Google-ը ստեղծում է Siri-ի սեփական ալտերնատիվը՝ Majel
|
Google-ը պլանավորում է կատարելագործել Android սմարթֆոնների ձայնային կառավարման ֆունկցիան այն հասցնել iPhone 4S-ում տեղ գտած Siri համակարգի մակարդակին, հաղորդում է Android and Me ռեսուրսը:
Majel կոդային անվամբ ծրագիրը կընդլայնի բազմաթիվ Android-սմարթֆոններում տեղ գտած ձայնային կառավարման Voice Actions ծառայության հնարավորությունները: Ի տարբերություն Voice Actions-ի՝ Majel-ը կճանաչի ցանկացած օգտագործողի ձայն՝ առանց նախնական կարգավորումներ տալու: Կատարելագործումները, հավանաբար, կթողարկվեն արդեն դեկտեմբերի վերջին, բայց ավելի հավանական ժամկետ է մյուս տարվա հունվարը կամ փետրվարը:
Google-ը նախկինում ևս պլանավորում էր այսպիսի ծառայությունների ներդրումը՝ բերելով Star Trek ֆանտաստիկ սերիալի Enterprise տիեզերանավի գլխավոր համակարգչի օրինակը: Ընդ որում՝ այդ սերիալում համակարգչի ձայնը կրկնօրինակում էր Մեյջլ Բարեթը (Majel Barrett), ի պատիվ որի էլ անվանվել է այս ծառայությունը:
...
Կարդալ շարունակությունը »
|
iPhone-ով նկարահանվել է երաժշտական տեսահոլովակ
|
Camp 4 Collective էքսպերիմենտային խումբն օրեր առաջ թողարկել է iPhone-ով նկարահանած երաժշտական տեսահոլովակ: Հաղորդում է Apple-ի պաշտոնական բլոգը: Հիշեցնենք, որ սմարթֆոնն ունի 8մպ տեսախցիկ ու 1080p տեսանյութ նկարահանելու հնարավորություն:
Ռեժիսորը Թիմ Քեմփլն է, իսկ տեսահոլովակը նկարահանվել է Ջիլիան Չեյսի երգի հիման վրա: Քեմփլի խոսքով՝ iPhone-ով աշխատելը չափազանց հեշտ էր, քանի որ այն չի պահանջում կարգավորումներ, հեշտ փոխադրելի է և այլն:
Կադրերը մոնտաժելիս օգտագործվել են Final Cut Pro, Premiere Pro և Magic Bullet Colorista ծրագրերը:
...
Կարդալ շարունակությունը »
|
Google-ը թողարկել է Chrome 16-ը
|
Ինտերնետ-հսկա Google-ը ներկայացրել է իր Chrome բրաուզերի 16-րդ տարբերակը:
Ինչպես հաղորդում է Lenta.ru-ն, հիմնական նորարարությունը ինտերնետ-օգտագործողների մի քանի աքաունթների աջակցությունն է: Օգտագործողներն այսուհետ կարող են Google-ի իրենց էջից տվյալները փոխանցել Chrome եւ սինխրոնիզացնել կարգավորումները: Chrome 16-ը հնարավորություն է տալիս մի քանի աքաունթներ միացնել իրար:
Նշենք, որ Google դրամական փոխհատուցում է խոստացել այն ինտերնետ-օգտագործողներին, ովքեր լուրջ թերություններ կգտնեն. այս անգամ վճարվել է 6 հազար դոլար:
Հիշեցնենք, որ շուրջ մեկ շաբաթ առաջ Accuvant Labs-ը Google Chrome-ը ճանաչել է ամենաանվտանգ բրաուզերը: |
Google-ը $11.5 մլն դոլար է նվիրաբերում ստրկության դեմ պայքարին
|
Google ընկերությունն այսօր հայտարարել է ամբողջ աշխարհում ստրկության դեմ պայքարին միանալու մասին ու 11.5 մլն դոլար նվիրաբերել տարբեր կազմակերպություններին, որոնք զբաղվում են այդ հարցերով: Հաղորդում է Associated Press-ը:
Այսօր ամբողջ աշխարհում մոտ 27 մլն մարդ ենթարկվում է ստրկության՝ ներառյալ ստիպողաբար աշխատանքն ու թրաֆիքինգը:
«Այսօր ստրկությունը շատ ավելի մեծ չափերի է հասել, քան երբևէ մարդկության պատմության մեջ»,- ասել է Google-ի բարեգործական ու փաստաբանական բաժնի ղեկավար Ժակլին Ֆյուլերը:
Որպես ստրկության դեմ պայքարի համակարգող Google-ն ընտրել է Վաշինգտոնի միջազգային արդարության առաքելություն հասարակական կազմակերպությունը: |
Աշխարհի ամենադիմացկուն հեռախոսը Sonim XP3300 Force-ն է
|
Ամանորյա տոներին տղամարդկանց համար լավագույն նվեր է առաջարկում Sonim ընկերությունը, որն արտադրում է GSM հեռախոսներ: Այս մասին հաղորդում է tvrain.ru-ն:
Եթե սմարթֆոնը փխրուն է ու նուրբ, ապա XP3300 գաջեթը նախատեսված է արտակարգ իրավիճակների համար: Նախ և առաջ հեռախոսն անջրանցիկ է և չի կոտրվի նույնիսկ շատ ուժեղ հարվածների դեպքում: Հեռախոսը նույնիսկ գրանցվել է Գինեսի ռեկորդների գրքում`որպես աշխարհի ամենաամուր հեռախոս (հեռախոսը 25մ բարձրությունից նետել են բետոնե հատակին և այն չի վնասվել):
XP3300 հեռախոսի` արտաքին ազդակներից պաշտպանվածությունը երաշխավորված է ԱՄՆ-ի Պաշտպանության նախարարության վկայականով:
...
Կարդալ շարունակությունը »
|
Apple-ի հիմնադիր փաստաթղթերը աճուրդում վաճառվել են 1,6 մլն դոլարով
|
Երեկ Նյու Յորքում կայացած Sotheby's-ի գրքերի և ձեռագիր մատյանների աճուրդի ժամանակ Apple -ի 1976թ-ի հիմնադիր փաստաթղթերը, որոնք միասին ստորագրել են ընկերության հիմնադիրներ Սթիվ Ջոբսը, Սթիվ Վոզնյակը և Ռոնալդ Ուեյնը, վաճառվել են 1,6 միլիոն դոլարով։ Այս մասին հայտնում է Apple Insider-ը։
Գումարը տասն անգամ գերազանցել է փորձագետների կանխատեսած՝ 150 000 դոլարը։ Աճուրդը սկսվել է 70 000 դոլարի առաջարկից: Փաստաթղթերի տերն է դարձել Մայամիում գտնվող Cisneros ընկերության գլխավոր տնօրեն Էդուարդո Սիսներոսը։
Նշենք, որ ընկերության համահիմնադիրներից ոչ մեկն այսօր ընկերությունում չէ։ Սթիվ Վոզնյակը 1987-ին է ավարտել իր աշխատանքը ընկերությունում, Սթիվ Ջոբսը՝ 2011-ի օգոստոսին, ապա կքնել է իր մահկանացուն։ Իսկ Ուեյնը՝ դեռևս ընկերության հիմնադրման առաջին օրերին։ |
Google-ը հրապարակել է Ճապոնիայի՝ երկրաշարժից առաջ և հետո արված լուսանկարները
|
Ինտերնետ օգտագործողներն այսուհետ կարող են վիրտուալ ճանապարհորդություն կատարել նախկին ու ներկա Ճապոնիայում, հաղորդում է Google-ի պաշտոնական բլոգը:
Ստեղծվել է հատուկ կայք՝ «Build The Memory» (http://www.miraikioku.com/streetview/en/) , որտեղ կարելի է համեմատել ս.թ. մարտին տեղի ունեցած երկրաշարժներից ու ցունամիներից առաջ և հետո արվա համայնապատկերները, ինչպես նաև ավելացնել սեփական լուսանկարները:
Ինտերակտիվ ֆոտոարխիվ ստեղծելու համար Google Street View-ի մեքենաներն անցել են ավելի քան 44 հազ. կմ՝ նկարահանելով 82 քաղաքներ:
...
