Գլխավոր » 2011 Դեկտեմբեր 22 » ՏՏ Լրատվական, Տեղեկատվական Տեխնոլոգիաներ
Վարորդներին «կհետևեն» երկու կարգի տեսախցիկներ |
Երևանի փողոցներում ճանապարհային երթևեկությանը հետևելու համար ճանապարհային ոստիկանությունը սկսել է տեսախցիկների տեղադրման գործընթաց։ Ներկայումս Երևան քաղաքի մի շարք փողոցներում և խաչմերուկներում ճանապարհային երթևեկության կանոնների խախտումները արձանագրելու նպատակով իրականացվում են արագության չափման ու դիտարկման տեսախցիկների տեղադրման և փորձարկման աշխատանքները։ Այս մասին Tert.am–ին հայտնեցին ճանապարհային ոստիկանությունից՝ միաժամանակ տեղեկացնելով, որ տեսախցիկների մեծ մասն արդեն տեղադրվել է։ Ուշագրավ է, որ վարորդներին «հետևելու են» երկու կարգի տեսախցիկներ։ Երևանի փողոցներում տեղադրված արագության չափման տեսախցիկները արձանագրելու են մեքենաների արագությունը, իսկ խաչմերուկներում տեղադրված դիտարկման տեսախցիկները արձանագրելու են վարորդների կատարած խախտումները։ Մեր խնդրանքով ճանապարհային ոստիկանությունը տրամադրել է այն փողոցների և խաչմերուկների ցանկը, որտեղ տեղադրվել և դեռ պետք է տեղադրվեն տեսախցիկները։ Եվ այսպես, Երևան քաղաքի փողոցներում նախատեսվող արագության չափման տեսախցիկները տեղադրվել և տեղադրվելու են հետևյալ հասցեներում՝ Մյասնիկյան պողոտա (2 հատ), Երևան –Սևան ավտոճանապարհ (1 հատ), Իսակովի պողոտա (2 հատ), Աճառյան փողոց (1 հատ), Թբիլիսյան խճուղի (1 հատ), Ծիծեռնակաբերդի խճուղի (1 հատ), Սարալանջի փողոց (1 հատ), Արշակունյաց պողոտա (2 հատ), Լենինգրադյան փողոց (2 հատ), Բագրատունյաց պողոտա (2 հատ)։ Երևան քաղաքի փողոցների խաչմերուկներում նախատեսվող դիտարկման տեսախցիկները, որոնք արձանագրելու են կոնկրետ վարորդների կատարած խախտումները, հետևյալ փողոցներում են՝Կոմիտաս-Վաղարշյան, Արշակունյաց–Նժդեհ, Բաղրամյան– Պռոշյան, Արշակունյաց–Գրիգոր Լուսավորիչ, Մաշտոց–Ամիրյա ն, Մաշտոց–Թումանյան, Բաղրամյան-Մոսկովյան, Խանջյան–Տիգրան Մեծ, Խանջյան–Սայաթ–Նովա, Աբովյան–Կորյուն։ Ճանապարհային ոստիկանությունից ևս մեկ անգամ վստահեցրին, որ նշված տեսախցիկները գործարկվելու են 2012թ. հունվար ամսին։ Բացի այդ՝ վերը նշված տեխնիկական միջոցները տեղադրվելու են տեսանելի վայրերում, իսկ երթևեկության մասնակիցներին նախապես տեղեկացնելու համար տվյալ տեղամասերը կկահավորվեն նախազգուշացնող ցուցանակներով։ 2012-2017 թվականների ընթացքում նշված աշխատանքները իրականացվելու են նաև Երևան քաղաքից դուրս՝ միջպետական նշանակության ավտոմոբիլային ճանապարհներին և այլ քաղաքներում։ Եվս մեկ նորություն այս գործընթացի մասին՝ խախտման փաստերը արձանագրելու արդյունքում կազմված վարչական ակտը հասցեատիրոջը հանձնվելու է փոստային առաքմամբ, իսկ գանձումը իրականացվելու է վարչական ակտում նշված հաշվեհամարին վճարելու եղանակով։ |
Հավանել նորությունը
«+8» - հավանությունների քանակ
Դիտումներ: 396 | Ավելացրել է: 3DNewscomm | Հայտնի տեգեր: | Գնահատական: 1.5/8 | Ավելացվել է: 22 December 2011, 19:59 |
| Ընդհանուր Մեկնաբանությունները: 0 | |
3DNews-ի ժամը
Քվեարկե՛ք
Բաժանորդագրվել
Կարդացեք նաև
Մեր Հարցումը
3DNews-ի Twitter-ը
Եղանակ
Թեգերի ամպ
Վիճակագրություն
Կայքում գտնվում են: 1
Հյուրեր: 1
Օգտվողներ: 0
