Եվրոպական դատարանը թույլ է տվել պրովայդերներին չարգելափակել ծովահենային կոնտենտները
|
Եվրոպական դատարանը նախադեպային որոշում է կայացրել, ըստ որի համացանցային պրովայդերներից չեն կարող պահանջել զտել համացանցի պարունակությունը, հեռացնել ծովահենային ֆայլերը, ինչպես նաեւ արգելափակել դրանք տարծողների մուտքը:
Ինչպես հաղորդում է NEWSru.com-ը, դատավճիռը բելգիական Scarlet պրովայդերի եւ երաժշտական ինդուստրիայի շահերը ներկայացնող SABAM կազմակերպության յոթնամյա վիճաբանության արդյունք է: Դատաքննության սկիզբը դրվել էր դեռ 2004 թ-ին, երբ SABAM-ը Scarlet-ից պահանջեց մուտքի արտոնությունից զրկել այն այցելուներին, ովքեր ցանցից ծովահենային եղանակով երաժշտություն են ներբեռնում: |
Թաիլանդում մարդկանց ձերբակալելու են Facebook-ում Like կոճակը սեղմելու համար
|
Թաիլանդի իշխանությունները զգուշացրել են իրենց քաղաքացիներին, որ նրանք կարող են քրեական հետապնդման ենթարկվել Facebook սոցիալական ցանցում Like կոճակը սեղմելու համար իշխանությունների հասցեին ուղղված քննադատական հոդվածների տակ:
«Գազետա.ռու»-ն, վկայակոչելով The Guardian-ը, թաիլանդական իշխանությունները Facebook-ից օգտվողների նման վարքը համարելու են վիրավորանք միապետության հասցեին:
«Նա, ով Like կանի Facebook-ում Ձերդ գերազանցությանը վիրավորանք հասցնելու հետ կապված հոդվածների տակ, պետք է հեռացնի դրանք»,-հայտարարել է Թաիլանդի տեղեկատվական տեխնոլոգիաների նախարար Անուդիտ Նակորնտապը: |
«ԱրմենՏել» ընկերությունը կբացի համակարգչային ութ կենտրոն Հայաստանի մարզերում
|
«Armentel» ընկերությունը (ապրանքանիշը Beeline) «Beeline պայծառ դպրոց» ծրագրի շրջանակում Հայաստանի մարզային 8 դպրոցներին համակարգչային տեխնիկա է տրամադրել, իսկ նրանցից վեցին` նաեւ համակարգչային դասասենյակների նորոգման միջոցներ:
«ԱրմենՏելի» մամուլի ծառայությունից NEWS.am-ին հայտնում են, որ բարեգործական ծրագիրն իրականացվում է 2011թ-ի հունիսին ՀՀ Կրթության եւ գիտության նախարար Ա. Աշոտյանի եւ «ԱրմենՏել» ընկերության Գլխավոր տնօրեն Ի. Կլիմկոյի միջեւ ստորագրած համագործակցության հուշագրի շրջանակում:
«Beeline պայծառ դպրոց» նախագծի նպատակն է Հայաստանի հանրակրթական դպրոցների աջակցությունը` շենքային պայմանների բարելավման, բարձրակարգ Ինտերնետ-հասանելիության ապահովման, համակարգիչային դասարաններով եւ անհրաժեշտ տեխնիկայով հագեցնելու միջոցով:
...
Կարդալ շարունակությունը »
|
Firefox-ն այսուհետ կթարմացվի աննկատ
|
Mozilla-ի մշակող Էհսեն Էխգերին իր բլոգում գրում է, որ այսուհետ Firefox դիտարկչի թարմացումները կտեղադրվեն աննկատ, առանց օգտագործողի աշխատանքը խանգարելու և բացվող-փակվող պատուհանների:
Այս նոր հնարավորությունը հասանելի կլինի, հավանաբար, դիտարկչի 10-րդ տարբերակում: Նշենք, որ Google Chrome-ում թարմացումը կատարվում է ճիշտ այդպես՝ ֆոնային ռեժիմում: |
ՎիվաՍել-ՄՏՍ-ի հավատարիմ բաժանորդները ստացել են Google Nexus S սմարթֆոն
|
ՎիվաՍել-ՄՏՍ ընկերության գլխամասային գրասենյակում կայացած վիճակահանության արդյունքում ընկերության 30 հետվճարային բաժանորդ արժանացավ Google Nexus S սմարթֆոնի:
Իրականացված հատուկ ծրագրին մասնակցելու համար սահմանված էին հետևյալ չափանիշները. մասնակիցները պետք է լինեին «Կլասիկ», «Կլասիկ սոլո», «Կլասիկ ֆլեքսի» և կորպորատիվ սակագնային պլանների անհատական վճարող հետվճարային բաժանորդներ, որոնց` անցած երեք ամիսների (մարտից մինչև մայիս) ծառայությունների դիմաց կատարված ընդհանուր վճարը կազմել էր 10,000-18,000 ՀՀ դրամ, և հաջորդող երեք ամիսների (հունիս-սեպտեմբեր) ընթացքում ծառայությունների դիմաց կատարված ընդհանուր վճարն ավելացել էր 50 և ավելի տոկոսով:
Ծրագրի ավարտին մասնակիցների նախնական ցուցակից ծրագրի հիմնական չափանիշներին համապատասխանեց 1,662 բաժանորդ` անցնելով եզրափակիչ փուլ:
...
