«Շաբաթօրյակ» Google-ում. ընկերությունը փակում է 7 նախագիծ
|
Google-ը վաղուց արդեն որոշել է «չչարչարվել» այնքան էլ մեծ հաջողություն չունեցող նախագծերի վրա ու պարզապես փակել դրանք: Այսպես, ընկերությունը հրաժարվում է այլևս զբաղվել հետևյալ նախագծերով.
Google Bookmarks Lists . սա անգլալեզու օգտագործողներ համար նախատեսված ծառայություն է, թույլ է տալիս փոխանակվել էջանշումներով: Դեկտեմբերի 19-ին այս նախագիծն էլ չի սպասարկվի, սակայն ստեղծված էջանշումները կպահպանվեն: Google Friend Connect . գործիք վեբ-մաստերների համար, որը թույլ է տալիս սոց. ֆունկցիաներ ավելացնել կայքերում: Ծառայությունը կդադարի սպասարկվել 2012-ի մարտի 1-ից:
Google Gears. հնարավոր է դարձնում օֆֆլայն աշխատանքը Google-ի որոշ ծառայությունների հետ: Այն չի գործի դեկտեմբերի 1-ից:
...
Կարդալ շարունակությունը »
|
Google-ն այսուհետ Հայաստանում կունենա լիազորված դիստրիբյուտոր
|
Հայկական G Design Group ընկերությունն այսուհետ Հայաստանում կվերավաճառի ու կզարգացնի Google Apps մարկետինգային համակարգը: Այն նախատեսված է բիզնեսի զարգացման, կառավարման ու հաճախորդների հետ հաղորդակցվելու համար և պարունակում է մի շարք օգտակար ծրագրեր:
Ընկերության տնօրեն Գրիգոր Սեմիրջյանի խոսքով՝ Google-ն այսօր այնքան էլ հետաքրքրված չէ հայկական շուկայով, և պետք է քայլեր ձեռնարկել, որպեսզի ընկերության ուշադրությունը կենտրոնանա Հայաստանի վրա:
G Design Group-ի ներկայացուցիչ Արմեն Սարգյանը նշում է, որ Google Apps-ի թիրախային խումբը լինելու են հիմնականում խոշոր ընկերությունները, որոնք օգտագործում են տարբեր CRM-համակարգեր (հաճախորդների հետ հարաբերությունների կառավարման համակարգ): |
Կայք, որը «գտնում» է ամենագեղեցիկ նկարները
|
Google-ում կամ այլ որոնողական համակարգում կարելի է նկարներ փնտրել՝ ըստ գույների, չափսի և այլ չափանիշների, նաև հնարավորություն կա բեռնել նկարը և գտնել դրա նման այլ նկարներ: Լավագույն նկարների որոնումը հեշտացնելու համար Xerox ընկերությունը ստեղծել է ալգորիթմ, որը հստակ չափանիշներով ընտրում է լավագույն լուսանկարները: Հաղորդում է Gizmodo-ն:
Ծառայությունը դեռևս ալֆա-տեստավորման փուլում է: Կայքում նկարների օրինակով ցուցադրվում է՝ ինչպես է աշխատում ալգորիթմը: Դիտելով ծրագրի ընտրած նկարները՝ պարզ է դառնում, որ այն աշխատում է: |
Բարաք Օբաման Google+-ում էջ է բացել` նախընտրական քարոզչության համար
