscomm — Sun, 17 Jun 2012 09:36:31 GMT

3DNews ՏՏ Լրատվական - «Լայմ Թեք» ընկերությունը 2008 թ. Հայաստանում արտադրում է սենսորային էկրանով տերմինալներ, որոնք նախատեսված են բիզնեսի տարբեր ճյուղեր ավտոմատացնելու համար:

Այդ մասին NEWS.am-ին ասաց «Լայմ Թեթ» ընկերության տնօրեն Գեւորգ Սաֆարյան: Ընկերությունն իր արտադրանքները ներկայացրել է նաեւ «Դիջիթեք բիզնես ֆորում»-ին: Հիմնական արտադրանքը սպասարկման սրահներում հերթերի կառավարման համակարգն է: Նման համակարգեր ներկայում տեղադրված են հեռահաղորդակցական ընկերություններում, բանկերում, որտեղ օրվա որոշակի ժամերի հաճախորդների մեծ հոսքեր են լինում:
Ըստ Գ. Սաֆարյանի` եւ ծրագրային ապահովումը, եւ տերմինալը ամբողջությամբ արտադրվում է Հայաստանում: Ընկերությունը ներկայում աշխատանքներ է իրականացնում դրսի շուկաներում ներկայությունն ապահովելու համար, քանի որ արտասահմանյան նմանատիպ արտադրանքներից տարբերվում է ավելի բարձր ծրագրային ապահովմամբ, $CUT$ինչպես նաեւ` ավելի մրցունակ գներով: Կան ծրագրային լուծումներ, որոնք առաջինը ստեղծվել են հենց հայկական ընկերությունում:

Գ. Սաֆարյանի խոսքով` արտասահմանյան ընկերությունները առավելություն ունեն շուկայում ներկայացվածության, շուկայի չափերի, արտադրության ծավալների առումով: Մասնավորապես` տերմինալներն արտադրում են հոսքային գծերի վրա, այնինչ հայկական ընկերությունը, շուկայի փոքր ծավալների պատճառով, դեռեւս կիրառում է ոչ հոսքագծային տեխնոլոգիաներ:

«ԱրմենՏելն» առաջարկում է անվտանգ հոսթինգային ծառայություն

3DNewscomm — Sun, 17 Jun 2012 09:34:51 GMT

3DNews ՏՏ Լրատվական - «ԱրմենՏել» (ապրանքանիշը Beeline) ընկերությունն սկսել է իր կորպորատիվ հաճախորդներին առաջարկել նոր` հոսթինգային ծառայություններ` e-mail hosting եւ web-hosting:

Այդ մասին NEWS.am-ին ասաց «ԱրմենՏել» ընկերության հաճախորդների ծառայության պետ Բուրաստան Մովսիսյանը: Այլ խոսքով` «ԱրմենՏել» ընկերությունը բիզնեսին առաջարկում է տարածք, որտեղ կարելի է տեղադրել բոլոր տեսակի վեբ-ռեսուրսները: Դրա շնորհիվ ընկերությունը ձերբազատվում է սերվերներ կամ այլ սարքավորումներ ձեռքբերելու, կամ սերվերը արտասահմանում տեղադրելու կարիքից:

Բ. Մովսիսյանը հավաստիացրեց, որ «ԱրմենՏելի» սերվերային տնտեսությունն ունի բոլոր անհրաժեշտ պայմանները` անվտանգ ու հուսալի սպասարկում իրականացնելու համար: Մասնավորապես` «ԱրմենՏելի» համապատասխան տարածքն ունի ռեզերվային ինտերնետ, ռեզերվային էլեկտրամատակարարում, պատշաճ օդափոխություն (ցածր $CUT$ջերմաստիճանի պահպանման նպատակով), անվտանգության պատշաճ մակարդակ: Ըստ Բ. Մովսիսյանի` մինչ այժմ «ԱրմենՏելի» սերվերների վրա իրականացված որեւէ հաքերային հարձակում հաջողություն չի ունեցել:

