Ճապոնական սուպերհամակարգիչը գերազանցել է վայրկյանում հաշվարկների արագության իր իսկ ռեկորդը
|
Ճապոնական Riken պետական գիտահետազոտական ինստիտուտի «K» սուպերհամակարգիչը, որը ստեղծվել է Fujitsu-ի մասնակցությամբ, գերազանցել է արագագործության իր իսկ ռեկորդը: Այն հասել է 10,51 պետաֆլոպս վայրկյանում:
Ինչպես հաղորդում է «ԻՏԱՌ-ՏԱՍՍ»-ը, համակարգիչը զբաղեցնում է 864 շինություն եւ կազմված է 88 հազար պրոցեսորներից:
Նշենք, որ նախորդ համաշխարհային ռեկորդը (8,16 պետաֆլոպս) նույնպես պատկանում է «K» համակարգչին: |
Facebook-ից գողացել են 250գբ ծավալով անձնական տվյալներ
|
«Հաքերային» խումբը հարձակում է գործել աշխարհի ամենամեծ սոցցանցի՝ Facebook-ի վրա ու գողացել օգտագործողների անձնական տվյալները:
Հարձակումն իրականացվել է ոչ թե ինչ-որ չարագործների, այլ Բրիտանական Կոլումբիայի համալսարանի (Վանկուվեր, Կանադա) համակարգչային անվտանգության մասնագետների կողմից:
Նրանք մշակել են մի ծրագիր, որը կարողանում է ինքնուրույն գրանցվել սոցցանցում, նկարներ ու կարգավիճակներ տեղադրել այնպես, որ տպավորություն ստեղծվի, թե իրական մարդ է օգտագործողը:
...
Կարդալ շարունակությունը »
|
Facebook-յան մեկնաբանության պատճառով աշխատանքից հեռացվել է Apple –ի աշխատակիցը
|
Apple ընկերությունը հեռացրել է աշխատանքից իր բրիտանական խանութներից մեկի աշխատակցին, ով ընկերության հասցեին մի քանի բացասական մեկնաբանություններ է արել Facebook սոցցանցում: Հաղորդում է Cnet-ը:
Աշխատակիցը մեկնաբանություններ է կատարել ոչ աշխատանքային ժամերին և հրապարակել է դրանք՝ որպես անձնական կարծիք, սակայն սա հաշվի չի առնվել:
Apple-ը խիստ կանոնակարգ ունի, հատկապես եթե դա վերաբերում է աշխատակիցների կողմից ընկերության հասցեին արված բացասական կարծիքներին: Այժմ աշխատանքից ազատված բրիտանացին դիմել է դատարան՝ հայտարարելով, որ իրեն անարդարացի կերպով են ազատել աշխատանքից: Սակայն դատարանը չի փոխել ընկերության որոշումը՝ ելնելով նրանից, որ Apple-ը խիստ կանոններ ունի սոցցանցերի վերաբերյալ:
...
Կարդալ շարունակությունը »
|
iPhone 4S-ի պաշտոնական վաճառքը Հայաստանում կմեկնարկի նոյեմբերի 11-ին
|
iPhone 4S-ը նոյեմբերի 11-ին վաճառքի դուրս կգա ևս 15 երկրներում, որոնց թվում է նաև Հայաստանը: Այս մասին հաղորդել է Apple ընկերությունը:
Սմարթֆոնի համաշխարհային վաճառքը մեկնարկել է հոկտեմբերի 14-ին, իսկ առաջին երեք օրվա ընթացքում ընկերությունը հասցրել է իրացնել iPhone 4S-ի ավելի քան 4 միլիոն օրինակ՝ սահմանելով ռեկորդ: |
«ԱրմենՏել»-ը հայտարարել է Հայաստանում ինտերնետի զարգացման նոր ռազմավարության մասին
|
«ԱրմենՏել» ՓԲԸ (ապրանքանիշը Beeline) հայտարարում է Հայաստանում ինտերնետի զարգացման նոր ռազմավարություն սկսելու մասին, որն այսօր` նոյեմբերի 2-ին, մամուլի ասուլիսում ներկայացվել է «ԱրմենՏել» ընկերության ղեկավարության կողմից:
«Այն ժամանակ, երբ ինտերնետը համարվում էր շքեղություն, տրամաբանական էր խոսել ինտերնետին միանալու տարբերակների մասին: Ներկայումս այս վիճակն էականորեն փոխվել է դեպի լավը, եւ սպառողին հետաքրքիր չէ, թե օպերատորն ինչ տեխնոլոգիաներ է կիրառում. գլխավորն այն է, որ արտադրանքը լինի մաքսիմալ որակյալ եւ համապատասխանի գրպանին: Մեր ռազմավարության հետագա զարգացման ընթացքում մենք կենտրոնանալու ենք հենց այս գաղափարի վրա: Երկրի խոշորագույն միասնական օպերատորն այսօրվանից ի վեր անցում է կատարում «ինտերնետ տեխնոլոգիաների միջոցով» հասկացությունից «ինտերնետը մարդու համար» հասկացությանը: Մեր տեսանկյունից «ինտերնետ մարդու համար» գաղափարը սպառողական արտադրանք է, որի չափանիշները եւ որակը կախված չեն տեխնոլոգիաներից, այլ հիմնված են պահանջարկի վրա», - նշել է «ԱրմենՏել» ՓԲԸ Գլխավոր տնօ
...