|
ԱՄՆ նախագահ Բարաք Օբաման Google+ սոցիալական ցանցում էջ է բացել եւ մտադիր է այն օգտագործել նախընտրական քարոզչության շրջանում:
Ըստ «Газета.Ru»-ի` էջի առաջին գրառման մեջ ասվում է, որ այն դեռ փորձարկման փուլում է, եւ առաջարկվում է խորհուրդներ տալ դրա հետագա կառավարման վերաբերյալ:
Բարաք Օբաման նախընտրական քարոզչության շրջանակներում լայնորեն կիրառում է սոցիալական ցանցերը: Դեռեւս նախորդ ընտրությունների ժամանակ Օբամայի շտաբը Twitter եւ Facebook սոցիալական ցանցերում էջեր էր բացել: Բացի այդ, թեկնածու Օբամայի կայքը ներքին սոցիալական ցանց ուներ` My.BarackObama.com, որի օգնությամբ կազմակերպվում էր կամավորների աշխատանքը: |
Բրիթնի Սփիրսը դարձել է Google+-ի «թագուհին»
|
Երգչուհի Բրիթնի Սփիրսի Google+ էջը բաժանորդագրվածների թվով առաջ է անցել Google-ի հիմնադիր Լարի Փեյջի էջից ու գրավել առաջին տեղը: Այս պահին երգչուհին ունի 744 հազ. 269 հետևորդ, իսկ Փեյջը՝ 743 հազ. 454:
Փեյջն իր հերթին հոկտեմբերի վերջին առաջ է անցել Մարկ Ցուկերբերգից, ով մինչ այժմ այս սոցցանցում ոչ մի գրառում չունի: Twitter-ում Սփիրսին հետևում է 11 մլն օգտագործող, իսկ Facebook-ում՝ ավելի քան 15 մլն: Երգչուհի Լեդի Գագան, ով Twitter-ի ամենահայտնի օգտագործողն է (ավելի քան 16 մլն հետևող), դեռ չի գրանցվել Google+-ում:
Նշենք, որ այսօր Google+-ում գրանցվել է նաև ԱՄՆ-ի նախագահ Բարաք Օբաման: |
«ԱրմենՏելը» շարունակում է աջակցել Հայաստանի կրթական հաստատություններին
|
«ԱրմենՏել» ընկերությունը (ապրանքանիշը Beeline) հայտարարում է «Elenar» ռուս-հայկական կենտրոնի հետ երկարատեւ համագործակցության ծրագրի մեկնարկի մասին: «Elenar»-ը հանդիսանում Մոսկվայի ժամանակակից հումանիտար ակադեմիայի տեղեկատվական ռեսուրսների հասանելիության Հայաստանյան կենտրոնը:
«Armentel» մամուլի ծառայությունից NEWS.am-ին հայտնում են, որ համագործակցություն շրջանակում «ԱրմենՏել» ընկերությունը կենտրոնին կցուցաբերի տեխնիկական աջակցություն հեռահար ուսուցման կուրսերի կազմակերպման գործում, ինչպես նաեւ կաջակցի կենտրոնի բոլոր մասնաճյուղերում դասավանդման գործընթացի համակարգմանը:
Հանրապետության տարածքում այսօր գործում է «Elenar» հեռահար տեխնոլոգիաների վեց կենտրոն` Երեւանում, Գյումրիում, Կապանում, Տաշիրում, Ճամբարակում եւ Իջեւանում: Առաջիկայում եւս մեկ մասնաճյուղ կբացվի Ստեփանավանում:
...
