Samsung-Apple պատերազմը շարունակվում է
|
Samsung-ը Գերմանիայում կրկին հայց է ներկայացրել Apple ընկերության դեմ՝ մեղադրելով վերջինիս 4 արտոնագրեր խախտելու մեջ: Այս անգամ խոսքը վերաբերում է տվյալների անլար փոխանցման տեխնոլոգիաներին և iPhone 4, iPhone 4S, iPad 2 սարքերի ինտերֆեյսին:
Նոյեմբերի վերջին ու դեկտեմբերի սկզբին Samsung-ը մի քանի դատական գործերում հաղթանակ տարավ՝ վերականգնելով ԱՄՆ-ում և Ավստրալիայում իր սարքերը վաճառելու իրավունքը:
Ընթացիկ տարվա երրորդ եռամսյակի արդյունքներով՝ Samsung-ը վաճառել է ավելի մեծ թվով սարքեր, քան Apple-ը՝ 27,8 մլն՝ 17,1 միլիոնի դիմաց: Ընկերությունն այդպիսով զբաղեցրել է շուկայի 23,8%-ը: |
Apple պատրաստում է փոքր iPad պլանշե՞տ
|
Apple ընկերությունն, ամենայն հավանականությամբ, պատրաստվում է թողարկել iPad-ի փոքր տարբերակը: DigiTimes-ը, հղում անելով ընկերության սարքերը հավաքող մատակարարներին, հաղորդում է, որ մինի iPad-ի էկրանի անկյունագիծը 7,85 դյույմ է: Նշենք, որ առկա մոդելների անկյունագիծը 9,7 դ. է:
Լրատվամիջոցը գրում է, որ պլանշետի այս տարբերակը կթողարկվի հաջորդ տարվա երրորդ եռամսյակում:
Սա, հավանաբար Apple-ի ներկայիս ղեկավարի նախաձեռնությունն է, քանի որ նախկին ղեկավար Սթիվ Ջոբսը կտրուկ դեմ էր փոքր չափսերով պլանշետներին, քանի որ դրանք, իր կարծիքով, անհարմար են օգտագործման համար: |
ՀՀ ոստիկանության աշխատակիցներին արգելվում է գրանցվել Facebook-ում
|
Ոստիկանապետ Վլադիմիր Գասպարյանի հրահանգով՝ ոստիկանության աշխատակիցներն իրավունք չունեն անձնական էջեր բացել Facebook, Odnoklassniki կամ հայտնի այլ սոցիալական ցանցերում: Հաղորդում է 1in.am-ը:
Բացի այդ՝ ոստիկանության բոլոր աշխատակիցներն իրենց տան և բջջային հեռախոսահամարները, ինչպես նաև ամենամոտ ազգականների տվյալները պետք է գրանցեն ոստիկանության հատուկ մատյանում:
...
Կարդալ շարունակությունը »
|
fPrivacy-ն թույլ է տալիս կառավարել Ֆեյսբուքի հավելվածները
|
fPrivacy-ն Chrome դիտարկչի փլագին է, որը թույլ է տալիս կառավարել Ֆեյսբուք սոցցանցի հավելվածների թույլատրությունները, ինչպիսիք են «Տեղադրել իմ պատին» (Post to my wall) կամ «Մուտք դեպի պրոֆիլի տեղեկություններ» (Access profile info): Սա թույլ կտա օգտվել հավելվածներից, օրինակ՝ տարբեր հորոսկոպներից՝ խուսափելով պատի վրա ավտոմատ կերպով արվող անթիվ-անհամար հրապարակումներից:
Փլագինը ստեղծել է Չադ Սելֆը: Բեռնելու համար այցելեք այստեղ՝ https://chrome.google.com/webstore/detail/lkllliihmodekgjcioihaaodkbpeleph:
...
