Dell-ն այլևս չի ցանկացնում արտադրել նեթբուքեր
|
Dell ընկերությունը այլևս հետաքրքրված չէ նեթբուքերի վաճառքով։ Խոսքը գնում է 10 դյույմ էկրանով նեթբուքերի մասին, որոնք 2011-ին արդեն վաճառքի ճգնաժամ են ապրել, գրում է CNet-ը։
Փոխարենը, Dell-ն այժմ կենտրոնանալու է նոթբուքերի արտադրության վրա։ «Մենք միտված են արտադրել բարակ և հզոր լուծումներով նոթբուքեր, որոնց հետ ենք մենք կապել ու կապում մեր հաջողությունը։ Դրանց թվին է պատկանում, հատկապես XPS շարքը»,-նշել է Dell-ի համաշխարհային սպառողների հանրային կապերի տնօրեն Մեթյու Հաթչիսոնը։
Նրա խոսքով, Dell-ի սպառողներին ավելի շատ գրավում են XPS շարքի 14z և 15z մոդելները։
Պետք է նշել, որ պլանշետների՝ շուկա մուտք գործելու փաստը ողջ աշխարհում կտրուկ նվազեցրեց նեթբուքերի վաճառքը։ |
Ինչպես ակտիվացնել Facebook Timeline-ը մեկ քլիքով (նկարներ)
|
Քանի որ Facebook-ի պրոֆիլների նոր ֆորմատը սկսել է մասսայականորեն ակտիվանալ բոլոր երկրներում, այժմ ավելի հեշտ է անցում անել Timeline-ին: Պետք է պարզապես անցնել այս հղումով: Էջի աջ անկյունում կտեսնեք «Get Timeline» կոճակը: Այն սեղմելուց հետո պրոֆիլի նոր ֆորմատը կակտիվանա, սակայն այն կտեսեք միայն Դուք: Ֆեյսբուքը տալիս է յոթ օր ժամանակ՝ պրոֆիլը խմբագրելու համար, որից հետո այն ավտոմատ կերպով տեսանելի կլինի բոլոր օգտագործողներին:
Այս գործընթացն արագացնելու համար պետք է սեղմել «Publish Now» կոճակը, որը հայտվնում է էջի վերևում՝ անմիջապես «Get Timeline»-ը սղմելուց հետո:
Հիշեցնենք, որ Timeline-ը ներկայացնում է օգտագործողի ակտիվությունն՝ ըստ ժամանակագրական հերթականության: Օգտագործողները հնարավորություն ունեն նաև «լրացնել իրենց անցյալը»՝ հրապարակելով նկարներ կամ տեսահոլովակներ ու նշելով դրանց ամսաթիվը:
...
Կարդալ շարունակությունը »
|
2012-ի սկզբին Mail.Ru Group-ը կգործարկի միկրոբլոգային ծառայություն
|
Mail.Ru Group ինտերնետ-ընկերության նոր ծառայությունը՝ Futubra.com միկրոբլոգային համակարգը, կգործարկվի հունվարին: Հաղորդում է «РИА новости-ն»:
Կայքը թույլ կտա ոչ միայն տեքստեր, այլ նաև նկարներ ու հոլովակներ հրապարակել, խմբեր ու իրադարձություններ ստեղծել: Վեբ-տարբերակի հետ միասին կգործարկվեն iOS-ի, Android-ի, Windows Phone 7-ի, bada-ի և Symbian-ի համար նախատեսված տարբերակներ:
Ծառայությունը, որի մասին խոսվում էր դեռ ս.թ. հոկտեմբերին, մշակվել է 20 հոգանոց թիմի կողմից: |
Սթիվ Ջոբսի հայ ընկերոջ կարծիքով՝ Apple-ի հիմնադրին սպանեց արևելյան բժշկությունը
|
Steve Jobs-ի ամենամտերիմ ընկերներից Ավետիս Թևանյանը հայտարարել է, որ Apple-ի հիմնադիրը գուցեև կենդանի լիներ, եթե ժամանակին դիմեր բժիշկներին:
«Սթիվը երկար ժամանակ համոզում էր ինքն իրեն, որ կկարողանա ինքնուրույն բուժվել»,-պատմել է Թևանյանը BBC-ին տված հարցազրույցում:
Ավետիս Թևանյանը եղել է Ջոբսի կոլեգան. մինչև 2006-ը նա Apple-ում ղեկավարել է ծրագրային տեխնոլոգիաների բաժինը: Նրա խոսքով՝ Ջոբսը չէր սիրում վստահել ուրիշների կարծիքին ու այնքան էր վստահ իր ուժերին, որ հաճախ առանց գիտակցելու փորձում էր փոխել իրեն շրջապատող իրականությունը:
...
