Թողարկվել է iTetr Armenian Keyboard հավելվածի թարմացումը
|
FunCraft ընկերությունը թողարկել է iTetr Armenian Keyboard-ի թարմացումը, որն անվճար հասանելի կլինի այն օգտագործողներին, ովքեր արդեն գնել են հավելվածի նախորդ տարբերակը: iTetr-ը, որը թույլ է տալիս հայերեն գրել iPhone, iPad և iPod Touch սարքերով, կարելի է թարմացնել AppStore հավելվածների խանութում:
FunCraft-ից տեղեկացնում են, որ iTetr 1.7 տարբերակն անդրադարձել է օգտատերերի առաջարկների մեծ մասին, ինչպես նաև թույլ է տալիս հավաքած տեքստը անմիջապես տեղադրել Facebook սոցիալական ցանցում:
Հավելվածում օգտագործվում է ամենահաճախ կիրառվող Phonetic դասավորվածությունը.
...
Կարդալ շարունակությունը »
|
Facebook-ը կվերադարձնի լրահոսի նախկին ձևը
|
Facebook սոցցանցն ընդլայնել է լրահոսի (News feed) հնարավորություններն՝ ավելացնելով նոր ֆունկցիա: Այսուհետ օգտագործողը կկարողանա վերադարձնել ընկերների ակտիվության պատկերման նախկին ձևը (ըստ ժամանակագրային հաջորդականության): Հաղորդում է Facebook-ի բլոգը:
Շուտով սոցցանցի օգտագործողները լրահոսի վերևում կտեսնեն Sort (դասակարգել) կոճակը, որը սեղմելու դեպքում հնարավոր կլինի ընտրել Recent Stories-ը (վերջին գրառումներ) կամ սկզբում ամենահայտնի ու քննարկվող, այնուհետև ամենաթարմ գրառումները (Highlighted Stories):
Facebook-ը փոփոխեց լրահոսը սեպտեմբերին, սակայն նորամուծությունը մեծ քննադատության արժանացավ օգտագործողների կողմից: Facebook-ն աշխարհի ամենամեծ սոցցանցն է, որն ամբողջ աշխարհում ունի ավելի քան 800 միլիոն, իսկ Հայաստանում՝ 220 հազ. օգտագործող: |
HTC Ville. iPhone-ից ավելի բարակ ու ոչ մի կոճակ
|
Ցանցում են հայտնվել HTC-ի հերթական սմարթֆոնի մասին տեղեկություններ: Ընկերությունն այս անգամ պատրաստվում է թողարկել երկմիջուկ Ville մոդելը, որի պատյանի հաստությունն 8 մմ է: Սարքը յուրահատուկ է նրանով, որ չունի ոչ մի շոշափելի կոճակ, կառավարումը կատարվում է միայն սենսորային էկրանի միջոցով:
BGR-ն գրում է, որ սմարթֆոնն ունի 4,3 դյույմանոց qHD Super AMOLED էկրան, 1,5 հաճախությամբ Snapdragon S4 պրոցեսոր և 8 մպ տեսախցիկ: Սարքը կաշխատի նորագույն Google Android 4.0 (Ice Cream Sandwich) օպերացիոն համակարգով: Հայտնի է նաև, որ հեռախոսը համալրված կլինի Beats Audio նոր տեխնոլոգիայով, որն ապահովում է ձայնի ավելի բարձր որակ:
Ինչպես HTC Edge-ը, Ville-ն կնկարի 1080p թույլատրությամբ հոլովակներ: Սպասվում է, որ այս մոդելը կցուցադրվի Mobile World Congress (MWC) 2012 ցուցահանդեսին, որը կկայանա փետրվարի 27-ին Բարսելոնայում: Թե ինչ գնային սանդղակում կլինի սմարթֆոնը, չի հաղորդվում: |
Microsoft-ը կթողարկի համակարգիչ՝ աղքատ ընտանիքների համար
|
Microsoft-ը ցանկանում է իր ուժերը փորձել մատչելի համակարգիչների շուկայում: 2012-ին ընկերությունը կթողարկի համակարգիչներ, որոնք նախատեսված կլինեն ցածր եկամուտ ունեցող ընտանիքների համար: Դրանք կարժենան ոչ ավել, քան 250 դոլար:
Սա կիրականացվի Connect to Compete նախաձեռնության շրջանակներում, որի նպատակն է ԱՄՆ-ի աղքատ ընտանիքներին ապահովել համակարգիչներով և ինտերնետով:
Business Insider-ը գրում է, որ Microsoft-ը վաճառքի կհանի բոլորովին նոր համակարգիչներ, ընդ որում՝ օգտագործողները ստիպված չեն լինի վճարել Windows օպերացիոն համակարգի ու Microsoft Office-ի դիմաց: Թե ինչ տեխնիկական տվյալներ կունենան համակարգիչները, չի հաղորդվում: |
Google-ը տոնում է Ֆյոդոր Դոստոեւսկու 190-ամյակը
|
11.11.11 մոգական օրը Google-ի ավանդական լոգոտիպը փոխարինվել էր տոնականով` ի պատիվ Ֆյոդոր Դոստոեւսկու 190-ամյակի:
Ֆյոդոր Միխայիլովիչ Դոստոեւսկին ծնվել է 1821թ. հոկտեմբերի 30-ին (նոյեմբերի 11-ին): 1837թ. 16 տարեկան հասակում կորցրել է մորը, եւ հայրը երկու որդիներին` Ֆյոդորին եւ Միխայիլին ուղարկել է Պետերբուրգի Կ.Ֆ. Կոստոմարովի ապաստարան:
1837թ. Ֆյոդորն ընդունվել է Գլխավոր ինժեներական ուսումնարան: 1839թ. հոր սպանության լուրն է ստացել: Դոստոեւսկին մասնակցել է Բելինսկու խմբակի աշխատանքներին: 1844թ. լույս է տեսել նրա առաջին ստեղծագործությունը` «Խեղճ մարդիկ», եւ նա միանգամից հայտնի է դարձել: բայց նրա հաջորդ գիրքը`
...
Կարդալ շարունակությունը »
|
Չինաստանում կախարդական օրվա` 11.11.11-ի կապակցությամբ ցուցադրել են ամենամեծ 3D նկարը
|
Չինաստանում ստեղծվել է ամենամեծ եռաչափ նկարը ասֆալտի վրա. այդպես են այս երկրում նշել «բոլոր մեկերի օրը»` 11.11.11:
Հսկայական 3D նկարը, որն ընդգրկում է 1111 քառակուսի մետր տարածք, հայտնվել է Շանհայում, հենց ասֆալտի վրա, հաղորդում է China Daily-ը: Նկարն արդեն հասցրել են գրանցել Գինեսի ռեկորդների գրքում որպես ամենամեծ 3D նկարը. դրա չափերը են 50 մետրը 22,22-ի վրա:
CNN-ը հաղորդում է, որ պատկերում ներկայացված է Շանհայի առեւտրական կենտրոններից մեկի գովազդն է, որն էժան գնով սկսում է ապրանքներ վաճառել նոյեմբերի 11-ին` կապված անսովոր ամսաթվի հետ:
ԱՄՆ-ում հյուրանոցային ցանցերը սկսել են զեղչեր առաջարկել նրանց, ովքեր ցանկանում են
...
Կարդալ շարունակությունը »
|
Սթիվ Վոզնյակը հայ ուսանողներին. Հաջողության հասնելու համար նախեւառաջ դուք ինքներդ պետք է հավատաք ձեր ուժերին (ֆոտո)
|
«Apple Computer» կորպորոացիայի համահիմնադիր Սթիվ Վոզնյակի եւ հայաստանցի ուսանողների հետ հանդիպմանը «ասեղ գցելու տեղ չկար» (ֆոտոռեպորտաժ)։ Դահլիճը լեփ-լեցուն էր մասնակիցներով։ Հանդիպմանը ներկա էին ուսանողներ Երեւանի գրեթե բոլոր բուհերից։ Ապագա ծրագրավորողներից բացի, կենդանի լեգենդի հետ հանդիպման էին շտապել նույնիսկ հումանիտար գիտություններ ուսումնասիրողները, քանի որ նրանցից շատերը «Apple» ապրանքանիշի սիրահարներ էին։
Հանդիպումը տեւեց մոտ 2 ժամ, որի ընթացքում Վոզնյակն անդրադարձավ իր կենսագրությանը, ու հատկապես «Apple Computer»-ի ստեղծման պատմությանը։ «Հաջողության հասնելու համար նախեւառաջ դուք ինքներդ պետք է հավատաք ձեր ուժերին։ Վստահեք ձեզ, եւ մի հիասթափվեք դժվարությունների դեպքում։ Երբ ես ու Սթիվ Ջոբսը սկսեցինք մեր գործը, չունեինք ոչ հարուստ հովանավորներ, ոչ մեծ գումարներ։ Մենք պարզապես հավատում էինք, որ մեր աշխատանքը կարեւոր է, ու շատ պահանջկոտ էինք մեր ստեղծածի նկատմամբ։ Նույնը նաեւ ձեզ կարող եմ խորհուրդ տալ։ Հավատացեք ձեր ուժերին»,- ասաց նա՝ հայ ուսանողների հետ հաջողությա
...
