Samsung-ը KT-ն կթողարկեն նոութբուքեր և պլանշետներ, որոնք կաշխատեն WiBro 4G-ով
|
Samsung ընկերությունը և Korea Telecom բջջային օպերատորը պլանավորում են թողարկել չորս տասնյակ դյուրակիր համարակգիչներ` համալրված WiBro 4G կապի հնարավորությամբ:
WiBro (Wireless Broadband)-ը ինտերնետի միացման անլար լայնաշերտ տեխնոլոգիա է` մշակված հարավկորեական հեռահաղորդակցական ընկերությունների կողմից: Տեխնիկապես այն IEEE 802.16e (Mobile WiMAX) միջազգային ստանդարտն է: WiBro-ի կայաններն ունեն 30–50 մբիտ/վ թողունակություն և ծածկում են 1-5 կմ տարածք:
Electronist–ը գրում է, որ Samsung-ը կհամալրի WiBro–մոդուլով Series 7 Slate PC, Series 3 300V, Series 3 300E, 350U Ultraslim և RC530 պլանշետներն ու նոութբուքները: Այս սարքերի մշակումը կօգնի իրականացնել Intel ընկերությունը: |
Apple ընկերությունը սարսափով է սպասում Google պլանշետի թողարկմանը
|
Acer, Asustek, Lenovo և այլ ընկերություններ անհանգստանում են Google-ի պլանշետ թողարկելու կապակցությամբ, քանի որ այն կարող է դառնալ շուկայի առաջատար ու խլել իրենց մասնաբաժինները:
Նշենք, որ Google պլանշետի թողարկումը սպասվում է 2012-ի առաջին կեսում: Հաղորդում է DigiTimes-ը: Ամենից շատ ընկերություններն անհանգստացած են այն բանի համար, որ Google-ը պատրաստվում է իր պլանշետում տեղադրել Android օպերացիոն համակարգի 4.1 տարբերակը:
Մրցակցության ասպարեզում միայն Google-ը չէ, որ վտանգ է ներկայացնում. Amazon և Barnes & Noble ընկերությունները նույնպես հաջողությունների են հասնում շուկայում: Դեռևս պաշտոնական թվեր չկան, սակայն IHS iSuppli-ի վերլուծաբանները համոզված են, որ 2011-ի չորրորդ եռամսյակում Amazon-ը հասցրել է իրացնել 3,9 մլն սարք՝ գրավելով համաշխարհային շուկայի 13,8%-ը:
...
Կարդալ շարունակությունը »
|
Google-ի ծառայությունները արդեն 2-րդ անգամ խափանվում են Ռուսաստանում
|
Այսօր Ռուսաստանի ինտերնետ օգտագործողների համար մոտ 30 րոպե անհասանելի է եղել Google ընկերության բոլոր ծառայությունները՝ սկսած Gmail-ից մինչև Google Search:
Սա արդեն երկրորդ դեպքն է դեկտեմբեր ամսվա մեջ: Առաջին անգամ Google-ն ամբողջովին անհասանելի է եղել այս տարվա դեկտեմբերի 22-ին, գրում է Lenta.ru-ն: Ինչպես հայտնել էին Google-ի ներկայացուցիչները, այդ ժամանակ տեխնիկական խնդիրներ կային օպտիկամանրաթելային ցանցի հետ, որը նաև դարձել էր անհասանելիության պատճառ ԱՄՆ-ում: Իսկ թե ինչը հանդիսացավ պատճառ խնդրի կրկնության համար, դեռ Google-ի Ռուսաստանյան մասնագետները պարցում են:
Այս պահին Google ընկերության բոլոր ծառայություններն արդեն հասանելի են Ռուսաստանում: |
Թուրք հաքերները գրոհել են տասնյակ ֆրանսիական կայքեր
|
Թուրք հաքերները կիբերհարձակումներ են գործել տասնյակ ֆրանսիական էջերի վրա, հաղորդում է ԻՏԱՐ-ՏԱՍՍ-ը: Հանցագործները կոտրել են իշխող կուսակցության անդամ մի քանի պատգամավորների անձնական էջերը: DDoS-հարձակումների են նեթարկվել նաև հայ համայնքի ինտերնետ-ռեսուրսները: Բացի այդ, հաքերները մի քանի ժամով խափանել են Սենատի կայքի աշխատանքը:
Հենց սենատորները պետք է վերջին խոսքն ասեն Հայոց ցեղասպանության ժխտումը քրեականացնող օրինագծի հաստատման հարցում: Ինչպես գրում է Le Mond-ը, հարձակումներն իրագործել է ազգայնական տրամադրվածության թուրք հաքերների Millikuvvetler.net խումբը: ԱԺ-ում հաստատված օրինագծի հեղինակ Վալերի Բոյերը ևս հաշվեհարդարի ու բռնաբարության սպառնալիքներ է ստացել: Խորհրդարանականը մտադիր է դատարան դիմել:
Դեկտեմբերի 22-ին Հայոց ցեղասպանության ժխտումը քրեականացնող բանաձևն ընդունվել է Ֆրանսիայի Ազգային Ժողովում: Օրինագիծը Հայոց ցեղասպանության ժխտման համար նախատեսում է 1 տարվա ազատազրկում և 45 հազ. եվրոյի չափով տուգանք: Այս կապակցությամբ Թուրքիան հետ է կանչել դեսպ
...
