Աշխարհի ամենաարագ համացանցն ունեցող քաղաքը Վիլնյուսն է
|
Աշխարհի ամենաարագ համացանցն ունեցող քաղաքը Վիլնյուսն է: Համացանցի արագությունն այստեղ մեկ վայրկյանում 36 մեգաբիթ է: Ցուցակում երկրորդ տեղը զբաղեցնում է Հոնկոնգը:
Լիտվան արագ համացանց ունեցող համաշխարհային լիդերներից մեկն է: «Ազատություն» ռադիոկայանի ռուսական բաժինը հայտնում է, որ հանրապետությունում նաև նկատվում է համակարգչային նոր ծրագրերի ոլորտի աննախադեպ զարգացում:
Վերջերս «Միջազգային համակարգչային տեխնոլոգիաներ» մրցույթում առաջին տեղը զբաղեցրել է լիտվական անհայտ ծրագրավորողների մի խումբ: Նրանց ստեղծած ծրագիրը համարվում է Wordpress-ի մրցակիցը: |
ՏՏ ոլորտի լաբորատորիաների ձեւավորման համար պետության համաֆինանսավորմամբ կհատկացվի 1.5 մլն դոլար
|
Հայաստանի պետական ճարտարագիտական համալսարանում ՏՏ ոլորտի լաբորատորիաների ձեւավորման համար պետության համաֆինանսավորմամբ կհատկացվի 1.5 մլն դոլար: Այս մասին ՀՀԿ տնտեսական սեմինարի ժամանակ նշել է Հայաստանի վաչապետ Տիգրան Սարգսյանը՝ ավելացնելով, որ ֆինանսավորման առնվազն 50 տոկոսը ակնկալում են մասնավոր հատվածից: «Պետության եւ մասնավոր հատվածի համագործակցության ձեւաչափի էությունը կայանում է նրանում, որ ուղղակի պայմանագրեր ենք կնքում ՏՏ ոլորտի ընկերությունների հետ: Միաժամանակ նրանք ներկայացնում են պահանջարկը եւ զարգացման հեռանկարները»,- ասել է վարչապետը:
Սարգսյանի խոսքով՝ վարչապետին կից գործող տեղեկատվական տեխնոլոգիաների խորհուրդը պետության առջեւ խնդիր է դրել ոլորտին տարեկան առնվազն 1000 շրջանավարտ մատակարարել, այն պարագայում, երբ այդտեղ այսօր աշխատում է 5500 մասնագետ: Ըստ նրա՝ դա կնշանակի, որ շուրջ 300 ընկերություններ տարեկան առնվազն 20 տոկոս աճ պետք է ծրագրեն:
...
Կարդալ շարունակությունը »
|
Վաճառքում է հայտնվել մեխանիկական կոդային կողպեքով USB-ֆլեշ
|
Crypteks նորաստեղծ ընկերությունը թողարկել է USB-կրիչ, որից օգտվելու համար անպայման է իմանալ կոդը: Նշենք, որ սարքի վրա հնարավոր կոդերի թիվը 14 մլն 349 հազ. 907 է:
Բացի արտաքին պաշտպանությունից՝ կրիչը պաշտպանված է նաև գաղտնաբառով, իսկ կրիչի վրա գտնվող բոլոր տվյալները կոդավորվում են: Գաղտնաբառը մի քանի անգամ սխալ մուտքագրելու դեպքում սարքն ավտոմատ կերպով ջնջում է ամբողջ ինֆորմացիան: Եթե օգտագործողը մոռացել կամ կորցրել է գաղտնաբառն, ապա կրիչը «բացելու» միակ ձևն այն Crypteks հետ ուղարկելն է:
USB-կրիչի չափսերն են 7,8 սմ x 2,7 սմ, իսկ հիշողության ծավալը՝ 4, 8 կամ 16 GB: Սարքի գինը սկսում է 130 դոլարից, այն կարելի է պատվիրել անմիջապես Kickstarter-ի կայքից:
...
