Facebook-ի ընկերներին այսուհետ հնարավոր կլինի գումար ուղարկել
|
Facebook սոցցանցի 800 մլն օգտագործողներն այսուհետ կկարողանան իրար օգնել գումարով PayPal-ի նոր հավելվածի՝ Send Money-ի միջոցով:
Գումարային փոխանցում անելու համար պետք է ընտրել բացիկ, որին կարելի է կցել նաև հաղորդագրություն, նկար կամ տեսահոլովակ, ընտրել ստացողին, մուտքագրել գումարն ու մուտք գործել PayPal համակարգ: Այնուհետև բացիկը կհայտնվի ընկերոջ պատին, սակայն փոխանցման մասին տվյալները չեն հրապարակվի, իսկ նրա էլ-փոստին կուղարկվի նամակ:
ԱՄՆ-ի օգտագործողների համար երկրի ներսում փոխանցումներն անվճար են, իսկ երկրից դուրս՝ ծառայությունը պահում է 0,5-3,9%, հաղորդում է PayPal-ի բլոգը:
...
Կարդալ շարունակությունը »
|
Սենսորային էկրանը «կպատասխանի» հպումներին (տեսանյութ)
|
Ներկայիս սենսորային սարքերն արձագանքում են օգտագործողի հպումներին միայն ձայնային կամ տեսողական ձևով: Իսկ շվեյցարիացի գիտնականները կատարելագործել են սովորական թաչսքրինը, որն այժմ կարողանում է ֆիզիկապես «պատասխանել» հպումներին:
Լոզաննայի Դաշնային պոլիտեխնիկ դպրոցի գիտնական Քրիստոֆ Վինտերն օգտագործել է հատուկ նյութեր, որոնք ունակ են ճնշման տակ պատասխանել վիբրացիայով: Ընդ որում՝ էկրանի վիբրացիայի ուժգնությունը կարելի է կարգավորել մեխանիկորեն: Արդյունքում օգտագործողը զգում է իր մատի ու էկրանի միջև առաջացող օդը, ինչն էլ ստեղծում է տպավորություն, թե էկրանի հատվածը բարձրանում-իջնում է:
Վինտերը համոզված է, որ այս տեխնոլոգիան օգտակար կլինի հատկապես թույլ տեսողությամբ մարդկանց համար, իսկ նրանք, ովքեր նման խնդիրներ չունեն, կստանան հավելյալ ինտերակտիվ հնավորություններ՝ հավելվածների հետ աշխատելու համար:
...
Կարդալ շարունակությունը »
|
Հայտարարվել է Ֆեյսբուքից ընկերներ ջնջելու օր (տեսանյութ)
|
ABC հեռուստաընկերության հաղորդավար Ջիմմի Քիմելն հայտարարել է Ֆեյսբուք սոցցանցից անծանոթ ընկերներին ջնջելու օր: Այս միջոցառումն առաջին անգամ անցկացվել է մեկ տարի առաջ, որի ընթացքում միլիոնավոր օգտագործողների միացել են «ակցիային»: Հաղորդում է Mashable-ը:
«Facebook-ի օգտագործողների կեսից ավելին իրենց ընկերների շարքում են ներառել հարյուրավոր կամ նույնիսկ հազարավոր մարդկանց, ում չեն էլ ճանաչում իրական կյանքում»,- ասել է Քիմելը:
Առաջին հերթին սա կապված է անձնական տվյալների անվտանգության հետ. հաղորդավարի կարծիքով՝ պետք չէ անծանոթ մարդկանց «ներս թողնել քո կյանք»: Իսկ երկրորդ հերթին ընկերներին «զտելը» թույլ կտա ավելի ուշադիր լինել իրական ընկերների նկատմամբ, քանի որ հազարավոր ընկերներ ունեցողները հաճախ չեն հասցնում լրահոսում տեսնել՝ ինչ են գրում կամ տարածում իրենց մտերիմները:
...
