Samsung-ը ներկայացնում է ճկվող ու թափանցիկ պլանշետ (տեսանյութ)
|
Samsung ընկերությունը թողարկել է տեսանյութ, որով ներկայացնում է ապագայի բջջային տեխնոլոգիաների զարգացման իր պատկերացումները: Ճկվող ու թափանցիկ էկրանով սարքը, Samsung-ի դիզայներների պատկերացմամբ, կլինի սմարթֆոնի ու պլանշետի խառնուրդ: PhysOrg-ը գրում է, որ թափանցիկ AMOLED-էկրանը կապահովի նաև 3D գրաֆիկա, և եռաչափ ֆիլմերը հնարավոր կլինի դիտել առանց ակնոցի:
Թեև ներկայացված մոդելը դեռևս միայն վիրտուալ մակարդակում է, Samsung-ը ծրագրում է ճկվող էկրաններով սարքեր թողարկել արդեն մյուս տարվա ընթացքում:
Սկզբնական շրջանում ճկվող էկրանները կօգտագործվեն սմարթֆոններում, ապա պլանշետային համակարգիչներում ու ձեռքի ժամացույցներում:
...
Կարդալ շարունակությունը »
|
South Park: The Game. առաջին մանրամասնությունները
|
Անցած շաբաթ ներկայացվեց South Park: The Game դերային խաղը (RPG), որը հիմնված է ամերիկյան համանուն մուլտֆիլմի վրա: Այժմ հայտնի են դարձել խաղի առաջին մանրամասնությունները:
Խաղը մշակվում է դերային խաղերի առաջատար Obsidian ընկերության կողմից, որի պատրաստած հայտնի խաղերից են Fallout: New Vegas-ը և Neverwinter Nights 2-ը: Այս անգամ մշակողները գործ ունեն բավական յուրահատուկ մուլտֆիլմի հետ, որի հերոսները ծաղրում են քաղաքականությունը, փոփ-երաժշտությունը, էթիկան և այլն:
Խաղի սյուժեով զբաղվում են մուլտֆիլմի ստեղծողները՝ Տրեյ Պարկերն ու Մեթ Սթոունը: Այն կունենա արկածային բովանդակություն, իսկ գործողությունները կծավալվեն սկզբում դպրոցում, ապա քաղաքում և այլն:
...
Կարդալ շարունակությունը »
|
«Одноклассники.ru»-ի օգտագործողները կկարողանան տեղադրել սեփական տեսանյութերը
|
«Одноклассники» սոցցանցում շուտով հնարավոր կլինի վերբեռնել սեփական տեսանյութերը: Այս մասին «РИА Новости»-ին է հաղորդել սոցցանցի ղեկավար Իլյա Շիրոկովը: «Մինչ այժմ նման հնարավորություն չի եղել, քանի որ մենք զգուշացել ենք պոռնկագրության տարածումից»,-ասել է Շիրոկովը:
Նման բովանդակությունից խուսափելու համար օգտագործողներն իրենք կկարողանան մոդերացիա անել, ինչպես դա արվում է լուսանկարների դեպքում: Շիրոկովը չի հայտնել նոր հնարավորության գործարկման ամսաթիվը, սակայն խոստացել է, որ դա կլինի մոտակա ժամանակում:
«Odnoklassniki»-ն ռուսական ամենամեծ սոցցանցն է և LiveInternet-ի տվյալներով՝ ունի 26 մլն օգտագործող: |
Պլանշետ՝ հատուկ վատ հիշողություն ունեցողների համար
|
Archos Memo Touch պլանշետային համակարգիչը նախատեսված է ծեր մարդկանց համար, ովքեր հիշողության հետ խնդիրներ ունեն:
Սարքն աշխատում է Archos 101 համակարգով: Այն պարբերաբար հիշեցնում է անելիքների մասին և թույլ տալիս խնամակալներին հեռահար կերպով թարմացնել պլանշետի բովանդակությունը:
Գլխավոր էկրանին պատկերվում է օրն ու ժամը, ինչպես նաև հիշեցումները: Առանձին հատված կա նաև անձնական հաղորդագրությունների, օրացույցի և դեղորայքի ընդունման հիշեցումների համար: Պլանշետը ցույց է տալիս նաև եղանակի տեսությունն ու առաջին անհրաժեշտության հեռախոսահամարները: Արտակարգ իրավիճակներում օգտագործողը կարող է սեղմել «Օգնեցեք» կոճակն, ու սարքն ինքնուրույն հաղորդագրություն
...