Կարդալ շարունակությունը »
|
ArmNet Awards 2011. հաղթող ճանաչվեց Հայաստանի խորհրդարանի մոնիթորինգի կայքը
|
Գաֆեսճյան արվեստի կենտրոնում քիչ առաջ ավարտվեց Armnet Awards 2011 պաշտոնական մրցանակաբաշխությունը, որի ժամանակ ամփոփվեցին կայքերի ArmNet համահայկական մրցույթի արդյունքները: Parliamentmonitoring.am –ը՝ Հայաստանի խորհրդարանի մոնիթորինգի կայքն, արժանացավ գլխավոր մրցանակին:
Մրցույթին մասնակցում էր 569 կայք, որոնցից 8-ը ճանաչվեցին հաղթողներ տարբեր անվանակարգերում.
Տարվա Նորարարություն- annoisy.org,
Դիզայն և Հարմարավետություն - Armenianmonuments.org
Լավագույն բովանդակություն - genocide-museum.am,
Lավագույն տեխնիկական կատարում - yerevanguide.am,
...
Կարդալ շարունակությունը »
|
Նոր գովազդային ծառայություն Twitter-ից
|
Հանրահայտ միկրոբլոգային ցանցը՝ Twitter-ը, այս օրերին սկսել է «ինքնասպասարկվող» գովազդային հնարավորությունները ներկայացնել իր հաճախորդներին: Այս ծառայության միջոցով հնարավոր է ընտրել գովազդային պարամետրերը, այնուհետև վճարել քրեդիտ քարտով ճիշտ այնպես, ինչպես Google-ում և Facebook-ում: Այս պահի դրությամբ Twitter-ում հնարավոր է որևէ ընկերության պաշտոնական էջը խթանել նմանատիպ միջոցներով: Սակայն ինչպես հաղորդում է AllThingsD կայքէջը, այս ծառայությունը կկասեցվի:
Twitter-ը, որ իսկապես մեծ գործածություն ունեցող ռեուսրս է Արևմուտքի մարքեթինգի մասնագետների համար, նախատեսում էր մինչև տարվա վերջ գովազդային ծառայություններից ապահովել 139.5 միլիոն դոլար, որը նախորդ տարվա ցուցանիշից ավել է 210%-ով: |
8 միլիարդ դոլար առցանց գովազդի համար
|
2011 թվականի 3-րդ եռամսյակում ԱՄՆ-ում առցանց գովազդի շրջանառությունը հասել է 8 միլիարդ դոլարի: Այս մասին հաղորդում են PricewaterhouseCoopers-ը և Ինտերակտիվ գովազդի բյուրոն (www.iab.net): Արագ զարգացող առցանց գովազդի ոլորտը նախորդ տարվա նույն ժամանակահատվածի համեմատությամբ ընդլայնել է ծավալները 22%-ով:
«Բրենդային մարքեթինգի մասնգետներն էլ հասկացել են, որ իրենց հիմնական ուղերձները պետք է լինեն այնտեղ, որտեղ իրենց պոտենցյալ սպառողներն ամենից շատ են ժամանակ անցկացնում: Դա միանշանակ անընդհատ աճող թվային մեդիան է»,- վստահ է Ինտերակտիվ գովազդի բյուրոյի գործադիր տնօերն Ռանդոլ Ռոթենբերգը:- «Թվային մարքեթինգն այնպիսի արդյունքներ է արձանագրում, որ ստիպեց շատ մասնագետների «հայացքն այդ ուղղությամբ թեքել»: Դա ակնհայտ է դառնում վերջին ցուցանիշներից նույնիսկ»:
«Նույնիսկ անկայուն ու թուլացած տնտեսություններում թվային մարքեթինգը լրջագույն հաջողություններ է արձանագրում»,- փաստում է PricewaterhouseCoopers-ի աշխատակից Դեյվիդ Սիլվերմանը: |
|