Կարդալ շարունակությունը »
|
Microsoft-ը գործարկում է ուսանողների համար նախատեսված սոցցանցը
|
Microsoft-ը պաշտոնապես հայտարարում է So.cl-ի գործարկման մասին: Այսօր կայքում կարող են գրանցվել Վաշինգտոնի, Սիրակուզիի և Նյու Յորքի համալսարանների ուսանողները. բուհերի ցուցակն աստիճանաբար կընդլայնվի: Հաղորդում է ընկերության պաշտոնական բլոգը:
So.cl-ի ստեղծման նպատակն է ընդլայնել ուսանողների կրթական փորձն ու շփվելու նոր հնարավորություններ տալ: Ցանցում հնարավոր է տեղադրել նկարներ, տեսանյութեր, ինչպես նաև ստեղծել միևնույն հետաքրքրությունների շուրջ համայնքներ:
Նշենք, որ Facebook-ը սկզբնական շրջանում նույնպես նախատեսված է եղել միայն ուսանողների համար: |
Տեսախցիկ, որը լուսանկարում է լույսը (տեսանյութ)
|
Մասաչուսեթսի տեխնոլոգիական ինստիտուտի գիտնականներ Ռամեշա Ռասկարայի ու Անդերաս Վելտենի ստեղծած տեսախցիկը կարողանում է նկարել վայրկյանում տրիլիոն կադր արագությամբ ու ֆիքսել լույսը: Տեսախցիկը համալրված է 500 սենսորներով, որոնք զգում են լույսի սփռման ուղղությունը:
Այդպիսով հնարավոր է լինում տեսնել՝ ինչպես են տարածվում լուսանկարի ֆոտոններն ու ըստ այդմ՝ որոշել դրա որակի աստիճանը:
Սարքն արժե 250. 000 դոլար: Տեսախցիկի հեղինակների խոսքով՝ նման սարքի ձեռքբերումը օգտակար կլինի հատկապես ֆոտոստուդիաներին՝ լույսի տարածմանը հետևելու համար:
...
Կարդալ շարունակությունը »
|
Internet Explorer 6 օգտագործողները վերջնականապես հոգնեցրել են Microsoft-ին
|
Թեև տպավորություն կարող է ստեղծվել, որ Internet Explorer արդեն ոչ ոք չի օգտագործում, Microsoft-ի դիտարկիչը շարունակում է մասնաբաժին ունենալ շուկայում: Ավելին՝ շատերը դեռ օգտվում են Windows XP-ից, որտեղ լռակյաց դիտարկիչը հենց IE 6-ն է՝ չնայած դիտարկչի վերջին տարբերակն իններորդն է:
Microsoft-ը հայտարարել է, որ 2012-ից IE6-ը կթարմացվի ստիպողաբար՝ առանց օգտագործողի ցանկությունը հաշվի առնելու: IE-ի նոր տարբերակը կտեղադրվի ֆոնային ռեժիմում, ինչպես Chrome-ի դեպքում է:
Windows XP-ում այն կթարմացվի մինչև 8-րդ տարբերակն, իսկ Vista-ում և 7-ում՝ մինչև 9-րդ: |
Խոցելիության պատճառով գողացված iPhone-ները ստանում են iMessage-ներ
|
Գողացված iPhone սմարթֆոնները շարունակում են ստանալ iMessage-ներ, նույնիսկ համարը փոխելու, Apple ID գաղտնաբառերը զրոյացնելու և հեռահար կերպով սմարթֆոնի ամբողջ բովանդակությունը ջնջելու դեպքում: Գրում է AppleInsider-ը:
Հիշեցնենք, որ iMessage-ը թողարկվել է iOS 5-ի հետ միասին: Այն թույլ է տալիս iPhone օգտագործողներին անվճար շփվել՝ SMS-ի փոխարեն օգտագործելով wi-fi կապ: Apple-ն արդեն տեղյակ է խնդրին, և սպասվում է, որ շուտով կթողարկվի iOS-ի թարմացում:
...
