iPhone 4S-ը կարող է ավտոմեքենա ղեկավարել
|
iPhone 4S-ի Siri ձայնային կառավարման համակարգը կարելի է կիրառել նաև այնպիսի ոլորտներում, որ նույնիսկ Apple-ի մտքով չի անցել: Շնորհիվ Siri-ի համար նախատեսված պրոքսի-սերվերի ծրագրավորողներն այժմ կարող են նոր փլագիններ ստեղծել ու նոր հնարավորություններով օժտել iPhone-ը:
Այսպես, ինժեներ Բրենդոն Ֆիկեն ներկայացրել է ավտոմեքենայի հեռահար կառավարման ֆունկցիա, որը հիմնված է PHP-սքրիփթի վրա: Այն հրահանգներ է ուղարկում պրոքսի-սերվերին, որը սինխրոնիզացվում է ավտոմեքենայի Viper SmartStart բջջայի կապի մոդուլի հետ:
Այսպիսով, Siri-ի միջոցով կարելի է միացնել ու անջատել ավտոմեքենայի շարժիչը, ձայնային ազդանշանը, ինչպես նաև բացել-փակել բեռնախցիկը: Ընդ որում՝ գործողությունների կատարման մասին ինֆորմացիան արտաբերվում է սմարթֆոնի էկրանին: |
Firefox բրաուզերի ապագան հարցականի տակ է
|
Mozilla Firefox հայտնի բրաուզերի ապագան հարցականի տակ է հայտնվել այն բանից հետո, երբ ընկերության եւ ինտերնետային գիգանտ Google-ի համագործակցության մասին համաձայնագրի ժամկետը լրացել է:
Google-ի հետ որոնողական գործարքի ժամկետը, որի շրջանակներում այդ ընկերության որոնողական պատուհանը Firefox-ի հիմնական որոնումն էր, իսկ Google.com-ը` հիմնական էջը, լրացել է ընթացիկ տարվա նոյեմբերին եւ առ այսօր չի երկարացվել: Դա խոսում է այն մասին, որ Mozilla-ն կարող է զրկվել եկամուտների հսկայական աղբյուրից,գրում է CNews-ը:
Խմբագրությունը նշում է, որ ընկերությունը չի պատասխանել այն հարցին, թե արդյոք Mozilla-ն Google-ի հետ համագործակցությունը շարունակելու բանակցություններ կվարի:
...
Կարդալ շարունակությունը »
|
Facebook-ում կարող են հայտնվել օնլայն խաղատներ
|
Facebook-ն այժմ դիտարկում է օնլայն խաղատների հետ համագործակցելու հնարավորությունն, ինչի արդյունքում սոցցանցում կարող է ավելացվել օնլայն խաղադրույքներ անելու ու խաղալու հնարավորություն: Հաղորդում է The Daily Mail-ը:
Այժմ սոցցանցը բանակցություններ է վարում խաղատնային բիզնեսի 20 փորձագետների, խորհրդատուների և խաղատների ներկայացուցիչների հետ: Facebook-ի ապագա գործընկերներից կարող են լինել Gamesys և 888 օնլայն խաղատները:
Վերլուծաբանների խոսքով՝ այդպիսի համագործակցությունը շատ հավանական է, քանի որ սոցցանցը փնտրում է եկամտի նոր աղբյուրներ, իսկ խաղատները՝ նոր շուկաներ: Սակայն միևնույն ժամանակ սոցցանցում օնլայն խաղատների գործարկումը կարող է առաջացնել շատ երկրների իշխանությունների դժգոհությունն ու բողոքը: |
Սմարթֆոնները նորից հետևում են օգտագործողներին (տեսանյութ)
|
25-ամյա ամերիկացի ծրագրավորող Տրեվոր Էկխարտը հայտնաբերել է Carrier IQ անունով մի ծրագիր, որը տեղադրված է բազմաթիվ սմարթֆոնների հիշողության մեջ, և հավաքում է ինֆորմացիա սարքի և նրա կատարած գործողությունների վերաբերյալ:
Նախնական վերլուծությունը թույլ է տալիս խոսել այն մասին որ, Carrier IQ-ն ստեղծում է չափազանց մանրամասն լոգեր`ձայնագրում է որոնողական հարցումները, տեքստային հաղորդագորությունները, GPS կորդինատները, հեռախոսային համարները և այլն: Նաև նշվում է, որ ուտիլիտը շատ հաջող ինտեգրված է ՕՀ-ի մեջ, և նրան անջատել հնարավոր չէ:
Լրտեսող ծրագիրը ներդրված է միլիոնավոր սարքերի մեջ ՝ Nokia, RIM, նաև Android ՕՀ-ով աշխատող սմարթֆոնների մեջ:
...
Կարդալ շարունակությունը »
|
Ինտերնետ օգտագործողների մեծ մասն ինտերնետի կարիք չունի
|
Pew Internet & American Life Project ընկերության հետազոտությունը ցույց է տվել, որ ինտերնետ օգտագործողների երեք քառորդը միանում է ցանցին ժամանակ անցկացնելու համար:
Հետազոտությունն անցկացվել է ԱՄՆ-ում. 18-29 տարիքային խմբի ներկայացուցիչների 53%-ը ցանց ինտերնետ է մուտք գործում հենց այնպես, առանց դրա կարիքն ունենալու: Իսկ 50-64 տարիքային խմբում այս ցուցանիշը 27% է:
Հարցմանը, որն անցկացվել է ընթացիկ տարվա հուլիս-օգոստոս ամիսներին, մասնակցել է 2 200 ամերիկացի: |
«Զրո» սակագնային փաթեթ. 3000 դրամով հաշիվը լիցքավորելիս կարելի է ստանալ ներցանցային 700 րոպե եւ 150 անվճար SMS
|
«Armentel» ընկերությունը (ապրանքանիշը` Beeline) հայտարարում է նոր «Զրո» կանխավճարային սակագնային փաթեթի գործարկման մասին: Լիցքավորելով հաշիվը 3000 դրամով հաճախորդը կստանա 700 ներցանցային րոպե եւ 150 SMS 0 դրամ սակագնով հաջորդող 30 օրվա ընթացքում օգտագործելու համար:
«ԱրմենՏելի» մամուլի ծառայությունից NEWS.am-ին հայտնում են, որ «Զրո» կանխավճարային սակագնային փաթեթում 700 անվճար րոպե օգտագործելուց հետո Beeline բջջային ցանցում ելքային զանգի 1 րոպեի արժեքը կազմում է 29,99 դրամ: Դեպի ԼՂՀ եւ ՀՀ բջջային եւ քաղաքային ցանցեր մեկ րոպեի արժեքը` 29,99 դրամ: Անվճար կարճ հաղորդագրություններն օգտագործելուց հետո Beeline ցանցում ուղարկած մեկ հաղորդագրության արժեքն է 9 դրամ:
«Զրո» սակագնային փաթեթի բաժանորդներին հասանելի է «Beeline Բոնուս» ծրագիրը: Անցումը նշված սակագնային փաթեթին բաց է: Անցնելու համար անհրաժեշտ է զանգահարել 067408046 հեռախոսահամարին: Անցման գումարը կազմում է 300 դրամ, հեռախոսահամարը պահպանման օրական բաժանորդավճարը կազմում է 29,99 դրամ: |
|