Facebook -ի դեմ 15 մլրդ դոլարի հայց է ներկայացվել

3DNewscomm — Sun, 20 May 2012 11:58:21 GMT

Աշխարհի ամենախոշոր Facebook սոցցանցի 20 օգտատերեր դատական հայցով դիմել են Կալիֆոռնիայի դատարան ընդդեմ ընկերության: Նրանք ընկերությանը մեղադրում են իրենց հետեւելու համար:

Ինչպես հաղորոդում է «Պրավդան», պարզվել է, որ սոցցանցի սեփականատերերը օգտատերերի գործունեությանը հետեւել են նույնիսկ այն ժամանակ, երբ վերջիններս դուրս են եկել իրենց աքաունտից: Կալիֆոռնիայի Դատարան է ներկայացվել 21 հայտ` 15 մլրդ դոլար ընդհանուր արժեքով:

Ենթադրվում է, որ Facebook-ը հետեւել է, թե մարդը որ կայքերն է այցելում, իսկ այդպիսի տեղեկատվությունը գովազդով զբաղվողների համար միլիարդավոր դոլարներ արժե, որոնք կարող են գովազդն ուղարկել` հաշվի առնելով կլիենտի հարցումները:

Nokia-ի բաժնետերերը դատարան են դիմել ընդդեմ իրենց ընկերության

3DNewscomm — Sun, 06 May 2012 18:44:33 GMT

3DNews - Nokia-ի բաժնետերերի մի մասը դատարան է դիմել ընդդեմ սեփական ընկերության` պահանջելով վնասների փոխհատուցում բաժնետոմսերի արժեքի չդադարող նվազման հետ կապված:

Ինչպես հաղորդում է «3DNews.ru» Լրատվականը, իրենց հայցադիմում նրանք պնդում են, որ Windows Phone պլատֆորմը վատացնում է Nokia-ի դիրքերը սմարթֆոնների շուկայում: Դա ակնհայտ է դարձել ապրիլի 11-ին, երբ Nokia-ն հաղորդեց, որ ֆինանսական ցուցանիշներն ավելի վատ են, քան ենթադրվում էր:

Հայցվորները հիշեցրել են, որ ընկերությունը խոստացել էր շուկայում իր վիճակը բարելավել` Microsoft-ի հետ գործընկերության շնորհիվ, ինչը տեղի չի ունեցել: Բացի այդ, բաժնետերերին չեն գոհացնում 2012թ. երկ$CUT$րորդ եռամսյակի կանխատեսումները:

Բաժնետերերը պահանջում են ամբողջությամբ փոխհատուցել իրենց կորուստները` պայմանավորված արժեթղթերի գների մշտական նվազմամբ:

Windows 8-ը չի կարող վերարտադրել DVD-ն

3DNewscomm — Sun, 06 May 2012 18:36:20 GMT

Windows 8 օպերացիոն համակարգում ներկառուցված Windows Media Player հավելվածը չի կարող վերարտադրել օպտիկական DVD-կրիչները: Այդ մասին հայտարարել է Microsoft կորպորացիան:

Ընկերությունը նշում է, որ DVD-ի հեղինակությունը անշեղորեն նվազում է, ավելի շատ օգտատերեր են նախընտրում տեսագրություններ դիտել վեբ-ծառայություններով: Ընդ որում, DVD վերատրադրումից հրաժարվելւ թույլ կտա տնտեսել գերակա կոդեկների արտոնագրման վրա:

DVD-սկավառակների համար օգտատերերը ստիպված կլինի կողմնակի անվճար հավելվածներ տեղադրել (օրինակ VLC) կամ լրացուցիչ գումարի դիմաց գնել Windows 8 Media Center Pack կամ Pro Pack փաթեթներ: $CUT$

Microsoft-ն առայժմ չի նշում Windows 8-ի թողարկման հստակ ժամկետը:

Google-ին տուգանելու են Apple Safari-ից օգտվողներին հետեւելու համար

3DNewscomm — Sun, 06 May 2012 18:31:46 GMT

3DNews ՏՏ Լրատվական - ԱՄՆ առեւտրի դաշնային հանձնաժողովը մտադիր է տուգանել Google ինտերնետ-հսկային Apple-ի Safari բրաուզերի օգտվողների անձնական կյանք ներխուժելու համար:

Ինչպես հայտնում է SecurityLab-ը, վկայակոչելով Bloomberg-ը, որոնողական համակարգ համակարգիչների վրա հատուկ cookies ֆայլեր է տեղադրել, որոնք թույլ էին տալիս անցնել բրազուերի գաղտնիության անվտանգության կարգավորումներն ու հետեւել, թե որ կայքեր է ավելի հաճախ մտնում օգտատերը:

Դա արվել է, որ պեսզի հետագայում հենց այնտեղ էլ գովազդ տեղադրեն: Գերատեսչությունը լիազորված է 16 հազար դոլար տուգանել ամեն օրվա համար, եւ ողջ տուգանքը կազմելու է 10 մլն դոլար: $CUT$

Anonymous-ը սպառնում է ռուսաստանյան կառավարական կայքերին

3DNewscomm — Sat, 05 May 2012 11:21:43 GMT

3DNews ՏՏ Լրատվական - Անհայտ օգտատերերը, որոնք հայտարարել են, թե հաքերական Anonymous միջազգային խմբի անդամներ են, սպառնում են խափանել Պուտինի երդմնակալության արարողությունը:

Ռուսաստանի կառավարական կայքերի վրա կիբեռհարձակումները նշանակված են մայիսի 6-ին, ժամը 15-ին եւ մայիսի 7-ին` 11:55: Համապատասխան ուղերձը զետեղված է Anonymous հաքերային խմբավորման YouTube-ի պաշտոնական ալիքում եւ Twitter-ում (@anonym_rus), հաղորդում է «Ինտերֆաքսը»:

Ավելի վաղ Մոսկվայի քաղաքապետարանը համաձայնություն է տվել մայիսի 6-ին ընդդիմադիր «Միլիոնների երթի» անցկացմանը: Մայիսի 7-ին մեկնարկում է նորընտիր նախագահ Վլադիմիր Պուտինի երդմնակալության արարողությունը:

Հայաստանում կանցկացվի էլեկտրոնիկայի միջազգային համաժողով

3DNewscomm — Sat, 05 May 2012 11:19:34 GMT

3DNews ՏՏ Լրատվական - Էլեկտրոնիկայի ամենամյա 21-րդ միջազգային համաժողովն այս տարի կանցկացվի Երեւանում` հոկտեմբերի 3 - 5 - ին: Այս մասին տեղեկացնում է «EE Times»-ը:

Էլեկտրոնիկայի Միջազգային Համաժողով կազմակերպվում է Բրիտանական «Future Horizons Ltd.» ընկերության կողմից եւ ընդգրկում է ողջ շղթան` գիտահետազոտական եւ փորձակոնստրուկտորային աշխատանքներից մինչեւ վերջնական շուկաներ ու ծառայությունների մատակարարներ:

2012թ. համաժողովի թեման է «Ճգնաժամի վերածումը հնարավորության, նոր կիրառություն, շուկաներ եւ տարածաշրջաններ»: Հայաստանը կրթական լավ ենթակառուցվածք ունի, որը ծրագրային ապահովման լավ շրջանավարտներ ու մասնագետներ է տվել, ինչպես նաեւ շախմատի աշխարհի չեմպիոններ: Միջազգային համաժողովն անցկացվում է$CUT$ Հայաստանի կառավարության եւ Զարգացման հայկական գործակալության աջակցությամբ:

Facebook-ը դուրս է գալիս ֆոնդային շուկա, դա կարող է նրան բերել 13,5 մլրդ դոլար

3DNewscomm — Fri, 04 May 2012 14:01:35 GMT

3DNews ՏՏ Լրատվական - Աշխարհում խոշորագույն Facebook սոցիալական ցանցը դուրս է գալիս ֆոնդային շուկա: Մասնագետների և վերլուծաբանների գնահատականների համաձայն, դա կարող է ընկերությանը բերել 11,8-13,5 մլրդ դոլար, ուրբաթ օրը հաղորդում է Reuters գործակալությունը:

Ավելի վաղ Facebook-ի ղեկավարությունը հայտարարել է, որ հույս ունի բորսա դուրս գալու արդյունքում ստանալ 5 մլրդ դոլար: Արժաթղթերի արժողության դիապազոնը սահմանված է 28-35 դոլար: Եթե ակցիաները վաճառվեն առավելագույն գնով, ընկերության արժեքը կկազմի մոտավորապես 100 մլրդ դոլար, իսկ նվազագույն արժեքը՝ 77:
Ընկերության հիմնադիր Մարկ Ցուկերբերգը, ով այս ամիս դարձել է 28 տարեկան, կպահպանի իր ազդեցությունը, նշում է DAPD գործակալությունը: Բաժնետոմսերի նրա բաժինը ձայնի իրավունքով հավասար կլինի 57,3 տոկոսի, որովհետև նա հետագայում ևս որոշիչ դեր կխաղա ընկերության զարգացման ռազմավարությունը որոշելիս: $CUT$

Samsung-ը ներկայացրել է նոր Galaxy S III-ը` iPhone 5-ի քիլլերը

3DNewscomm — Fri, 04 May 2012 14:00:20 GMT

3DNews ՏՏ Լրատվական - Երեկ Լոնդոնում մամուլի ասուլիսի ժամանակ հարավկորեական հեղինակավոր Samsung ընկերությունը ներկայացրել է իր նոր Galaxy S III սմարթֆոնը, տեղեկացնում է «Թելեգրաֆ»-ը:

Ընկերության նոր արտադրանքն զինված է Android 4.0 Ice Cream Sandwich համակարգով, Quad-Core պրոցեսորով, Super AMOLED էկրանով` 1280x720 խտությամբ և 8 մեգապիկսելանոց երկու տեսախցիկով:

Սմարթֆոնի լայնությունը 8.6մմ է, այն կշռում է 133 գրամ, հագեցած է S Voice տեխնոլոգիայով, որը կարող է ճանաչել հեռախոսի սեփականատիրոջ ձայնը: Galaxy S III-ում առկա են հետևյալ լեզուները` անգլերեն, ֆրանսերեն, իտալերեն, իսպաներեն, գերմաներեն և կորեերեն: Սմարթֆոնը վաճառքի կհանվի մայիսի վերջին: $CUT$

iPhone-ը 99 դոլարով հնարավոր է վերածել պրոյեկտորի (տեսանյութ)

3DNewscomm — Fri, 04 May 2012 13:59:10 GMT

3DNews ՏՏ Լրատվական - Օրերս միջազգային շուկա է հանվել PoP Video սարքը, որը հնարավորություն է տալիս iPhone 4, 4S և iPod մոդելները վերածվել պրոյեկտորիների, տեղեկացնում է vesti.ru կայքը:

Սարքն ապահովում է 940x540 խտությամբ պրոյեկցիա և վաճառվում է ընդամենը 99 դոլարով: Այն լիցքավորում է հոսանքով և կարող է մինչև 120րոպե անդադար պրոյեկցիա ապահովել: Նշվում է, որ PoP Video միաժամանակ կարող է ցուցադրել YouTube-ի և նմանայլ կարքերի տեսանյութեր:

Ինչպես նշել են Apple ընկերության ներկայացուցիչները` սմարթֆոնը պրոյեկտորի վերածելու գաղափարն իրենք վաղուց էին հղացել, նույնիսկ ստեղծվել էին մի շարք սարքեր որոնք ընդունակ էին սմարթֆոնը պրոյեկտորի վերածել, սակայն ի տարբերություն դրանց, PoP Video համակարգի առավելությունը ցածր գինն է և պատկերի որակը: $CUT$