Կարդալ շարունակությունը »
|
Սաուդյան Արաբիայի արքայազնը 300 մլն դոլար է ներդրել Twitter-ում
|
Սաուդյան Արաբիայի արքայազն, միլիարդատեր Ալուալիդ բին Թալալն ասել է, որ նա և իր ընկերությունը ներդնում են 300 մլն դոլար Twitter միկրոբլոգային համակարգում։ Այս մասին հաղորդում է AP-ն։Արքայազնը նշել է, որ իր Kingdom Holding կոչվող ընկերությունը հետաքրքրված է ներդրումներ կատարել խոստումնալից և մեծ աճ ապահովող գլոբալ ազդեցություն ունեցող բիզնեսում։
Twitter-ը սոցիալական միկրոբլոգային հարթակ է, որը ստեղծվել է 2006 թվականին։ Այն թույլ է տալիս կատարել կարճ գրառումներ մինչև 140 սիմվոլ, կցել լինքեր և նկարներ։ Twitter-ն ունի մոտ 200 միլիոն գրանցված օգտագործող։
...
Կարդալ շարունակությունը »
|
Ինտերնետ Միասին. նոր ծառայություն Orange-ի բաժանորդների համար
|
Այսօր Orange-ը մեկնարկեց Ինտերնետ Միասին ծառայությունը, որի շնորհիվ Orange-ի Ինտերնետ ծառայության բաժանորդներն այսուհետ կարող են ստանալ 1 կամ 2 լրացուցիչ SIM քարտ, որոնք կկցվեն հիմնական հաշվին և կկարողանան միաժամանակ օգտագործել ինտերնետ բաժանորդագրությամբ նախատեսված գերարագ ինտերնետի ծավալը:
Գերարագ ինտերնետի ծավալը սպառելուց հետո քարտերից յուրաքանչյուրով հնարավոր կլինի օգտվել անսահմանափակ ինտերնետից մինչև 256 Կբ/վ կամ 512 Կբ/վ ներբեռնման արագությամբ` համապատասխան սակագնային պլանի:
«Մեր ավելի քան 70 000 ինտերնետ բաժանորդներից շատերը հաճախ կարիք են ունենում կիսվելու իրենց ինտերնետով մտերիմների հետ կամ օգտագործում են մեկից ավել սարքավորումներ ինտերնետ մուտք գործելու համար:
...
Կարդալ շարունակությունը »
|
X-TECH-ի թիմը Հեքըթոնին ներկայացնում է Citybugs.am սոցիալական հարթակը
|
Citybugs.am-ը սոցիալական հարթակ է, որը նախատեսված է Երևան քաղաքի կոմունալ և այլ խնդիրների մասին բարձրաձայնելու համար, օրինակ՝ օգտագործողները կարող են կայքի միջոցով հայտնել, որ կոնկրետ տարածքում աղբահանություն չի կատարվում և այլն: «Երևանի քաղաքապետարանը կամ այլ պատասխանատու մարմինները կարող են կայքով տեղեկանալ օգտագործողների բողոքներին»,- PCNews.am-ի հետ զրույցում պատմեց Հեքըթոնին մասնակցող X-TECH թիմի ներկայացուցիչ Հովհաննես Աղաջանյանը:
Նրա խոսքով՝ Citybugs.am-ում հստակ կերևան նաև լուծում ստացած խնդիրները և կայքը չի նմանվի բողոքների մատյանի: Օգտագործողները հնարավորություն կունենան նաև տեղադրել նյութին առնչվող լուսանկարներ և տեսանյութեր:
Նշենք, որ Հեքըթոն[ՅԱՆ] Երևան 2011 մրցույթի արդյունքները կամփոփվեն այսօր երեկոյան:
...
Կարդալ շարունակությունը »
|
Ձյան փաթիլներ՝ Google-ի գլխավոր էջում
|
Google ընկերությունը հնարավորություն է ընձեռել օգտագործողներին ձյան փաթիլներով զարդարել դիտարկչի էջը: Անհրաժեշտ է միայն Google-ում փնտրել Let It Snow երգի անունը, և փաթիլները կսկսեն թափվել, իսկ որոշ ժամանակ անց էջը կսառչի: Այն «տաքացնելու» համար պետք է սեղմել էջի վերին մասում գտնվող Defrost կոճակին:
Սա Google-ի ամանորյա միակ անակնկալը չէ: Gmail-ի օգտագործողները կարող են զանգել Սանտա Կլաուսի համարով և ձայնային հաղորդագրություն թողնել: ԱՄՆ-ում և Կանադայում զանգերն անվճար են, իսկ այս երկրներից դուրս՝ զանգի մեկ րոպեն արժե 0,01 դոլար:
...
Կարդալ շարունակությունը »
|
|