Կարդալ շարունակությունը »
|
Wi-Fi-ը վտանգում է տղամարդկանց առողջությունը
|
Արգենտինացի կենսաբաններն զգուշացնում են ինտերնետի ակտիվ օգտագործողներին Wi-Fi անլար կապի ճառագայթման վատ հետևանքների մասին: Գիտնականները խորհուրդ են տալիս որքան հնարավոր է քիչ դնել նոթբուքը ծնկներին կամ պահել սմարթֆոնները գրպանում: Հաղորդում է Reuters-ը:
Wi-Fi գոտում երկար մնալը բացասաբար է ազդում տղամարդկանց սերմնահեղուկի որակի վրա: Գիտնականները հետազոտություն են անցկացրել, որի ժամանակ դոնորներից վերցրել են երկուական սերմնահեղուկ՝ մեկը փակ տարայով տեղադրելով wi-fi օգտագործող նոթբուքի կողքին, իսկ մյուսը՝ համակարգչից հեռու գտնվող տարածքում:
4 ժամ անց գիտնականները հետազոտել են սերմնահեղուկները: Պարզվել է, որ Wi-Fi գոտում գտնվող սերմնաբջիջների ակտիվությունը նվազել է 25%-ով, իսկ դրանց 9%-ի ԴՆԹ-ն վնասված է եղել: Իսկ երկրորդ խմբի սերմնաբջիջների ակտիվությունը նվազել է 14%-ով, իսկ ԴՆԹ-ն վնասվել է դրանց միայն 3%-ում:
...
Կարդալ շարունակությունը »
|
Իտալական Valentino նորաձեւության տունն իր հավաքածուները ներկայացրել է վիրտուալ 3D-ցուցադրությունում
|
Իտալական Valentino նորաձեւության տունը այժմ վիրտուալ 3D-թանգարան ունի. կուտյուրիե Վալենտինո Գարավանին այն հիմնադրել է գործընկեր Ջանկառլո Ջամետիի հետ:
Դեկտեմբերի 5-ին Նյու Յորքի ժամանակակից արվեստի թանգարանում կայացել է վիրտուալ թանգարանի շնորհանդեսը: Դա այդ ոճի առաջին 3D թանգարանն է` ստեղծված հագուստի դիզայների կողմից:
Վիրտուալ ցուցադրությունը համակարգչային անվճար ծրագիր է, այն ներառում է 300-ից ավելի զգեստների մոդելներ` նկարագրություններով: Իրականում նման թանգարան ստեղծելու համար 930քմ մակերեսով տարածք կպահանջվեր, գրում է Mashable հրատարակչությունը:
Օգտվողները կարող են թանգարանի դահլիճներում շրջել կուրսորի կամ էլ մենյուի օգնությամբ: Զգեստի վրա սեղմելով` կարելի է տեսնել նրա ստեղծման պատմությունը, էսքիզները, գովազդային ընկերությունները եւ այլ արխիվային նյութեր: Ծրագրում հասանելի տեսանյութերի թվում Վալենտինոյի վարպետության դասերն ու հավաքածուների ցուցադրություններն են: |
Անվճար Kaspersky Antivirus Yandex-ի կողմից
|
Yandex ընկերությունն առաջարկում է օգտագործողներին ներբեռնել անվճար Kaspersky հակավիրուսային համակարգը`կես տարվա լիցենզիայով: Այս մասին ասվում է ընկերության բլոգում:
Առաջարկից կարող են օգտվել ինչպես Ռուսաստանի, այնպես էլ մի շարք նախկին ԽՍՀՄ-ի երկրներ, որոնց թվում է նաև Հայաստանը: 6 ամսվա լիցենզիան լրանալու դեպքում հնարավոր կլինի ձեռք բերել նորը՝ 20% զեղչով:
Նաև նշվում է, որ հակավիրուսի այս փաթեթը չունի տեխնիկական սպասարկում , խնդիր առաջանալու դեպքում օգտագործողին խորհուրդ է տրվում օգտվել ընկերության կայքի База знаний բաժնից:
...
Կարդալ շարունակությունը »
|
Գեյթսը կարող է Չինաստանում նոր սերնդի ատոմային ռեակտոր կառուցել
|
Աշխարհի ամենահարուստ մարդկանցից մեկը, Microsoft ընկերության հիմնադիր Bill Gates-ը բանակցություններ է վարում Չինական ազգային ատոմային կորպորացիայի հետ նոր սերնդի ատոմային ռեակտորի ստեղծման շուրջ:
Կորպորացիայի գլխավոր մենեջեր Սուն Ցինը հայտնել է, որ Գեյթսին պատկանող Terra Power ընկերությունը համագործակցում է իրենց հետ, մի քանի օրից ամերիկացի միլիարդատերը կժամանի Չինաստան` հետագա բանակցություներ վարելու համար:
Խոսքը գնում է այսպես կոչված «վազող ալիքի ռեակտորի» մասին (Traveling Wave Reactor-TWR), որը կարող է աշխատել աղքատեցված ուրանով: Վառելիքի այրման գործընթացը շատ դանդաղ է ընթանում, ինչը թույլ է տալիս ապահովել էլեկտրաներգիայի ստացումը տեւական ժամանակ:
...
