Firefox-ի մշակողները կթողարկեն սեփական օպերացիոն համակարգը 2012թ. (ֆոտո)
|
Mozilla-ն այժմ փորձարկում է Boot 2 Gecko-ն՝ իր նոր բջջային օպերացիոն համակարգը: Այն պատրաստ կլինի թողարկման 2012-ի առաջին եռամսյակում: Հաղորդում է HotHardware-ը:
Boot 2 Gecko-ն (B2G) բաց ելքային կոդով համակարգ է, որը կտեղադրվի հեռախոսի մեջ անմիջապես դիտարկչից:
Շուտով մշակողները կթողարկեն ՕՀ-ի առաջին փորձնական տարբերակը, իսկ պաշտոնական դեմո-տարբերակը պատրաստ կլինի 2012-ի սկզբին: Նոր ՕՀ-ն ընդհանուր առմամբ նման է Chrome ՕՀ-ին, քանի որ բոլոր գործողությունները կատարվում են դիտարկչում: Սակայն եթե Chrome ՕՀ-ում օգտագործվում է համանուն դիտարկիչը, ապա B2G-ում՝ Firefox-ում օգտագործվող Gecko շարժիչը:
Նոր ՕՀ-ը նախատեսված է բացառապես սմարթֆոնների ու պլանշետային համակարգիչների համար: Ներկա պահին Mozilla-ի մշակողներն աշխատում են հավելվածների ստեղծման, ինչպես նաև B2G-ն Android-սարքերի հետ համատեղելի դարձնելու վրա:
...
Կարդալ շարունակությունը »
|
Ցանցում ամեն ինչ պատրաստ է մամուլի համար
|
« Ըստ ռեյթինգների՝ հեռուստացույցով ամենադիտվողները հիմնականում սերիալներն են, իսկ հայկական ցանցում՝ լրատվականները »
Հայկական ցանցն աճում է: Քանակն արդեն իսկ ակնհայտ որակային փոփոխություններ է կրում մեդիա-դաշտում:
Ցանցից օգտվողների թվի աճը արդեն հասել է նրան, որ ինտերնետը դարձել է շուկա՝ իր բոլոր պարագաներով։ Նմանապես կարելի է ասել, որ ցանցային մամուլի համար տնտեսապես անկախ եւ ազդեցիկ ԶԼՄ-ների ստեղծման ներուժ է ձեւավորվել (կստացվի, թե ոչ, սա ավելի շատ պայմանավորված կլինի հասարակական-քաղաքական պատճառներով, քան զուտ ցանցի զարգացումներով):
Համացանցի սրընթաց աճը կարելի է տեսնել նաեւ թվաբանորեն:
...
Կարդալ շարունակությունը »
|
Տղամարդկանց ավելի հեշտ է խաբել սոցցանցերում, քան կանանց. հետազոտություն
|
Երբ խոսքը գնում է սոցցանցերի մասին, տղամարդիկ ավելի միամիտ են գտնվում, քան կանայք: Այսպիսի եզրահանգման են եկել հակավիրուսային ծրագրային ապահովում մշակող BitDefender ընկերության մասնագետները:
ԱՄՆ-ում ու Մեծ Բրիտանիայում անցկացվել է հարցում, որին մասնակցել են 1500 ինտերնետ օգտագործողներ: Պարզվել է, որ տղամարդիկ ավելի անզգույշ են և անտեսում են անվտանգության կարգավորումները, երբ, օրինակ, Facebook-ում ծանոթանում են «չքնաղ գեղեցկուհու» հետ: Գրում է The Daily Mail-ը:
Անծանոթների կողմից ուղարկված ընկերական հրավերը մերժել է կանանց 64,2%-ն ու տղամարդկանց միայն 55,4%-ը: Բացի այդ՝ տղամարդիկ ավելի հակված են ընդունել այն կանանց ընկերանալու հրավերները, որոնք ունեն գրավիչ նկար:
...