Կարդալ շարունակությունը »
|
Ամերիկացին ստեղծում է եռանկյուն պլանշետ
|
Ամերիկացի դիզայներ Էրիկ Կալիստոյի կարծիքով՝ այժմյան գաջեթները շատ ձանձրալի տեսք ունեն: Նա առաջարկել է մշակել եռանկյուն պլանշետ (Triangle Tablet), որն, իր համոզմամբ, կվաճառվի նույնքան հաջող, որքան ուղղանկյուն պլանշետները:
«Apple-ը և այլ ընկերությունները կգնահատեն իմ միտքը, քանի որ եռանկյուն պլանշետը բոլորովին նոր հնարավորություններ կընձեռի օգտագործողներին»,- հայտարարել է Կալիստոն:
Computerra-ն գրում է, որ դիզայներն իր գաղափարի իրականացման համար միջոցներ կհայթայթի Kickstarter ծառայության միջոցով (http://www.kickstarter.com/projects/1449338253/triangle-tablet-unleash-the-power-of-the-pyramid): Կալիստոն նպատակ է դրել մինչև հունվարի 21-ը հավաքել 25000 դոլար: Իսկ այն բարեգործը, ով կտրամադրի 5000 դոլար, կկարողանա անուն ընտրել եռանկյուն սարքի համար: Սակայն առաջին հինգ օրում հավաքվել է ընդամենը 28$, ինչը խոսում է այն մասին, որ շատ քչերին է ոգևորել գաղափարը: |
2011-ին Հայաստանում սոցիալական ցանցերի առաջատարը շարունակեց մնալ Odnoklassniki ցանցը
|
Ողջ աշխարհում 800 միլիոն օգտագործող ունեցող Facebook սոցիալական ցանցում Հայաստանից կա ընդամենը 242 000 օգտագործող: Սա 2011-ի վերջին տվյալներն են ըստ socialbakers.com վիճակագրական ընկերության:
Այս ցուցանիշը շատ փոքր է՝ համեմատած ռուսական Odnoklassniki սոցիալական ցանցի 640 000 հայ օգտագործողների հետ (Liveinternet-ի տվյալներով): Odnoklassniki-ն շարունակում է մնալ ամենաճանաչվածը Հայաստանում, սակայն միևնույն ժամանակ, ամենապասիվը՝ հասարակական ակտիվության տեսանկյունից:
Եթե ընդհանուր առմամբ դիտարկենք 2011-ին ճանաչված սոցիալական ցանցերի զարգացման ընթացքը Հայաստանում, ապա կնկատենք, որ յուրաքանչյուրն ունի հստակ թիրախավորված լսարան: Ըստ տեղեկատվական տեխնոլոգիաների փորձագետ Սամվել Մարտիրոսյանի, Odnoklassniki-ում մարդիկ հիմնականում գրանցվում են անձնական շփման համար. «Կայքն իր կառուցվածքով և գործիքներով հենց այդպիսինն է:
...
Կարդալ շարունակությունը »
|
Տեխնոբլոգ Mashable-ը կազմել է 2011-ի լավագույն սպորտային iPhone խաղերի ցուցակը
|
Տեխնոբլոգ Mashable-ը կազմել է 2011-ի լավագույն սպորտային iPhone խաղերի տասնյակը: Տասնյակի առաջին տեղում NBA Jam կոչվող բասկետբոլային խաղն է: Այս խաղը հնարավոր է միաժամանակ խաղալ երկու iPhone-ներով: Այն իրենից ներկայացնում է դասական բասկետբոլ:
Երկրորդ սպորտային iPhone խաղն ըստ Mashable-ի Super Stickman Golf-ն է: Այն յուրօրինակ 2D ծրագիր է, ուր գոլֆի խաղադաշտը ծառերի ճյուղերի վրա է տեղակայված: Տասնյակում տեղ գտած մյուս ծրագիրը կոչվում է iOOTP Baseball 2011: Այն իրենից ներկայացնում է ավանդական ամերիկյան բեյսբոլ: Այստեղ կարելի է ընտրել սիրելի թիմը և խաղալ: 4-րդը տասնյակում Flick Champions է: Այն բաղկացած է ութ խաղից՝ բոուլինգից մինչև ֆուտբոլ: Սակայն այս ծրագրում բոլոր խաղերը սեղանի խաղերի տեսքով են պատկերված:
Տասնյակի 5-րդ հորիզոնականում FIFA Soccer 12 ֆուտբոլն է: Այն հնարավոր է խաղալ նաև iPad-ներով: 6-րդը տասնյակում կրկին ֆուտբոլային ծրագիր է ՝ Flick Soccer-ը: 7-րդը Par Out Golf խաղն է:
...