Կարդալ շարունակությունը »
|
Gowalla գեոլոկացիոն ընկերությունը կաշխատի Facebook-ի համար
|
Երեկ ամերիկյան մամուլում տարածվել էին լուրեր այն մասին, որ Gowalla գեոլոկացիոն ընկերությունը գնվել է Facebook-ի կողմից։
Այժմ Gowalla-ն հաստատել է, որ իր աշխատակիցներից ոմանք և համահիմնադիրները տեղափոխվում են Facebook։
Ընկերությունը նաև հայտնել է, որ 2012-ի հունվարին Gowalla-ի գեոլոկացիոն ծառայությունը կփակվի այս առիթով։ Օգտագործողների համար հնարավորություն կլինի տեղափոխելու և այլ տեղ պահպանելու իրենց Gowalla-ում ծավալած գործունեությունը։
Gowalla-ի թիմն աշխատելու է Facebook-ի անհատական էջերի նոր ինտերֆեյս Timeline-ի վրա:
Gowalla գեոլոկացիոն ցանցը ստեղծվել է 2009-ին: Գեոլոկացիոն ցանցերը հնարավորություն են տալիս մարդկանց ամրագրվել այն վայրերում, ուր այցելում են, տեսնել, թե որտեղ են ընկերները և այլն: Gowalla-ն համարվում է Foursquare գեոլոկացիոն սոցիալական ցանցի հիմնական մեծ մրցակիցը։ |
Apple հեռուստացույցն արտադրվելու է էկրանի երեք չափով
|
Ըստ ամերիկյան մամուլում տարածվող նոր լուրերի, Apple ընկերության՝ մոտ ապագայում թողարկվող Apple TV հեռուստացույցը արտադրվելու է էկրանի երեք չափերով՝ 32 դյույմից մինչև 55 դյույմ և լույս է տեսնելու մինչև 2012-ի վերջը։
Ըստ ավելի վաղ տարածված լուրերի, Apple հեռուստացույցն ունենալու է ներկառուցված ձայնային կառավարման Siri համակարգը, որը թույլ է տալու օգտագործողներին սեփական ձայնով կառավարել հեռուստացույցի ֆունկցիաները։ Այս մասին գրում է Apple Insider-ը։
Լուրերը նաև նշում են, որ Apple-ի հեռուստացույցներն աշխատելու են նոր A6 պրոցեսորներով։
Apple հեռուստացույցի ստեղծման մասին լուրերը սկսեցին տարածվել, երբ լույս տեսավ Apple-ի համահիմնադիր և նախկին գործադիր տնօրեն Սթիվ Ջոբսի մասին կենսագրական գիրքը, որտեղ նա նշել էր, որ իր մեծ երազանք է ստեղծել բոլորովին նոր սարք ընկերության պատմության մեջ, այն է՝ հեռուստացույց։ |
Պլանշետների վաճառքը շուտով կգերազանցի նոութբուքներին
|
IHS iSuppli անկախ հետազոտական ընկերությունը կանխատեսում է, որ 2016թ. ինտերնետ-պլանշետների վաճառքի քանակը կգերազանցի նոութբուքների վաճառքին։
Բացի դրանից, ենթադրվում է, որ կստեղծվեն, նոր՝ ուլտրաբուքեր, որոնք մեկ տարվա ընթացքում կվաճառվեն ավելի քան 29 մլն օրինակ։ Այս ցուցանիշը հատկապես կաճի 2015թ. վերջին, երբ, ըստ IHS iSuppli, կարտադրվի 136 մլն օրինակ ուլտրաբուք։
Նույն ժամանակահատվածում նոութբուքների արտադրության թիվը կտրուկ կընկնի՝ 211 մլն-ից հասնելով 188 մլն-ի, հաղորդում է՝ korrespondent.net-ը։ |
«Start-up Weekend Yerevan»-ի հաղթող նախագծերից մեկը իրերի փոխանակման կայքի ստեղծումն էր՝ որպես բնապահպանական քայլ
|
«Start-up Weekend Yerevan»-ի 2-րդ հաղթող թիմի անունն էր Gooddist՝ 7 երիտասարդ բնապահպան նորարար էնտուզիաստներ։
Թիմի անդամ Արշակ Ուլուբաբյանը PanARMENIAN.Net ի թղթակցի հետ զրույցում պատմեց, որ իրենց նախագծի նպատակն է ստեղծել կայք, որտեղ մարդիկ նվիրում կամ փոխանակում են միմյանց օգտագործման համար պիտանելի իրեր։«Լինում է երբ հեռախոսդ կորցնում ես, սակայն լիցքավորիչը մնում է, քեզ պետք չէ, բայց ուրիշին պետք կգա։ Մեր կայքի միջոցով դու կարող ես լավ գործ անել, նվիրել այն մեկին, ում պետք է։
Այդ կերպ ազատվում ես քեզ համար արդեն ոչ անհրաժեշտ իրից, անվճար լավություն անում և միաժամանակ նպաստում բնապահպանությանը՝ խնայելով ռեսուրսները»,- ասաց Արշակ Ուլուբաբյանը։
...
Կարդալ շարունակությունը »
|
|