Կարդալ շարունակությունը »
|
iOS-ի թարմացումը չլուծեց iPhone-ի մարտկոցի խնդիրը
|
Թեև Apple-ը թողարկեց iOS 5.0.1 տարբերակը, այն չլուծեց iPhone 4S-ի մարտկոցի խնդիրը, որը չափից դուրս արագ է սպառվում: Հաղորդում է 9to5mac-ը:
Շատ օգտագործողներ շարունակում են բողոքել Apple-ի տեխնիկական աջակցության կայքում: Մարտկոցի խնդրի մասին թեման պարունակում է արդեն 4,2 հազ. հաղորդագրություն: Ընդ որում՝ այս խնդրի առաջ են կանգնել ոչ միայն iPhone 4S, այլև ավելի հին մոդելներ օգտագործողները, ովքեր իրենց սմարթֆոնում տեղադրել են iOS 5 օպերացիոն համակարգը:
Ավելի վաղ Apple-ը հայտարարել էր, որ խնդիրը ծրագրային ապահովման մեջ է, որի սխալների պատճառով սմարթֆոնն ավելի շատ էներգիա է ծախսում, քան անհրաժեշտ է:
iOS 5.0.1-ը առաջին թարմացումն է, որը հնարավոր է տեղադրել iPhone-ում wi-fi կապի միջոցով ու առանց iTunes ծրագրի: |
Android նախագիծը ստեղծվել է ավելի վաղ, քան iPhone-ը. Էրիկ Շմիդտ
|
Այն, որը Սթիվ Ջոբսն այնքան էլ չէր «սիրում» Android-ը, գաղտնիք չէր, սակայն վերջերս լույս տեսած նրա կենսագրությունը (կենսագիր՝ Ուոլտեր Այզեքսոն) նոր մանրամասներ է բացահայտում:
«Ես կծախսեմ ինձ պատկանող 40 մլրդ դոլարի ամեն ցենտը, միայն թե կարողանամ վերականգնել արդարությունը: Պատրաստվում եմ ոչնչացնել Android-ը, քանի որ այն գողացված համակարգ է»,-ասել է Ջոբսը Այզեքսոնին:
Google-ի տնօրենների խորհրդի նախագահ Էրիկ Շմիդտն, ով երբեք հրապարակայնորեն չի մեկնաբանել այս հայտարարությունը, Կորեա կատարած այցի ընթացքում լրագրողների հետ կիսվել է այս թեմայի շուրջ: Հաղորդում է CNET-ը:
...
Կարդալ շարունակությունը »
|
Երեւանում բացվել է տարածաշրջանի տեխնիկայի վաճառքի ամենամեծ սրահը (ֆոտո)
|
Երեւանում տեխնիկայի նոր խանութ է բացվել, որն ավելի շատ վաճառքի ցուցասրահի է նման, քան սովորական խանութի։ Նորաբաց տեխնիկայի վաճառքի կենտրոնը ամենամեծն է Հայաստանում եւ տարածաշրջանում. զբաղեցնում է ընդհանուր առմամբ 2000 քմ տարածք։ Բայց տպավորիչը ոչ թե խանութի տարածքն է, այլ արտաքին ու ներքին ձեւավորումը։ Վաճառքի կենտրոնում դինզայներական լուրջ աշխատանք է արված, ու ստեղծված են պայմաններ, որպեսզի հաճախորդը, այսինքն՝ պոտենցիալ գնորդը, չշտապի խանութից դուրս գալ։ Նորաբաց կենտրոնը պատկանում է «ԱՐԱՅ» ընկերությանը, սակայն ոչ մի ընդհանրություն չունի «ԱՐԱՅ»-ի խանութների ցանիցի դիզայնի հետ, ոչ արտաքին ոչ ներքին հարդարմամբ։ Նույնիսկ «ԱՐԱՅ» ապրանքանիշի հայտնի գույներն են բացակայում։ «ՏեխնոԼայֆ»-ում (TechnoLife) ի տարբերություն «ԱՐԱՅ»-ի կարմիրի ու սպիտակի, հիմնական գույները մուգ կապույտն է, սպատակն ու բաց կապույտը։
«ՏեխնոԼայֆը» տարբերվելու է Հայաստանի տեխնիկայի մյուս վաճառքի կենտրոններից առաջին հերթին սպասարկման բարձր որակով։ Խանութը բացելիս մենք նպատակ ունեինք նոր ոճ, սպասարկման նոր որակ ապահովել,
...
Կարդալ շարունակությունը »
|
Սթիվ Վոզնյակի պատվին Երեւանի կամերային տանը համերգ էր կազմակերպվել
|
«Apple Computer» կորպորացիայի համահիմնադիր Սթիվ Վոզնյակի պատվին Երեւանի կամերային տանը նոյեմբերի 11-ին համերգ էր կազմակերպվել։ Վոզնյակը համերգին ժամանեց տիկնոջ՝ Ջանեթ Վոզնյակի, «Սինոփսիս» ընկերության փոխնախագահ Ռիչ Գոլդմանի, «Սինոփսիս Հայաստան» ընկերության տնօրեն, Հայաստանի հանրային խորհրդի անդամ Հովիկ Մուսաելյանի ուղեկցությամբ։ Կամերային նվագախմբի երգացանկում էին Կոմիտասի եւ արտասահմանյան հեղինակների ստեղծագործություններ։ Նվագախմբի ելույթը եւ հատկապես հայկական ստեղծագործությունները տեր եւ տիկին Վոզնյակներին դուր եկան։
Նշենք, որ այս տարի ՏՏ ոլորտում համաշխարհային ներդրման համար Հայաստանի նախագահի սահմանած մրցանակի հաղթող է ճանաչվել Սթիվ Վոզնյակը, որին հանդիսավոր պայմաններում մրցանակը շնորհել է Հայաստանի նախագահ Սերժ Սարգսյանը։
...
