«Одноклассники»-ն ամբողջովին կփոխի դիզայնը
|
«Одноклассники» սոցցանցի ադմինիստրացիան հայտարարել է մոտալուտ փոփոխությունների մասին:
Կայքի կրեատիվ տնօրեն Ալեքսանդր Իզրյադնովը «РИА Новости»-ի հետ զրույցում ասել է, որ կայքի դիզայնը առավելագույնս կպարզեցվի, սակայն հաշվի առնելով սոցցանցից օգտվողների պահպանողականությունը՝ արտաքին փոփոխությունները կգործարկվեն աստիճանաբար:
Մասնավորապես՝ Odnoklassniki.ru սոցցանցն արդեն հրաժարվել է էջի վերևում գտնվող մենյուից, իսկ օնլայն ընկերների ցանկը ձախից տեղափոխվել է աջ: Իզրյադնովի խոսքով՝ կգործարկվեն նաև նոր ֆունկցիաներ, իսկ մի քանի ծառայություններ կդառնան անվճար: |
LG-ն պաշտոնապես ներկայացնում է Prada 3.0-ն
|
Prada-ն և LG-ն ներկայացրել են իրենց վերջին համատեղ աշխատանքը՝ LG Prada 3.0-ը: Նորագույն դիզայնով այս հեռախոսն ունի 1ԳՀց երկմիջուկ OMAP պրոցեսոր, 4.3 դյույմանոց WVGA NOVA Plus էկրան, 1ԳԲ օպերատիվ հիշողություն, 8GB ներքին հիշողություն, 8մպ տեսախցիկ:
Սարքն աշխատում է Android 2.3.7 (Gingerbread) օպերացիոն համակարգով: Ապագայում ՕՀ-ը կթարմացվի մինչև Ice Cream Sandwich տարբերակը:
Engagdet-ի փոխանցմամբ՝ հեռախոսն ունի նաև նորաձև աքսեսուարներ՝ Prada պայուսակ, Bluetooth ականջակալ: Նախատեսված է հատկապես կանանց համար: Թե երբ սմարթֆոնը դուրս կգա շուկա, չի հաղորդվում: |
Apple-ն Իսրայելում կստեղծի առաջին արտասահմանյան հետազոտական կենտրոնը
|
Apple ընկերությունը բանակցություններ է վարում իսրայելական Anobit նորաստեղծ ընկերությունը գնելու շուրջ: Ինչպես պարզվել է, սա «խնձորային» ընկերության ծրագրերի միայն մի մասն է. Apple-ը ցանկանում է Իսրայելում ստեղծել առաջին հետազոտական ու մշակման ընկերությունը:
Նախկինում Apple-ի արտադրանքները մշակվել են միայն ԱՄՆ-ում: Ինչպես գրում են իսրայելական «Գլոբս» և «Կալկալիստ» պարբերականները, եթե Apple-ը գնի նորաստեղծ ընկերությունը, հավանաբար դրա հիմքի վրա էլ կկառուցի իր հետազոտական ու մշակման կենտրոնը:
Լրատվամիջոցները նշում են նաև, որ իսրայելական մասնաճյուղը կգլխավորի IBM-ի իսրայելական բաժնի մշակող Հայֆե Աարոնը, ով մի քանի տարի շարունակ զբաղվել է Իսրայելի անվտանգության ուժերի համար բարձր տեխնոլոգիաների մշակմամբ: |
Google-ի քարտեզներ խմբագրելն այժմ դարձել է ավելի հեշտ
|
Google Map Maker-ը, որը թույլ է տալիս ստեղծել ու խմբագրել քարտեզները, փոփոխությունների է ենթարկվել: Թարմացվել է ինտերֆեյսը, ինչպես նաև ընդլայնվել են ծառայության ֆունկցիաները:
Այսուհետ սկսնակ օգտագործողները հնարավորություն կունենան ծանոթանալ Map Maker-ի հետ աշխատելու ձևերին՝ ինչպես ավելացնել տեղանունները, ճանապարհները, խմբագրել դրանք և դիտել այլ օգտագործողների նշումները:
Նշենք, որ Google Map Maker-ը (http://www.google.com/mapmaker?splash=1) հասանելի է 180 երկրներում, այդ թվում՝ նաև Հայաստանում: |
Ամերիկացի օդաչուները կսկսեն օգտագործել iPad
