Գլխավոր » 2011 Դեկտեմբեր 16 » ՏՏ Լրատվական, Տեղեկատվական Տեխնոլոգիաներ
Սթիվ Ջոբսի հայ ընկերոջ կարծիքով՝ Apple-ի հիմնադրին սպանեց արևելյան բժշկությունը |
Steve Jobs-ի ամենամտերիմ ընկերներից Ավետիս Թևանյանը հայտարարել է, որ Apple-ի հիմնադիրը գուցեև կենդանի լիներ, եթե ժամանակին դիմեր բժիշկներին: «Սթիվը երկար ժամանակ համոզում էր ինքն իրեն, որ կկարողանա ինքնուրույն բուժվել»,-պատմել է Թևանյանը BBC-ին տված հարցազրույցում: Ավետիս Թևանյանը եղել է Ջոբսի կոլեգան. մինչև 2006-ը նա Apple-ում ղեկավարել է ծրագրային տեխնոլոգիաների բաժինը: Նրա խոսքով՝ Ջոբսը չէր սիրում վստահել ուրիշների կարծիքին ու այնքան էր վստահ իր ուժերին, որ հաճախ առանց գիտակցելու փորձում էր փոխել իրեն շրջապատող իրականությունը: Ջոբսը շրջապատողներին իրեն հավատացնելու ձիրք ուներ, որն օգնում էր առաջ տանել Apple-ի ինովացիոն տեխնոլոգիաները: Սակայն 8 տարի առաջ, երբ բժիշկները ենթաստամոքսային քաղցկեղ հայտնաբերեցին, Ջոբսը հայտարարեց, որ չի պատրաստվում դիմել վիրահատության և կբուժվի ոչ ավանդական բժշկության միջոցներով: 2004-ին, տեսնելով, որ արևելյան բժշկությունն այնքան էլ չի օգնում, նա համաձայնվեց վիրահատվել, բայց արդեն ուշ էր, հիվանդությունը դուրս էր եկել վերահսկումից: «Պետք էր ավելի շուտ անել վիրահատությունը»,- իր կենսագիր Ուոլտեր Այզեկսոնի հետ զրույցում խոստովանել էր Ջոբսն, ով կյանքից հեռացավ 2011-ի նոյեմբերի 5-ին՝ 56 տարեկան հասակում: |
Հավանել նորությունը
«+7» - հավանությունների քանակ
Դիտումներ: 321 | Ավելացրել է: 3DNewscomm | Հայտնի տեգեր: | Գնահատական: 1.6/7 | Ավելացվել է: 16 December 2011, 20:44 |
| Ընդհանուր Մեկնաբանությունները: 0 | |
3DNews-ի ժամը
Քվեարկե՛ք
Բաժանորդագրվել
Կարդացեք նաև
Մեր Հարցումը
3DNews-ի Twitter-ը
Եղանակ
Թեգերի ամպ
Վիճակագրություն
Կայքում գտնվում են: 1
Հյուրեր: 1
Օգտվողներ: 0