«ԱրմենՏել»-ն ընդլայնում է վաճառքի եւ սպասարկման գրասենյակների թիվը Երեւանում

3DNewscomm — Thu, 03 May 2012 16:00:50 GMT

3DNews ՏՏ Լրատվական - «ԱրմենՏել» ընկերությունը (ապրանքանիշը` Beeline)հայտարարում է Երեւան քաղաքում` Նոր Նորքի շրջանում վաճառքի եւ սպասարկման նոր գրասենյակի բացման մասին: Գրասենյակը գտնվում է Ավետիսյան 48/1 հասցեում` «Սթար» սուպերմարկետի տարածքում:

Նոր գրասենյակն աշխատելու է առանց հանգստյան օրերի` ժամը 09:00-ից մինչեւ 18:00-ը: «Բացելով վաճառքի եւ սպասարկման նոր գրասենյակ` մենք փորձում ենք մեր ծառայություններն ավելի մոտ դարձնել մեր հաճախորդներին: Հեռախոսների եւ պլանշետների մեծ տեսականին ինչպես նաեւ մեր կողմից մատուցվող ծառայությունների ողջ շրջանակն այժմ հասանելի է «Սթար» սուպերմարկետի այցելուներին:

Համոզված եմ, որ սա եւս մեկ քայլ է առավելագույն արագ, սակայն որակով սպասարկում ապահովելու համար»,- նշել է «ԱրմենՏել» ՓԲԸ Գլխավոր տնօրեն Իգոր Կլիմկոն: Նշենք, որ մոտ ապագայում «ԱրմենՏել» ընկերությունը պլանավորում է մայրաքաղաքում բացել վաճառքի եւ սպասարկման եւս մի քանի գրասենյակ: $CUT$

«Առաջին լրատվական» կայքը հաքերային հարձակման է ենթարկվել

3DNewscomm — Thu, 03 May 2012 15:55:45 GMT

3DNews ՏՏ Լրատվական - «Առաջին լրատվական» կայքը հաքերային հարձակման է (կիբեռհարձակման է) ենթարկվել, որի վերաբերյալ կայքի խմբագրակազմը հայտարարություն է տարածել:

«Հարգելի գործընկերներ եւ www.1in.am «Առաջին լրատվական»-ի հարգելի ընթերցողներ, Երեկ` մայիսի 2-ին, ժամը 15:00-ից հետո մեր կայքը կիբեռհարձակման է ենթարկվել, որի արդյունքում պաշտպանող համակարգը արգելափակել է կայքի հասանելիությունը` անվտանգության նկատառումներից ելնելով:

Մեր քաղաքական ուրույն գիծը համառորեն հետապնդելու ճանապարհին ո՛չ անթաքույց սպառնալիքները եւ ո՛չ իսկ գործադրված ֆիզիկական բռնությունները չկարողացան մեզ լռեցնել: Մնում էր վերջին քստմնելի միջոցը` 1in.am-ը ենթարկել աննախընթաց հարձակման: Առաջիկա շատ կարճ ժամանակահատվածում մեր մասնագետները Հայաստան$CUT$ում եւ Միացյալ Նահանգներում կվերականգնեն կայքի բնականոն աշխատանքը:

Շնորհակալություն ենք հայտնում մեր մշտական ընթերցողներին հոգատարության համար, չլռող հեռախոսազանգերի եւ քաջալերանքների համար:

Հատկանշական է, որ հայաստանյան առաջատար լրատվամիջոցների առաջին եռյակում գտնվող լրատվական կայքի նկատմամբ հակերային հարձակումը իրականացվեց խորհրդարանական ընտրություններից երեք օր առաջ եւ մամուլի ազատության նախօրեին»,-ասված է տարածված հայտարարության մեջ:

Աշխարհում ընկել է ինտերնետի արագությունը

3DNewscomm — Thu, 03 May 2012 15:54:20 GMT

2011 թվականի 4-րդ եռամսյակում ամբողջ աշխարհում ինտերնետի միջին արագությունը, նախորդ տարվա նույն ժամանակահատվածի համեմատ նվազել է 14 տոկոսվո, կազմելով 2,3 Mbit/վայրկյան:

Ինչպես հաղորդում է Vesti.ru-ն` վկայակոչելով Akamai-ն (The Leader in Web Application Acceleration), 2011 թվականիի վերջին ինտերնետի արագությունը նվազել է 93 երկրներում եւ ավելացել միայն 41 երկրներում: Դեռեւս անհայտ է, թե ինչը կարող էր ինտերնետի արագության նման նվազման պատճառ հանդիսանալ:

Ընդհանուր առմամբ, եթե հաշվի առնենք ողջ տարվա ցուցանիշները, ինտերնետի միջին արագությունը 2011-ին աճել է 19 տոկոսով: Այդ ցուցանիշով առաջատարը Հարավային կորեան է, որտեղ ինտերնետի արագությունն աճել է $CUT$19 տոկոսով: ԱՄՆ-ում այդաճը կազմել է 14 տոկոս:

Գերմանիայում արգելել են Windows 7-ը եւ Xbox 360-ը

3DNewscomm — Thu, 03 May 2012 15:51:22 GMT

Գերմանիայում, Մանգեյմեի դատարանը որոշել է գերմանական շուկայից հավաքել Microsoft-ի մի շարք ապրանքներ, այդ թվում խաղային Xbox 360-ը եւ Windows 7 օպերացիոն համակարգը:

Ինչպես հաղորդում է Lenta.ru-ն` վկայակոչելով Reuters-ը, նման որոշման պատճառն այն է, որ այդ ապրանքները խախտում են Motorola Mobility ընկերությանը պատկանող պատենտները:

Microsoft-ի ներկայացուցիչներն, իրենց հերթին, հայտարարել են, որ վճիռը չի ազդի Գերմանիայում իրենց արտադրանքի վաճառքի վրա: Ապրիլին ամերիկյան դատարանը արգելել էր Motorola-ին հասնել գերմանական դատարանի որոշման կատարմանը, քանի դեռ ԱՄՆ-ում համանման քննություն է ընթանում: Microsoft-ը մտադիր է բողոքարկել որոշումը:

NVIDIA-ն ցուցադրել է աշխարհի ամենահզոր տեսաքարտը

3DNewscomm — Wed, 02 May 2012 18:26:32 GMT

3DNews ՏՏ Լրատվական - NVIDIA ընկերությունը Շանհայի խաղային փառատոնում հանրությանը ցուցադրել է իր վերջին նվաճումը` GeForce GTX 690 տեսաքարտը: Ինչպես տեղեկացնում է CyberStyle.ru լրատվականը, նորույթը հագեցած է միանգամից երկու 28 նանոմետրանոց Kepler պրոցեսորներով:

Դրանց հիմքային տակտային հաճախականությունը 915 մՀց է, որը կարելի է հզորացնել 1019 մՀց-ի: Քարտի վրա տեղակայված են երկու GDDR5 մոդուլներ, յուրաքանչյուրը` 2 Գբ: Արտադրողը GeForce GTX 690-ը հայտարարել է «աշխարհի ամենաարագ գրաֆիկական քարտը», որը կրկնակի արագ է նախորդ GTX 680-ից:

Ինչպես պնդում են NVIDIA-ում, Crysis 2 Ultra խաղալիս քարտն ընդունակ է վայրկյանում ապահովել 57,8 կադր, Dirt 3-ի դեպքում` 111,2 կ/վրկ: GTX 680-ը նույն խաղերում ապահովում էր, համապատասխանաբար, 32,3 եւ 62,3 կ/վրկ: GeForce GTX 690-ի գինը նույնքան ցնցող է, որքան նրա տեխնիկական բնութագիրը` 999 դոլար: $CUT$