|
American Airlines-ի ստացած թույլտվության համաձայն՝ օդաչուներն արդեն ուրբաթ օրվանից կկարողանան թռիչքի ժամանակ օգտվել iPad-ից: Հաղորդում է ZDNet-ը:
American Airlines-ը սկսել է այս ծրագրի փորձարկումը հունիսին: Օդաչուների թղթերն ու չվացուցակները կփոխարինվեն ինտերակտիվ տարբերակով, մասնավորապես՝ օդաչուները կօգտագործեն JeppTC հավելվածը:
iPad-ները կօգտագործվեն B-777 ինքնաթիռներում, այնուհետև նաև այլ օդանավերում: Նշենք, որ United Airlines, Alaska Airlines և UPS ավիաուղիները ևս շուտով ծրագրում են անցնել iPad-ի օգտագործմանը: |
Նոր հարթակ բլոգերների համար bloggers.am
|
Գործարկվել է բլոգերների համար նախատեսված միկրոսոցիալական ցանց՝ Bloggers.am: Կայքի միջոցով հնարավոր է արագ կապ հաստատել ընկերների և այլ մարդկանց հետ` օգտագործելով 160 նիշից կազմված գրառումները: Հնարավոր է նաև ուղարկել հաղորդագրություններ, ներբեռնել նկարներ և ֆայլեր, ցուցադրել տեսանյութեր:
Կայքի ադմինիստրացիայից PCNews.am-ին տեղեկացրին, որ շուտով կզարգացվեն «Հայկական բլոգների ռեյթինգ» և «Հայկական բլոգներից լրաքաղ» բաժինները:
Նշենք, որ կայքն իր կառուցվածքով նման է Armenix միկրոբլոգային համակարգին ու ունի նմանատիպ լրահոս և ֆունկցիաներ: |
Google+-ը գործարկում է հրապարակային խմբային տեսազանգեր
|
Այսօր Google-ը հայտարարել է մի քանի փոփոխությունների մասին՝ կապված Hangout խմբային տեսազանգերի հետ: Այսուհետ «Hangout» կոճակը կհայտնվի բոլոր հնարավոր տեղերում՝ կարգավիճակներին կամ ավելացված նկարներին կից:
Հաջորդ մեծ փոփոխությունը հրապարակային Hangout-ների գործարկումն է: Այսպիսի տեսազանգերը հնարավորություն կունենան դիտել անսահմանափակ թվով օգտագործողներ: Սա առաջին հերթին կգրավի հայտնի մարդկանց ուշադրությունը, ովքեր կցանկանան հրապարակային հարցազրույցներ տալ: Ծառայությունը թույլ կտա նման տեսազանգերը պահպանել YouTube-ում՝ որպես տեսանյութ:
Google-ը նաև մտածել է նրանց մասին, ովքեր չունեն վեբ-տեսախցիկ: Այսպիսի օգտագործողները կկարողանան միանալ «զվարճանքին» հեռախոսով: |
2011-ին Android օգտագործողներից գողացվել է ավելի քան 1 մլն դոլար
|
2011-ին մեծ տարածոււմ են գտել այն վնասակար ծրագրերը, որոնք առանց օգտագործողին տեղյակ պահելու ինտերնետ են օգտագործում կամ SMS ուղարկում: Արդյունքում Android օպերացիոն համակարգով սմարթֆոններ օգտագործողների հաշվից մեկ տարվա ընթացքում գողացվել է ավելի քան 1 մլն դոլար: Այս մասին հայտարարել է բջջային անվտանգության հարցերով զբաղվող Lookout Security Mobile ընկերությունը:
Ընկերության հետազոտության արդյունքները ցույց են տվել, որ նկատվում է նման վնասակար ծրագրերի աճման միտում: «Հաջորդ տարի այսպիսի բիզնեսը կդառնա բավական շահութաբեր. այն ինչ կատարվեց համակարգիչների աշխարհում 15 տարվա ընթացքում, բջջայինների ասպարեզում տևեց 2 տարի»,-նշվում է Lookout Security Mobile-ի հաղորդագրության մեջ: |
|