Կարդալ շարունակությունը »
|
Արցախում ընթանում է համակարգչային խաղերի առաջին առաջնությունը
|
Նոյեմբերի 1-ին Ստեփանակերտում մեկնարկել է տարածքում նախադեպը չունեցող համակարգչային խաղերի առաջնությունը, որը կազմակերպվել է Ղարաբաղ Տելեկոմի կողմից: Մրցակցությունն ընթանում է ինչպես թիմային, այնպես էլ անհատական կարգով: Խաղերը կտևեն 4 օր, և հաղթողները կպարգևատրվեն տարբեր նվերներով:
Անհատական կատեգորիայում 1-ին տեղ զբաղեցնողը կստանա ժամանակակից նեթբուք և 1 Մբիտ/վրկ աարագությամբ ինտերնետից մեկ տարի անվճար օգտվելու փաթեթ, 2-րդ տեղի համար` 512 Կբիտ/վրկ, իսկ 3-րդ տեղի համար` 256 Կբիտ/վրկ աարագությամբ ինտերնետի տարեկան փաթեթներ:
...
Կարդալ շարունակությունը »
|
Սեմինար Թումոյում. «Ինչ է 3D պրոյեկցիան»
|
3D նկարիչ և մուլտիմեդիա դիզայներ Լորիս Մովսիսյանը, ով Երևան է ժամանել Նիդերլանդներից, նոյեմբերի 4-ին՝ ժամը 14:00-ին, Թումո ստեղծարար տեխնոլոգիաների կենտրոնում կվարի «Ինչ է 3D պրոյեկցիան» թեմայով դասախոսություն:
Ինչպես տեղեկացնում են կենտրոնից, սեմինարի մուտքն ազատ կլինի բոլոր ցանկացողների համար:
Նշենք, որ Լորիս Մովսիսյանն անմիջական մասնակցություն է ունեցել Թումոյի բացման եռաչափ պրոյեկցիայի աշխատանքներին:
Թումոն ծառայում է իբրև բաց ստուդիա հայ դեռահասների համար, որտեղ նրանք ստեղծագործում են և իրականացնում իրենց իսկ նախագծերը:
...
Կարդալ շարունակությունը »
|
Google-ի մոբայլ բրաուզերն առաջ է անցել Opera Mini-ից
|
Google-ի մոբայլ բրաուզերը, որն օգտագործվում է ОS Android-ի բոլոր սարքավորումների հետ, շուկայում արձանագրած ժողովրդականությամբ առաջ է անցել Opera Mini-ց:
Ինչպես փոխանցում է Lenta.ru-ն` վկայակոչելով բրիտանական Net Applications ընկերության հաշվետվությանը, Google- բրաուզերի մասնաբաժինը կազմել է 18,7%, Opera Mini-նը` 13,1%:
Նշենք, որ մոբայլ բրաուզերների շարքում առավել մեծ ժողովրդականություն է վայելում Apple-ի Safari-ին, որը կիրառվում է iPhone սմարթֆոններում, iPad պլանշետներեում եւ iPod touch-ում: Այս բրաուզերի վարկանիշը 62,2% է: |
|