Կարդալ շարունակությունը »
|
2011թ.-ի 25 «ամենավատ» գաղնտաբառերը. հետազոտություն
|
SplashData ընկերությունը հրապարակել է ամենավտանգավոր գաղտնաբառերի տարեկան հաշվետվությունը. ցուցակը գլխավորում է «password» բառը: SplashData-ի ղեկավար Մորգան Սլեյնը խորհուրդ է տալիս անմիջապես փոխել գաղտնաբառը, եթե այն առկա է ներկայացված ցուցակում: Ընկերությունը ներկայացրել է նաև մի քանի խորհուրդներ՝ անվտանգ գաղտնաբառեր ընտրելու համար:
1. Պետք է գաղտնաբառի մեջ օգտագործել թվեր, տառեր ու մեծատառեր, ինչպես նաև սիմվոլներ,
2. Գաղտնաբառը պետք է լինի 8 և ավելի նիշ ունեցող: Ցանկալի է օգտագործել նաև գծեր ու բացատներ,
3. Պետք չէ մի քանի կայքերում կիրառել միևնույն գաղտնաբառը:
...
Կարդալ շարունակությունը »
|
«ԱրմենՏելը» կոչ է անում ակտիվ մասնակցել «Հեռուստամարաթոն 2011»-ին
|
«ԱրմենՏել» ընկերությունը (ապրանքանիշը Beeline) կոչ է անում իր բաժանորդներին ակտիվ մասնակցել «Հայաստան» համահայկական հիմնադրամի կողմից կազմակերպված ամենամյա հեռուստամարաթոնին: Բարեգործական այս միջոցառմանը կարելի է մասնակցել ֆիքսված կամ բջջային հեռախոսից զանգահարելով 090008000 համարին կամ ուղարկել կարճ հաղորդագրություն 7733 համարին:
«Armentel» մամուլի ծառայությունից NEWS.am-ին հայտնում են, որ ընկերության բաժանորդների նվիրատվությունն ընկերությունն ամբողջությամբ կփոխանցի «Հայաստան» համահայկական հիմնադրամին:
«Հեռուստամարաթոն 2011»-ն այս տարի անցկացվում է «Ջուր պարգեւիր, կյանք նվիրիր» կարգախոսի ներքո: «Հայաստան» համահայկական հիմնադրամի հոգեբարձուների խորհրդի որոշմամբ այս տարի հավաքագրված բոլոր միջոցները կուղղվեն Լեռնային Ղարաբաղի գյուղական համայնքների ջրամատակարարման խնդիրների լուծմանը, ինչպես նաեւ Հայաստանի եւ Արցախի գյուղերի զարգացմանն ուղղված միջոցառումների իրականացմանը:
...
Կարդալ շարունակությունը »
|
Visa-ն, հայկական բանկերն ու էլեկտրոնային առեւտուրը
|
Հայաստանյան մի շարք բանկերի ներկայացուցիչներ արձագանքել են նոյեմբերի 9-ին, NEWS.am-ի «Արդյոք Visa-ն խոչընդո՞տ է Հայաստանում էլեկտրոնային առեւտրի զարգացման համար» լուրին:
Հիշեցնենք` Ինֆորմացիոն տեխնոլոգիաների ձեռնարկությունների միությունը կազմակերպել էր կլոր սեղան` նվիրված էլեկտրոնային առեւտրի հիմնախնդիրներին: Կլոր սեղանի ընթացքում ամփոփվեցին ոլորտի խնդիրների լուծման նպատակով ստեղծված միջգերատեսչական աշխատանքային խմբի գործունեության միջանկյալ արդյունքները: Նշվել է (այդ թվում` լրագրողներին բաժանված հատուկ տեղեկանքում), որ Հայաստանում էլեկտրոնային առեւտրի զարգացման հիմնական խնդիրներից մեկը կապված է Visa միջազգային քարտերի օգտագործման անհնարինության հետ:
Իսկ այդ անհնարինություն էլ իր հերթին հետեւանք է նրա, որ հայաստանյան բանկերը չունեն համապատասխան լիցենզիան` Visa International e-commerce license: Արդյունքում` Հայաստան ժամանող զբոսաշրջիկները չեն կարողանում էլեկտրոնային առեւտուր իրականացնել, ասենք` հյուրանոցներում:
...
