Հսկա ռոբոտ-օձ (տեսանյութ)
|
Burning Man փառատոնին կանադական eatArt ընկերությունը ցուցադրել է հսկայական չափերի ռոբոտ-օձ, որի անունն է Titanoboa: Ռոբոտի երկարությունը 15 մետր է, քաշը՝ 1 տոննա, իսկ տրամագիծը՝ 0,3 -1 մետր: Հաղորդում է The Verge-ը: Titanoboa-ն կարողանում է տեղաշարժվել նաև ջրում և անընդհատ կատարելագործվում է:
Տեսահոլովակում ներկայացված է նաև MondoSpider սարդ-ռոբոտը, որը կարողանում է տեղափոխել մարդկանց:
...
Կարդալ շարունակությունը »
|
Լևոն Արոնյանը գրանցվել է Twitter-ում
|
Հայ շախմատիստ, միջազգային գրոսմայստեր Լևոն Արոնյանը բացել է իր անձնական էջը Twitter միկրոբլոգային համակարգում (http://twitter.com/#!/LevAronian): Նշենք, որ Twitter-ում որոշ ժամանակ առաջ բացվել է կեղծ մի էջ՝ http://twitter.com/#!/GMLevonAronian, որի օգտատերը հանդես է գալիս Արոնյանի անունից:
Գրոյսմայստերն իր առաջին գրառման մեջ նշել է, որ գրանցվել է միկրոբլոգային համակարգում «հիմնականում կեղծ էջի դեմ պայքարելու համար»: Նշենք, որ վերջինս արդեն ունի 165 հետևող և 3 գրառում, որոնցից առաջինն արվել է հոկտեմբերի 29-ին: |
2012-ի Հունվարին ներկայացված կլինեն 50 նոր ուլտրաբուքեր
|
Հաջորդ տարին կարող է դառնալ ուլտրաբուքի տարի, ինչպես այս տարին դարձավ պլանշետի տարի:
Դա հետևում է այն փաստից, որ առաջիկա տարվա հունվարին, համակարգչային տեխնիկայի ասպարեզում կներկայացվեն մինչև 50 ուլտրաբուքերի նոր մոդելներ: Սա իրական սենսացիա է: Այս մասին հայտարարել է Շոն Դյուբրեվեքը (Shawn DuBravac)՝ Սպառողական էլեկտրոնիկա Ասոցիացիայի հետազոտական տնօրենը: «Մենք ակնկալում ենք տեսնել արտադրողներից 30-ից մինչև 50 նոր Ուլտրաբուքեր» (Ultrabook) - հայտարարել է նա լրագրողներին մամուլի ասուլիսի ժամանակ Լոնդոնում: Տվյալ պահին, միայն չորս ընկերություն է արտադրում ուլտրաբուք, նրանք են՝ Acer, Asustek, HP և Lenovo ընկերությունները:
Ենթադրվում է, որ այլ արտադրողներ չեն շտապում ուլտրաբուքերի արտադրությունում, քանի որ սպասում են նոր Ivy Bridge պրոցեսորներին Intel ընկերության կողմից: Intel-ը՝ ուլտրաբուքի գլխավոր մատակարարը հույս ունի, որ ուլտրաբուքերը առաջիկա տարում կգրավեն համակարգիչների շուկայի մոտ 40%-ը և դա այնքան էլ հեռու չէ իրականությունից: |
Google-ի հիմնադիրը 500 հազար դոլար է նվիրել Վիքիփեդիային
|
Google ընկերության հիմնադիր Սերգեյ Բրինը 500 հազար դոլար նվիրատվություն է կատարել «Վիքիմեդիա» հիմնադրամին, որը ֆինանսավորում և զարգացնում է համացանցային հանրագիտարան Վիքիփեդիան: Այս մասին հաղորդում է MIGnews-ը:
Սերգեյ Բրինն իր կնոջ ` Աննա Վոյցիցկինի հետ միասին նվիրատվությունը կատարել են իրենց հիմնադրամից:
Wikipedia-ն իր մասսայականությամբ համացանցում 5-րդ կայքն է և ամսեկան 450 միլիոն մարդու է սպասարկում` առանց գովազդի տեղադրման, կայքը գործարկվում է 95 աշխատակիցների կողմից:
Հիշեցնեմ, որ վերջերս Վիքիփեդիայի հիմնադիր Ջիմմի Ուեյլսը հայտարարել էր ծրագրի զարգացման համար ֆինանսական միջոցներ հայթայթելու հերթական ակցիայի մասին: |
Ինովացիոն համակարգը թույլ կտա իմանալ՝ դեպի ուր է գնում երկնքում թռչող ինքնաթիռը
|
WolframAlpha ծրագիրն այժմ կարողանում է պարզել՝ որ ուղղությամբ են թռչում ինքնաթիռները: Պետք է ընդամենն այցելել www.wolframalpha.com և որոնման տողում մուտքագրել «flights overhead»: Հաղորդում է WolframAlpha-ի պաշտոնական բլոգը:
Այնուհետև WolframAlpha-ն կցուդադրի մոտակա տարածքում թռչող ինքնաթիռների մասին տվյալներ, դրանց բարձրությունը, թռիչքի անկյունը, ժամանման երկիրը և այլ տվյալներ:
Ամբողջ ինֆորմացիան տրամադրվում է ԱՄՆ-ի Քաղաքացիական ավիացիայի դաշնային վարչությունն, այնպես որ կայքում առայժմ հնարավոր կլինի տեղեկանալ միայն ԱՄՆ-ի տարածքում թռչող ինքնաթիռների մասին: WolframAlpha-ի աշխատանքում օգտագործում են նաև Siri ձայնային օգնականը և Microsoft Bing որոնողական համակարգը : |
Երևանում կբացվի հիպերռեալիստական աշխատանքների ցուցահանդես
|
Նոյեմբերի 22-ին Երևանի Ճարտարապետության և շինարարության պետական համալսարանում կբացվի հիպերռեալիստական աշխատանքների ցուցահանդես, որի ընթացքում առաջին անգամ կներկայացվի երիտասարդ դիզայներների հեղինակած հիպերռեալիստական ուղղության մոտ 65 աշխատանք: Հաղորդում են ԵՃՇՊՀ-ից:
Ֆոտոռեալիզմի էսթետիկ սկզբունքների վրա հիմնված այս ուղղությունն, ի տարբերություն վերջինիս, իր առջև նպատակ չի դնում կրկնօրինակել իրականությունը: Օբյեկտներն ու տեսարանները հիպերռեալիստական գեղանկարչության մեջ մանրամասնած են, որպեսզի ստեղծվի իրականության պատրանք, բայց դա սյուրռեալիզմ չէ, քանի որ կարող է հանդիպել իրականության մեջ:
Ցուցահանդեսի ղեկավար, համալսարանի «Դիզայն» ամբիոնի դասախոս, դիզայներ Հայկազ Արսենյանը նշում է, որ հիպերռեալիստական աշխատանքների ստեղծումը նախ և առաջ յուրատեսակ փորձություն էր երիտասարդ դիզայներների համար, որոնց առջև նպատակ է դրվել ստանալ պատկերներն ու իրերն այնպիսին, ինչպիսին դրանք ֆիքսել է
...