Կարդալ շարունակությունը »
|
Հրապարակվել են Սթիվ Ջոբսի նամակները
|
Amazon.com օնլայն խանութում են հայտնվել Steve Jobs-ի ու Apple-ի հաճախորդների նամակները: 5 դոլարի դիմաց կարելի է բեռնել «Նամակներ Սթիվին. Apple-ի հիմնադիր Սթիվ Ջոբսի փոստարկղը» Kindle-ֆայլը, որը կազմված է 67 էջից: Հրապարակողը Մարկ Միլանն է, ով ՏՏ հոդվածներ է գրում CNN-ում, իսկ ավելի վաղ՝ Los Angeles Times-ում:
Նամականին ներառում է մոտ 100 հաղորդագրություն, որոնք ուղարկվել են Ջոբսի կողմից, հաղորդում է Mashable.com-ը: Այս նամակների իսկությունը, սակայն, հանրավոր չէ ստուգել: Նամակների մեջ կարելի է գտնել Սթիվ Ջոբսի և Gizmodo-ի խմբագիր Բրայան Լեմի զրույցը: Նրանց ընկերությունը սկսվել է այն ժամանակ, երբ Apple-ը զգալի փոփոխություններ է մտցրել Gizmodo.com կայքում, սակայն միանգամից ընդհատվել է, երբ լրատվամիջոցը հրապարակել է iPhone 4-ի նախատիպը սմարթֆոնի թողարկումից ամիսներ առաջ:
Հիշեցնենք, որ «խնձորային» ընկերության հիմնադիրը հեռացել է կյանքից 2011-ի հոկտեմբերի 5-ին՝ 56 տարեկան հասակում: |
Մեծ զեղչեր՝ օնլայն խանութներում
|
ԱՄՆ-ում այսօր սկսում է տոնական զեղչերի շրջանը: Ավանդության համաձայն՝ այն կոչվում է «Սև ուրբաթ» (Black Friday), սակայն որոշ խանութներ սկսել են ակցիան մեկ օր առաջ՝ նոյեմբերի 24-ին: Մեծ զեղչեր են առաջարկում նաև օնլայն խանութները՝ Amazon-ը, eBay-ը և այլն:
Շատ կայքերում, օրինակ՝ ԱՄՆ-ի տեխնիկայի խանութների ամենամեծ ցանց bustbuy.com-ում զեղչով վաճառվող շատ ապրանքներ արդեն սպառվել են. օրինակ՝ iPad 2-ը (16 ԳԲ), որը սովորաբար արժե 499 դոլար, այսօր վաճառվում է 449 դոլար: Ինչ վերաբերում է համակարգիչներին, ապա դրանց զեղչերը հասնում են 80 տոկոսի. eBay-ում առաջարկվող զեղչված տեսականին դիտեք այստեղ:
Amazon օնլայն խանութում էլեկտրոնիկայի զեղչերին ծանոթացեք այստեղ. օրինակ՝ Canon PowerShot SX230HS 12 MP տեսախցիկը զեղչվել է 43% և արժե 199 դոլար: |
2012-ին համակարգիչը հնարավոր կլինի ղեկավարել ժեստերով (վիդեո)
|
2012-ին Microsoft ընկերությունը կներկայացնի Kinect խաղային համակարգի նոր տարբերակը, որը նախատեսված կլինի Windows օպերացիոն համակարգով աշխատող համակարգիչների համար: Այն թույլ կտա ղեկավարել համակարգիչը ձեռքի շարժումներով:
Սպասվում է, որ Kinect-ի համակարգչային տարբերակը կճանաչի շարժումները 50 սմ տարածության վրա. նշենք, որ խաղային տարբերակը թույլ է տալիս ժեստերով կառավարել սարքը 1,2 մետր հեռավորությունից:
Առաջին անգամ Kinect-ը ներկայացվել է 2009-ի հունիսի 1-ին, թողարկվել՝ 2010-ի նոյեմբերին. այն կցվում է Xbox 360 խաղային սարքին ու թույլ տալիս խաղալ ժեստերի ու ձայնային հրահանգների միջոցով:
...
Կարդալ շարունակությունը »
|
|