Կարդալ շարունակությունը »
|
Երեւանում կույր եւ վատ տեսողություն ունեցողների համար ինտերնետային հասանելիության կենտրոն կբացվի
|
Երեւանում, նոյեմբերի 21-ին, ժամը 12.00-ին, Սարյան 22 հասցեում («Հայփոստ»-ի շենք, առաջին հարկ), կբացվի կույր եւ վատ տեսողություն ունեցող անձանց համար ինտերնետային հասանելիության կենտրոն:
Կենտրոնը ստեղծվել է ՀՀ տրանսպորտի եւ կապի նախարարության եւ Հեռահաղորդակցության միջազգային միության /ITU/ ԱՊՀ երկրների տարածաշրջանային բաժնի նախաձեռնությամբ, ինչպես նաեւ կրթության բնագավառում ՅՈՒՆԵՍԿՕ-ի տեղեկատվական տեխնոլոգիաների ինստիտուտի մասնակցությամբ: |
Amazon-ը սեփական սմարթֆոնն է մշակում
|
Amazon ինտերնետ-խանութը նախատեսում է հաջորդ տարվա վերջին սեփական սմարթֆոնը թողարկել, հաղորդում է Bloomberg-ը:
Ընդ որում, Amazon-ն ակնկալում է շահույթ ստանալ ոչ այնքան սարքի վաճառքից, որքան դրա համար ստեղծվող կոնտենտից, մասնավորապես, գրքերից ու երաժշտությունից: Սմարթֆոնի գինը բարձր չի լինի, շուրջ 170 դոլար:
Հիշեցնենք, որ Amazon ինտերնետ-խանութը սեպտեմբերին հայտարարել էր էլեկտրոնային online-գրադարան բացելու իր ծրագրերի մասին: |
Երկար տարիներ բանտում անցկացրած քաղաքացին շոկի մեջ է ընկել տեխնոլոգիաների զարգացումից
|
Ամերիկացի Ռենդել Լի Չորչը, որը բանտում է 1983թ-ից, վերջերս ազատ է արձակվել: Շրջապատող աշխարհը շատ ավելի վախեցնող է եղել, քան բանտը, որտեղ նա անցկացրել է 29 տարի:
«Երբ այլ բանտարկյալներն ասում էին, որ մշակութային շոկ կապրեմ բանտից դուրս գալուց հետո, չէի հավատում, մտածում էի՝ նախանձում են,-պատմել է Չորչը Houston Chronicle-ին տված հարցազրույցում,-Երբ դուրս եկա, չէի իմանում ինչպես օգտագործել համակարգիչ կամ բջջային. էլ չեմ ասում ինտերնետի մասին: Ես ամաչում էի, որ չեմ կարողանում նույնիսկ ամենապարզ գործողություններ անել այդ սարքերով»:
Նախկին բանտարկյալը դժգոհում է նաև, որ գներն ամենուրեք անհամեմատ բարձրացել են, ապրանքները խանութներում վաճառվում են միայն շտրիխ-կոդերի միջոցով, վիդեոխաղերը գրեթե իրական են դարձել, իսկ մարդիկ անընդմեջ բջջային են օգտագործում:
...
Կարդալ շարունակությունը »
|
Լրանում է Լուի Դագերի ծննդյան 244 տարին
|
Այսօր` նոյեմբերի 18-ին, լրանում է Լուի Դագերի ծննդյան 244 տարին: Այդ կապակցությամբ Google-ի սովորական լոգոտիպը տոնական տեսքի է բերվել:
Լուի Դագերը դագերոտիպի հիմնադիրն է, ժամանակակից լուսանկարի նախահայրը: 16 տարեկանում նա դարձել է «Գրանդ Օպերա»-ի թատերական ձեւավորող Դեգոտիի աշակերտը
Դեկորացիաների ստեղծման ժամանակ Դագերը բազմաթիվ փորձեր է արել, օգտագործելով քիմիական նյութեր: Դագերոտիպիան հայտնագործվել է պատահաբար, փորձերից մեկի ժամանակ:
1839-ին Դագերը դագերոտիպիայի ստացման գործընթացը ներկայացրել է Ֆրանսիայի գիտությունների ակադեմիային: Դրանից հետո, նրա անունն ու տեխնոլոգիան հայտնի են դարձել ողջ աշխարրհում:
...