Կարդալ շարունակությունը »
|
iPhone եւ iPad ունեցողները կարող են աստղային զբոսանք կատարել Star Walk 5.5-ի նոր տարբերակով
|
iPhone-ի եւ iPad-ի աստղաբանական Star Walk 5.5 ծրագրի նոր տարբերակն է գործարկվել: 5.5 տարբերակը աշխատում է նաեւ iOS 5-ի հետ, այն նաեւ հնարավորություն է ընձեռում Twitter-ի միջոցով տեղեկացնել գտնվելու վայրի մասին, հաղորդում է «Новости Software»-ը: Ծրագիրն աշխատում է iOS 3.0 եւ դրանից ավելի նոր համակարգ ունեցող սարքավորումներում:
Ծրագիրը թույլ է տալիս հետազոտել աստղերը, համաստեղությունները եւ արբանյակները: Դրա համար հարկավոր է երկնքում հետաքրքրող օբյեկտի ուղղությամբ պարզել բջջային սարքավորումը: Բացի այդ, տեղեկատվությունը կարելի է փնտրել տվյալների բազայում` անվանումների միջոցով: |
Բրյուսովի անվան պետական լեզվաբանական համալսարանում բացվեց Wi-Fi անկյուն
|
Այսօր Orange Արմենիան ստորագրեց հնգամյա համագործակցության հուշագիր Երևանի Վ. Բրյուսովի անվան պետական լեզվաբանական համալսարանի հետ, որի շրջանակներում համալսարանի ուսանողները կկարողանան մասնագիտական պրակտիկա անցնել Orange-ում, իսկ Orange-ի լավագույն մասնագետները վերապատրաստման դասընթացներ կիրականացնեն ուսանողների համար, ինչպես նաև համալսարանին կցուցաբերեն խորհրդատվական աջակցություն:
Այսօր համալսարանում նաև տեղի ունեցավ անվճար Wi-Fi անկյան պաշտոնական բացումը, որի շնորհիվ բուհի ուսանողներն ու դասախոսները կկարողանան օգտվել իրենց բուհի ամենամարդաշատ վայրում տեղադրված անվճար Orange wi-fi ինտերնետից: |
ՆՈՒՌ. Վիրտուալ դասընթաց ԼՂՀ ուսուցիչների համար
|
Ստեփանակերտում եւ Շուշիում արդեն մեկնարկել է ՆՈՒՌ (Նոր ուսումնական ռազմավարություն) ծրագրի վերապատրաստման վիրտուալ փուլը Լեռնային Ղարաբաղի ուսուցիչների համար:
Ներկայումս անցկացվում է «Կորպորասիոն» Ամերիկայի տեղեկատվական տեխնոլոգիաների բաժնի կողմից մշակված Moodle կոչվող գործարկման երկրորդ մոդուլը, որում ներգրավված են 160 ուսուցիչներ: Ամեն շաբաթ կատարվում են պրակտիկ վարժություններ, որոնցում օգտագործվում են XO համակարգիչների տարբեր կիրառումներ, ինչպես նաեւ ֆորումների տեսքով քննարկումներ, որպեսզի ուսուցիչները կարողանան խորացնել իրենց տեղեկատվական եւ հաղորդակցության տեխնոլոգիաների բնագավառում գիտելիքները:
Այս փուլում NUR-ի առաջնային նպատակը դասավանդողների վերապատրաստումն է` համակարգչի եւ ազատ համակարգչային ծրագրերի կիրառումը դասարան բերելու մանկավարժական մեթոդի միջոցով:
...
Կարդալ շարունակությունը »
|
Հաջորդ տարի մահմեդականների համար հատուկ սոցիալական ցանց կգործի
|
Ռուսաստանից, Թուրքիայից, Ղազախստանից, Գերմանիայից, Եգիպտոսից, Մալայզիայից եւ այլ երկրներից գործարար-ներդրողների եւ իսլամական գործիչների խումբը մտադիր է Salam World անվանումով նոր սոցիալական ցանց բացել:
Ինչպես փոխանցում է TelecomBlog.ru-ն, Salam World-ը էլեկտրոնային կոմերցիայի ծառայություններ կմատուցի` համաձայն իսլամի կանոնների: Բացի այդ, մահմեդականների պահանջներին կհամապատասխանեցվեն պոպուլյար խաղերը: Չհաստատված տեղեկություններով` Salam World-ում ներդրումը կկազմի 15 մլն դոլար: Այդ ցանցի շնորհանդեսը նախատեսվում է 2012թ-ին:
Նախագծի հեղինակները հույս ունեն, որ իրենց զավակն այլընտրանք կլինի ներկայիս մեծ ժողովրդականություն վայելող ցանցերին, մասնավորապես` Facebook-ին: |
|