Կարդալ շարունակությունը »
|
Apple-ը մաքրում է շուկան HTC հեռախոսներից
|
Այսօր Վաշինգտոնի առևտրային հանձնաժողովը կպարզի՝ արդյոք HTC-ն խախտում է Apple-ի արտոնագրային իրավունքները: Եթե որոշումը կայացվի Apple-ի օգտին, հանձնաժողովը կարող է արգելել HTC հեռախոսների ներկրումն ԱՄՆ: HTC-ն իր հերթին մեղադրում է Apple-ին իր տեխնոլոգիաները յուրացնելու մեջ, սակայն դեռևս հաջողության չի հասել արտոնագրային պատերազմում:
Նոյեմբերին ԱՄՆ-ի առևտրային հանձնաժողովը հաստատել է, որ Apple-ի սարքերից և ոչ մեկը չի խախտում HTC-ի արտոնագրային իրավունքները:
Նշենք, որ HTC-ն երրորդ ընկերությունն է, որը Google-ի Android օպերացիոն համակարգն օգտագործելու պատճառով ստիպված է դատական գործերի մեջ ներքաշվել Apple-ի հետ:
...
Կարդալ շարունակությունը »
|
Wikipedia-ի հիմնադիր Ջիմի Ուելսն առաջարկել է ժամանակավորապես փակել օնլայն հանրագիտարանը՝ որպես բողոք՝ ուղղված SOPA օրենքի նախագծի ընդունմանը: Wikipedia հանրույթն ընդունել է այս առաջարկը:
Այս շաբաթ ԱՄՆ-ի Կոնգրեսի ներկայացուցիչները կքվեարկեն Stop Online Piracy Act (SOPA,Դադարեցրեք օնլայն ծովահենությունը) նախագծի ընդունման վերաբերյալ: Եթե այն ընդունվի, ապա իշխանությունները իրավունք կունենան ինտերնետ-պրովայդերներից պահանջել արգելափակել անօրինական բովանդակությամբ կայքերը:
SOPA-ի դեմ ակտիվ ելույթ են ունենում Google, Facebook, Yahoo, Twitter ինտերնետ-հսկաները, Mozilla-ն, eBay-ը, LinkedIn-ը և այլն: Նրանց կարծիքով՝ օրենքի ընդունման դեպքում կառավարությունը չափից դուրս մեծ իշխանություն կունենա վեբ-կայքերի վրա:
...
Կարդալ շարունակությունը »
|
Ֆեյսբուքը գործարկում է ինքնասպանությունները կանխարգելող ծրագիր
|
Facebook սոցցանցը գործարկում է մի ծրագիր, որը նախատեսված է ինքնասպանության շեմին հայտնված մարդկանց օգնելու համար: Հաղորդում է Associated Press-ը:
Ծրագիրը թույլ կտա ակնթարթորեն (չաթով) կապվել ԱՄՆ-ի Ինքնասպանությունների կանխարգելման թեժ գծի մասնագետների հետ: Բացի այդ՝ սոցցանցի օգտագործողները կկարողանան հայտնել մասնագետներին իրենց ընկերների սուիցիդալ մտքերի մասին: Օգտագործողներին կուղարկվեն էլ. նամակներ՝ թեժ գծից օգտվելու կամ անմիջապես չաթով զրուցելու առաջարկով:
Շատ հաճախ ինքնասպանության պատրաստվող մարդիկ կիսվում են իրենց մտքերով Ֆեյսբուքում: The Washington Post-ը գրում է, որ մի քանի օր առաջ ամերիկացի օգտագործողներից մեկը սոցցանցում գրել է ինքնասպանության մտադրություն ունենալու մասին: Ինչպես պարզվել է հետո, նա սպանել է կնոջը, հարազատներին, այնուհետև վերջ տվել իր կյանքին:
...
Կարդալ շարունակությունը »
|
|