Կարդալ շարունակությունը »
|
Տոնական վիկտորինա Opera Mini դիտարկիչ օգտագործողների համար
|
Օգտագործելով Opera Mini բրաուզերը, ՎիվաՍել-ՄՏՍ-ի բաժանորդները կարող են մասնակցել վիկտորինային և շահել սմարթֆոն կամ պլանշետային համակարգիչ:
Դեկտեմբերի 15-ից 28-ը, Opera Mini բջջային դիտարկչի միջոցով մուտք գործելով viktorina.mts.am կայքը, ՎիվաՍել-ՄՏՍ-ի բաժանորդները կարող են մասնակցել տոնական վիկտորինային և շահել արժեքավոր մրցանակներ` BlackBerry և HTC սմարթֆոններ, HTC Flyer պլանշետային համակարգիչներ:
Յուրաքանչյուր օր կտրվի մեկ հարց, որին ճիշտ պատասխանողներից 50-րդը կճանաչվի տվյալ օրվա հաղթող: Իսկ 50-ից պակաս ճիշտ պատասխան ստացվելու դեպքում, հաղթող կճանաչվի վերջին ճիշտ պատասխանող մասնակիցը:
...
Կարդալ շարունակությունը »
|
iPen. գրիչ՝ հատուկ iPad-ի համար (տեսանյութ)
|
Cregle ընկերությունը թողարկել է iPen աքսեսուարը, որը թույլ է տալիս նկարել, գրել, գծագրեր գծել iPad պլանշետային համակարգչի վրա: Այն ունի բավական բարակ ծայր, ինչը թույլ է տալիս հստակ գծեր ստանալ:
Գրչին կից փոխանցիչի միջոցով iPen-ն ազդանշան է ուղարկում էկրանի վրա կատարած գործողությունների մասին և պատկերը հայտնվում է վայրկենապես:
iPen-ն աշխատում է հետևյալ հավելվածների հետ՝ Ghostwriter Notes, My Notebook!, iWriteWords, GoodNotes , որոնք կարելի է գտնել itunes.apple.com-ում: Նշենք, որ iPen-ն արժե 79$ (http://www.kickstarter.com/projects/1225098940/ipen-the-first-active-stylus-for-ipad?ref=category):
...
Կարդալ շարունակությունը »
|
«Ական փնտրող ռոբոտ» մրցույթի շրջանակներում կանցկացվեն ռոբոտաշինության մասին դասախոսություններ
|
Դեկտեմբերի 17-ին՝ ժամը 13:30-ին, Հայաստանի ռոբոտների բաց առաջնության (ԱրմՌոբոտիքս) շրջանակում տեղի կունենա «Ական փնտրող ռոբոտ» մրցույթի եզրափակիչ փուլը: Մրցույթի անցկացման վայրն է Թումո ստեղծարար տեխնոլոգիաների կենտրոնը (Հալաբյան 16):
«Ական փնտրող ռոբոտ» մրցույթի մասնակիցները նախագծել և պատրաստել են ռոբոտներ, որոնք խուզարկում են հողածածկ տեղանքը, գտնում թաղված ականները, նշում դրանց դիրքերը և ստեղծում հետազոտվող տարածքի էլեկտրոնային քարտեզը: Ռոբոտների չափսերը սահմանափակ են` 40սմ x 40սմ, իսկ քաշը` մինչև 10կգ:
Մրցույթին մասնակցում են 5 թիմ` «Առնետ», «Միմ», «Ռևոտեք», «Մայմհագր», «Ոզնի»: Մրցույթը տարիքային սահմանափակում չունի: Թիմերը կազմված են համալսարանների ուսանողներից, շրջանավարտներից,
...
Կարդալ շարունակությունը »
|
SocialFolders-ը թույլ է տալիս պահպանել սոցցանցերում տեղադրված ամբողջ բովանդակությունը
|
SocialFolders նորաստեղծ ընկերությունը թողարկել է ծրագիր (http://socialfolders.me/), որը թույլ է տալիս սինխրոնիզացնել և պահպանել սոցցանցերում տեղադրված նկարները, տեսանյութերը, փաստաթղթերը և այլն: Հաղորդում է TechCrunch տեխնոբլոգը:
Այն աշխատում է Facebook-ի, Flickr-ի, Twitter-ի, Youtube-ի, LinkedIn-ի և այլ սոցիալական կայքերի հետ: SocialFolders-ն ինքնուրույն գտնում է ու համակարգում այս կայքերում տեղադրված բովանդակությունը՝ թույլ տալով օգտագործողին հեշտությամբ աշխատել դրանց հետ: Ծրագրի միջոցով հնարավոր է նաև ֆայլերը տեղափոխել մեկ այլ սոցցանց, օրինակ՝ Ֆեյսբուքից Ֆլիքեր:
Օգտագործողները կարող են նաև օգտվել Google Docs-ից ու պահպանել փաստաթղթերը համակարգչում: |
|