Կարդալ շարունակությունը »
|
Ջորջ Քլունին հնարավոր է՝ խաղա Սթիվ Ջոբսի դերը
|
Հոլիվուդյան հայտնի դերասան ու ռեժիսոր Ջորջ Քլունին կարող է դառնալ Apple-ի հիմնադիր Steve Jobs-ի մասին պատմող ֆիլմի գլխավոր դերակատարը: Այս դերի համար դերասանի հետ մրցակցում է «Շտապ օգնություն» հեռուստասերիալի աստղ Նոա Ուայլին, ով 1999-ին կերպավորել է Ջոբսին «Սիլիկոնային հովտի ծովահենները» ֆիլմում: Հաղորդում է Now Magazine-ը:
Ոչ պաշտոնական տեղեկություններով՝ 56 տարեկանում կյանքից հեռացած Ջոբսի մասին կենսագրական ֆիլմը կսկսի նկարահանվել 2012-ին՝ վերջերս լույս տեսած կենսագրականի հիման վրա: Ինչպես գրում է Los Angeles Times-ը, նախատեսվում է, որ ֆիլմը կնկարահանի Sony Pictures կինոընկերությունը: Սակայն ընկերության ներկայացուցիչներն առայժմ հրաժարվում են մեկնաբանություններ տալ: |
Մեկնարկել է Startup Weekend Yerevan-ի գրանցումը
|
Դեկտեմբերի 2-4-ը Երևանում կանցկացվի Startup Weekend միջոցառումը, որը հնարավորություն կտա ծրագրավորողներին, դիզայներներին, շուկայագետներին և պարզապես էնտուզիաստներին հավաքվել, քննարկել տարածել իրենց մտքերը, աշխատել թիմերով և արդյունքում ստեղծել ընկերություններ:
Միջոցառումն անցկացվում է ArmNet 2011-ի շրջանակներում: Գրանցվելու համար անհրաժեշտ է դիմում լրացնել (http://yerevan.startupweekend.org/tickets/) և վճարել $10 անդամավճար:
Նշենք, որ Startup Weekend-ն առաջին անգամ է անկացվում Հայաստանում: Նախաձեռնության նպատակն է բարձր տեխնոլոգիաների ոլորտում ձեռներեցության ու նոր տեխնոլոգիական ընկերությունների ստեղծման խթանումը Հայաստանում: Կազմակերպիչները հույս ունեն, որ «Start-Up Weekend Yerevan» նորարար նախագծերի մրցույթի շնորհիվ Հայաստանի նորարարական ընկերությունների շարքին կմիանան նորաստեղծ ընկերություններ, ինչը գործուն ներդրում կլինի նորարարական տնտեսության կայացման և զարգացման գործում: |
Need For Speed: The Run - Երկար սպասված խաղի հրապարակումը (Տեսանյութ)
|
Electronic Arts ընկերությունը հայտարարել է նոր ՝Need For Speed: The Run խաղի հրապարակման մասին, որը հասանելի կլինի նոյեմբերի 17-ից ամբողջ Եվրոպայում և Ռուսաստանում:
Խաղը հրապարակվել է հետևյալ պլատֆորմների համար - PC, PlayStation3, Xbox 360, Wii, Nintendo 3DS և iOS: Խաղի հերոսը՝ Ջեկ անունով, մեծ գումարներ է պարտք ավազակներին, ովքեր պատրաստ են սպանել Ջեկին իրենց պարտքերը չվերադարձնելու համար: Իսկ Ջեկն էլ ստիպված, պատրաստ է մաքրել այդ պարտքերը, համաձայնվելով մասնակցել անօրինական ավտոմրցարշավի 4828 կիլոմետր երկարությամբ ճանապարհով - Սան Ֆրանցիսկոյից մինչև Նյու Յորք: Հաղթանակի դեպքում խաղացողը, այսինքն Ջեկը, կստանա $ 25 միլիոն:
Իսկ այս մրցանակին տիրելու համար, մրցարշավին կմասնակցեն 200 ամենալավ ավտոռեյդերները աշխարհի տարբեր տեղամասերից:
...
Կարդալ շարունակությունը »
|
|