Կարդալ շարունակությունը »
|
CNN-ը հրապարակել է 2011-ի ՏՏ ոլորտի հիշարժան իրադարձությունների ցանկը
|
CNN-ը կազմել է վերլուծություն 2011-ի տեխնոլոգիաների ոլորտի իրադարձությունների վերաբերյալ: Ըստ ճանաչված լրատվամիջոցի, տարին աչքի է ընկել հաքերային հարձակումներով, ՏՏ ոլորտի հայտնի անձանց մահով և մի քանի նոր խնդիրներով և միտումներով:
Տարվա տպավորիչ և հիշարժան իրադարձությունների CNN-յան տասնյակի առաջին տեղում Apple ընկերության համահիմնադրի և նախկին գործադիր տնօրենի՝ Սթիվ Ջոբսի մահն է: Երկրորդ տեղում սոցիալական ցանցերի դերի բարձրացումն է: Ըստ CNN-ի, արաբական աշխարհում 2011-ին մեծ դերակատարություն ունեցան Facebook-ը, Twitter-ը և YouTube-ը: Սոցիալական ցանցերի օգտագործմամբ կազմակերպվել են մեծ ցույցեր: Հատկանշական էր եգիպտական ապստամբությունը: Սոցիալական ցանցերից հատկապես Twitter-ը մեծ դերակատար էր Եվրոպայում և ԱՄՆ-ում սկիզբ առած Occupy Wall Street շարժման մեջ:
CNN-ն իր տասնյակի երրորդ տեղում հիշեցնում է հաքերային հարձակումները: Հիմնականում խոսքը գնում է Anonymous հաքերային խմբավորման մասին, որոնք 2011-ին հափշտակեցին մեծ ընկերությունների գաղտնի տվյալներ, անգամ բազմիցս կարողացան կոտրել և տիրանալ կառավարական կայքերի:
...
Կարդալ շարունակությունը »
|
Ամանորյա նոր iOS ծրագրով կարելի է iTunes-ից ներբեռնել անվճար թվային բովանդակություն
|
Apple-ը գործարկել է 12 Days of Christmas («Ծննդյան 12 օրերը») ավանդական դարձած հավելվածը, որի միջոցով Եվրոպայի ու Կանադայի օգտագործողները դեկտեմբերի 26-ից հունվարի 6-ն ընկած ժամանակահատվածում կարող են անվճար բովանդակություն բեռնել iTunes Store-ից, հաղորդում է Apple Insider-ը:
ԱՄՆ-ում այս առաջարկը չի գործում: Հավելվածը կհայտնվի iTunes Store-ում այսօր երեկոյան: Այն գործարկվում է արդեն չորրորդ անգամ: Օգտագործողը 12 օրվա ընթացքում ստանաում է հատուկ առաջարկներ՝ երաժշտություն, տեսահոլովակներ, գրքեր ու ծրագրեր բեռնելու համար: Յուրաքանչյուր առաջարկ ուժի մեջ է 24 ժամվա ընթացքում:
12 Days of Christmas-ը համատեղելի է iPhone 3GS, iPhone 4, iPhone 4S սմարթֆոնների, iPod touch նվագարկիչների, iPad, iPad 2 պլանշետների հետ, ինչպես նաև սովորական համակարգիչների հետ: |
Համակարգչային վիրուսը սպանել է երեխային
|
Windows օպերացիոն համակարգն արգելափակող վիրուսը դարձել է դպրոցական երեխայի ինքնասպանության պատճառ: Դեպքը պատահել է Ալթայի երկրամասում:
Ինտերնետին միանալուց որոշ ժամանակ անց դպրոցականի նոութբուքն արգելափակվել է՝ ցուցադրելով հետևյալ հաղորդագրությունը՝ «Համակարգչի աշխատանքը վերականգնելու համար ուղարկեք sms-հաղորդագրություն»: 8-րդ դասարանում սովորող տղան, տեսնելով այս հաղորդագրությունը, վախեցել ու որոշել ինքնասպանություն գործել: Մահվանից առաջ նա գրություն է թողնել, որտեղ հրաժեշտ է տվել ծնողներին ու պատմել ինքնասպանության պատճառի մասին: Հաղորդում է «РИА Новости»-ն:
Աշխատանքից վերադարձած ծնողները հայտնաբերել են երեխային կախված: Նշենք, որ գարնանը Ռուսաստանում ինքնասպանություն էր գործել 13-ամյա մի երեխա, ով 14-րդ հարկից իրեն ցած էր նետել, որովհետև ծնողներն արգելում էին համակարգչային խաղեր խաղալ:
...
Կարդալ շարունակությունը »
|
|