3DNews-ի  բաժանորդագրություն
Շաբաթ, 21 September 2024
Գլխավոր » 2011 » Նոյեմբեր » 18 » ՏՏ Լրատվական, Տեղեկատվական Տեխնոլոգիաներ
«ԱրմենՏելը» կոչ է անում ակտիվ մասնակցել «Հեռուստամարաթոն 2011»-ին
«ԱրմենՏել» ընկերությունը (ապրանքանիշը Beeline) կոչ է անում իր բաժանորդներին ակտիվ մասնակցել «Հայաստան» համահայկական հիմնադրամի կողմից կազմակերպված ամենամյա հեռուստամարաթոնին: Բարեգործական այս միջոցառմանը կարելի է մասնակցել ֆիքսված կամ բջջային հեռախոսից զանգահարելով 090008000 համարին կամ ուղարկել կարճ հաղորդագրություն 7733 համարին:

«Armentel» մամուլի ծառայությունից NEWS.am-ին հայտնում են, որ ընկերության բաժանորդների նվիրատվությունն ընկերությունն ամբողջությամբ կփոխանցի «Հայաստան» համահայկական հիմնադրամին:

«Հեռուստամարաթոն 2011»-ն այս տարի անցկացվում է «Ջուր պարգեւիր, կյանք նվիրիր» կարգախոսի ներքո: «Հայաստան» համահայկական հիմնադրամի հոգեբարձուների խորհրդի որոշմամբ այս տարի հավաքագրված բոլոր միջոցները կուղղվեն Լեռնային Ղարաբաղի գյուղական համայնքների ջրամատակարարման խնդիրների լուծմանը, ինչպես նաեւ Հայաստանի եւ Արցախի գյուղերի զարգացմանն ուղղված միջոցառումների իրականացմանը:

Նշենք որ, 2010թ-ին հավաքագրված միջոցներով իրականացվել են աշխատանքներ բարելավելու ջրամատակարարումը Ստեփանակերտում, Մարտունիում, Շուշիում, Բերդաձորում եւ Լեռնային Ղարաբաղի մի շարք գյուղական համայնքներում: Նման աշխատանքներ տարվել են նաեւ Հայաստանի Հանրապետությունում` մասնավորապես Տավուշի մարզի Վազաշեն եւ Այգեհովիտ համայնքներում:
Հավանել նորությունը
«+8» - հավանությունների քանակ
Դիտումներ: 315 | Ավելացրել է: 3DNewscomm | Հայտնի տեգեր: 7733, Armentel, արմենտել, News.am, beeline, 090008000 | Գնահատական: 1.5/8 | Ավելացվել է: 18 November 2011, 22:00
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]