Կարդալ շարունակությունը »
|
Aston Martin-ի երկրպագուները Facebook –ի միջոցով կստեղծեն իրենց ավտոմեքենան
|
Բրիտանական Aston Martin ընկերության երկրպագուների թիվը Facebook սոցիալական ցանցում գերազանցել է 1 միլիոնը, ինչի կապակցությամբ ավտոարտադրողը որոշել է ոչ սովորական ակցիա կազմակերպել:
Ինչպես փոխանցում է NEWSru.com-ը, ֆանատներին առաջարկվում է մասնակցել Millionth Fans Car կոնցեպտի ստեղծմանը: Շուտով կհրատարակվեն բազմաթիվ հարցումներ այն մասին, թե ինչպես պետք է լինեն «ֆանատների» մեքենայի տարբեր տարրերը, իսկ երկրպագուները կհայտնվեն Aston Martin –ի ներկայացրած բազմաթիվ տարբերակաների «տարափի» տակ:
Տվյալ պահին ֆանատներին առաջարկվում է ընտրել բազային մոդելը, որի հիման վրա էլ կստեղծվի նոր կոնցեպտ-ավտոմեքենան: |
Facebook –ից միանգամից հնարավոր կլինի զանգ կատարել Skype –ի միջոցով
|
Շուտով Skype-ի օգտատերերը կարող են Facebook սոցիալական ցանցում ուղիղ տեսազանգեր կատարել:
Ինչպես տեղեկացնում է BBCRussian-ը, հատուկ այդ նպատակով թողարկվել է Mac OS եւ Windows պլատֆորմների ծրագրային ապահովման բետա-տարբերակը:
Բացի տեսազանգերից, Skype-ի օգտատերերը կարող են տեսնել իրենց ընկերների ստատուսների թարմացումները եւ նրանց հաղորդագրություններ ուղարկել: |
Վլադիմիր Գաբրիելյան. «Odnoklassniki.ru»-ն եւ Mail.ru»-ն ձգտում են միավորման
|
Հայտնի «Одноклассники.ru» սոցիալական ցանցը ինտեգրվում է «Mail.ru» պորտալի «Мой мир» ցանցի հետ, ինչը երկու ցանցերի օգտատերերին հնրավորություն է տալիս շփվել միմյանց հետ իրենց նախընտրած ցանցից, հրապարակել կոնտենտներ միաժամանակ երկու ռեսուրսներում էլ:
Ինչպես փոխանցում է NEWSru.com, սա հերթական քայլն է լիարժեք ինտեգրման ճանապարհին, որն սկսվել է դեռեւս այս տարվա օգոստոսին: Սկզբում «Odnoklassniki.ru»-ի օգտատերերը հնարավություն էին ստացել միմյանց հետ շփվել «Mail.Ru@Агент»-ի միջոցով, իսկ հետո արդեն հնարավոր էր մեկ քլիքով անցնել «Mail.ru»-ի ծառայություններին:
«Ինտերֆաքսը» հղում կատարելով ընկերության տեխնիկական տնօրեն Վլադիմիր Գաբրիելյանին, հաղորդում է, որ «Mail.ru»-ն ծրագրում է բոլոր ռեսուրսներն ու ծառայությունները միավորվել մեկ տեղեկատվական-հաղորդակցական տարածության մեջ: |
Ինտերնետում ծանոթության ժամանակ ստում են գրեթե բոլորը. hետազոտություն
|
Ինտերնետում ծանոթություններ հաստատելիս գործնականում բոլոր կայքերի այցելուները ստում են, ընդ որում այդ սուտը միատեսակ է: Ճիշտ է` տղամարդիկ եւ կանայք ստում են տարբեր բաների մասին, կանայք արտաքին տեսքի, տղամարդիկ` դրամապանակի պարունակության: Այսպիսի արդյունքներ են ստացվել ծանոթությունների կայքերի հազար օգտվողների շրջանում անցկացված հարցումների արդյունքում:
Կանանց ավելի բնորոշ է բարեփոխել իրենց մարմնի բարեմասնությունները, մեծացնել կրծքի չափը, նաեւ գլուխ գովալ հայտնի մարդկանց հետ իրենց ծանոթության մասին, քանի որ, ըստ իրենց, դա իրենց հրապուրիչ է դարձնում, գրում է «INFOX.ru»-ն:
Հայտնի մարդկանց հետ ծանոթությամբ սիրում են գլուխ գովալ նաեւ տղամարդիկ, նրանք նաեւ հակված են թաքցնել տարիքը, հասակը եւ քաշը: Բայց հարցվածների 40 տոկոսը խոստովանել է,
...
Կարդալ շարունակությունը »
|
|