Կարդալ շարունակությունը »
|
Գիտնականներն աշխատում են տիեզերքից առանց լարի էլեկտրականություն երկիր փոխանցելու ուղղությամբ
|
Ճապոնացի գիտնականներն աշխատում են տիեզերական էլեկտրակայանի նախագծի վրա, որը թույլ կտա տիեզերքից էներգիա հասցնել երկիր:
Ինչպես գրում է «Վեստի.ռու»-ն, առայժմ իրականացվում են կայանի վերերկրյա փորձարկումները, որի համար անվտանգ եւ էկոլոգիապես մաքուր էներգիայի աղբյուր է լինելու արեգակը: Էլեկտրականությունը Երկիր փոխանցվելու է բացառիկ անլար տեխնոլոգիայով: Եթե Կիոտոյի համալսարանի գիտնականների հաշվարկները ճշգրիտ են, ապա մի քանի տարի անց ուղեծրում կհայտնվի առաջին էներգաբլոկը, որը հավաքելու է արեգակի էներգիան եւ փոխանցելու է երկիր` որպես արբանյակային ազդանշան:
Ներկայումս գիտնականները պատրաստվում են փորձարկումներ իրականացնել նոր` տիեզերական մակարդակում: Փորձարարական արբանյակի բացթողումը կարող է իրականացվել 5 տարվա ընթացքում: Նախագծի վերջնական նպատակը Լուսնի վրա հզոր էներգետիկ համալիրի ստեղծումն է, որտեղից Երկիր կարող է էներգիայի անսպառ հոսք փոխանցվել: |
Սերժ Սարգսյան. Սթիվ Վոզնյակի օրինակը ոգեշնչելու է հայ ընտանիքներին` խրախուսելու իրենց զավակների ուսումը
|
Հայաստանի նախագահ Սերժ Սարգսյանն այսօր` նոյեմբերի 11-ին, ընդունել է «Էփլ Քոմփյութեր» կորպորացիայի համահիմնադիր, ՏՏ ոլորտում համաշխարհային ներդրման համար Հայաստանի նախագահի 2011 թվականի մրցանակին արժանացած Սթիվ Վոզնյակին, որի ժամանակ տեղի է ունեցել մրցանակի հանձնման արարողությունը:
Նախագահի մամուլի գրասենյակից NEWS.am-ին հայտնում են, որ մրցանակի հանձնման առիթով տեղի ունեցած ընդունելության ժամանակ Սերժ Սարգսյանը հանդես է եկել ելույթով:
Նա իր ելույթում, մասնավորապես, ասել է.
«Լուրերի հոսքին հետեւողները, անգամ նրանք, ովքեր չեն կիրառում իրենց առօրյա կյանքում տեղեկատվական տեխնոլոգիաների միջոցները, շատ լավ գիտեն, թե ով է Սթիվ Վոզնյակը եւ ինչ դերակատարում է ունեցել: Նա այն մարդն է, ով հեղափոխեց աշխարհը` նախաձեռնելով առաջին անհատական համակարգիչների ստեղծումը:
...
Կարդալ շարունակությունը »
|
Orange-ը Հայաստանում վաճառքի է հանել iPhone 4S-ը
|
«Օրանժ Արմենիա» ընկերությունը, որը Հայաստանում Apple ընկերության միակ պաշտոնական ներկայացուցիչն է, այսօր` նոյեմբերի 11-ին, Երեւանի իր խանութում ներկայացրել է iPhone 4S-ը:
«Օրանժ Արմենիա»-ի գլխավոր տնօրեն Բրունո Դյութուան նշել է, որ Հայաստանում iPhone 4S-ի վաճառքը մեկնարկի համար խորհրդանշական օր է ընտրվել` 11.11.11-ին:
Նշենք, որ iPhone 4S-ի վաճառքն աշխարհում սկսվել է հոկտեմբերի 14-ին, ԱՄՆ-ում: Այն ներկայումս վաճառվում է աշխարհի 29 երկրներում, սակայն մինչեւ տարեվերջ այդպիսի երկրների թիվը կհասնի 70-ի: |
|