Կարդալ շարունակությունը »
|
Facebook-ը պատրաստ է հարցնել օգտվողների թույլտվությունը նոր մասնավոր կարգավորումների համար
|
Facebook սոցիալական ցանցը պատրաստ է հարցնել օգտվողների թույլտվությունը նոր մասնավոր կարգավորումների համար մինչեւ դրանք կկիրառվեն, ինչպես որ դա պահանջում է ԱՄՆ-ի Դաշնային առեւտրական հանձանաժողովը (FTC): Այդ մասին հաղորդում է The Wall Street Journal-ը:
Facebook սոցիալական ցանցը բազմիցս ենթարկվել է քննադատության այն բանի համար, որ ավտոմատ կերպով մասնավոր բնույթի նոր կարգավորումներ է մտցնում եւ անհրաժեշտ կերպով չի տեղեկացնում օգտվողներին, թե ով կարող է մուտք ունենալ նրանց էջերի տեղեկություններին:
Էջի տերը այժմ կարող է փոփոխել կամ անջատել մասնավորության ֆունկցիաները, դրանց ներմուծումից հետո (opt-out համակարգը): Սակայն FTC-ի պահանջն այն է, որ օգտվողը պետք է առաջին հերթին ծանոթանա նոր գործառույթների աշխատանքի ֆունկցիաներին եւ միայն դրանից հետո որոշի միացնել դրանք թե ոչ (opt-in համակարգը):
Կողմերի միջեւ բանակցությունները սկսվեցին այն բանից հետո, երբ մի խումբ ակտիվիստներ 2009-ի դեկտեմբերին Facebook-ի դեմ բողոքի դիմում էին ներկայացրել FTC-ին: Սոցիալական ցան
...
Կարդալ շարունակությունը »
|
Ջրհեղեղը Թաիլանդում կավելացնի համակարգչի գները
|
Համակարգիչներն առաջիկայում կարող են թանկանալ Թաիլանդում տեղի ունեցած ջրհեղեղների պատճառով, կարծում են International Data Corporation (IDC) ընկերության փորձագետները:
Թաիլանդում է արտադրվում համակարգչային մասերի զգալի մասը, եւ, նրանց գնահատականներով, անհատական համակրգիչների առաքումները կկրճատվի ավելի քան 20 տոկոսով:
Թաիլանդում էին արտադրվում կոշտ սկավառակների 40-45 տոկոսը: Նոյեմբերի սկզբին Թայլանդի արտադրական հնարավորությունների գրեթե կեսը դուրս է եկել շարքից, իսկ մյուսները աշխատում են խափանումներով: Ոլորտին հասցված վնասը հնարավոր է գնահատել միայն ջրի հետքաշումից հետո, բայց ակնհայտ է, որ կոշտ սկավառակների դեֆիցիտ է նկատվելու, ինչն էլ կհանգեցնի գնաճի:
2012թ. հունիսին գները կկարգավորվեն, իսկ երկրորդ կեսին կլինեն նորմային մոտ: Թայլանդում արտադրված կոշտ սկավառակներն են օգտագործում Acer, Samsung, Western Digital, Lenovo, Asustek եւ Segate ընկերությունները: |
Տիգրան Սարգսյանը Սթիվ Վոզնյակի հետ քննարկել է աշխարհում ՏՏ ոլորտի հեռանկարները
|
Հայաստանի վարչապետ Տիգրան Սարգսյանն այսօր` նոյեմբերի 11-ին, կառավարությունում ընդունել է «Apple computer» կորպորացիայի համահիմնադիր Սթիվ Վոզնյակին եւ նրա հետ քննարկել ՏՏ ոլորտում աշխարհում տեղի ունեցող զարգացումները:
Կառավարության մամուլի ծառայությունից NEWS.am-ին հայտնում են, որ վարչապետը ողջունելով հյուրին կառավարությունում՝ շնորհակալություն է հայտնել նրան Հայաստան կատարած այցելության համար:
Հանդիպման ընթացքում զրուցակիները մտքեր են փոխանակել տեղեկատվական տեխնոլոգիաների ոլորտում աշխարհում տեղի ունեցող զարգացումների եւ հեռանկարների, ինչպես նաեւ երկկողմ համագործակցության վերաբերյալ:
«Apple computer» կորպորացիայի համահիմնադիրը Հայաստանից ստացած իր տպավորություններն է ներկայացրել վարչապետին՝ նշելով, որ հիացած է մեր երկրով եւ նրա քաղաքակրթությամբ:
Սթիվ Վոզնյակը Հայաստանում է գտնվում ՏՏ ոլորտում համաշխարհային ներդրման համար Հայաստանի Հանրապետության Նախագահի մրցանակը ստանալու նպատակով: |
Սթիվ Վոզնյակը Երեւանում. նա վախեցրել է հյուրանոցի անձնակազմին եւ շրջել սեգվեյով
|
Apple կորպորացիայի համահիմնադիր Սթիվ Վոզնյակը, ով երկու օրով ժամանել է Հայաստան, արդեն հասցրել է աչքի ընկնել իր նուրբ հումորով, անկաշկանդ բնավորությամբ, իսկ մի դեպքում էլ նույնիսկ լավ վախեցրել է «Արմենիա-Մարիոթ» հյուրանոցի անձնակազմին:
iWoz մականունով հայտնի գյուտարարն ու միլիարդատերը երեկ բավական երկար ժամանակ ինքնագլորիչ է քշել Երեւանի Հանրապետության հրապարակում` զարմացնելով անցորդներին, որոնք նախ ապշում, ապա ձեռքով ողջունում էին մեծանուն հյուրին:
Վոզնյակը ՏՏ ոլորտի ներկայացուցիչների հետ հանդիպմանը պատմել է, թե կատակել է «Արմենիա-Մարիոթ» հյուրանոցի անձնակազմի հետ եւ մի լավ վախեցրել նրանց: «Ես հատուկ սարք եմ մշակել եւ տեղադրել ճամպրուկների մեջ: Դա պարզ եւ հարմար մի սարք է, որ ծվծվում է, երբ սեղմում եմ կոճակը: Այդպես ես գտնում եմ իմ ճամպրուկները: Երեկ երեկոյան ես որոշեցի կատակել եւ միացրի այն հյուրանոցում: Հավանաբար բոլորին թվաց, թե իմ մոտ ռումբ կա»,- պատմել է Սթիվ Վոզնյակը:
Իսկ արդեն այսօր Երեւանի պետական ճարտարագիտական համալսարանում ուսանողների
...
Կարդալ շարունակությունը »
|
Asimo մարդանման ռոբոտը, որը կարողանում բացել գարեջրի շիշը (ֆոտո, վիդեո)
|
Honda ընկերությունը ներկայացրել է իր հայտնի Ասիմո ռոբոտ-անդրոիդի նոր տարբերակը, որը զգալիորեն կատարելագործվել է: Այն այժմ վազում է, թռչկոտում մեկ ոտքի վրա, բացում գարեջրի շիշն ու լցնում բաժակը:
The Verge-ը գրում է, որ ռոբոտի գլխավոր յուրահատկությունն այն է, որ այն կարողանում է քայլել առանց վերահսկման: Սարքի վազքի արագությունն է 9կմ/ժ:
6կգ-ով նվազեցվել է նաև Ասիմոյի քաշը. այժմ ռոբոտը կշռում է 48կգ:
Ռոբոտը նաև սովորել է ճանաչել մարդկանց ձայնն ու դեմքը, եթե նույնիսկ նրանք միաժամանակ են խոսում: Նշենք, որ Ասիմոյի առաջին մոդելը թողարկել է դեռևս 2000թ.:
...
Կարդալ շարունակությունը »
|
Սթիվ Վոզնյակ. գործը պետք է այնքան լավ անել, որ մեկ ուրիշը չկարողանա գերազանցել
|
«Երբ դատարկ գրպաններով որոշեցինք գործ սկսել Սթիվ Ջոբսի հետ, չէինք էլ պատկերացնում, որ կկարողանանք մեծ փողեր աշխատել: Ես նստեցի ու սկսեցի թղթին հանձնել իմ մտքերը, իսկ այդ ամենն իրականացնելը կրկին մեր ուսերին էր»,- այսօր «Սինոփսիս Արմենիա» ընկերությունում լրագրողների հետ հանդիպմանը կիսվեց Apple ընկերության համահիմնադիր, առաջին «խնձորային» համակարգչի հեղինակ Սթիվ Վոզնյակն, ով Երևան է ժամանել երեկ երեկոյան: «Պետք է խիզախ ու համարձակ լինել ու հավատալ, որ մեծ գործ ես անում»,- ասաց նա:
Տպավորվելով նրանից, որ Հայաստանն ամեն ջանք գործադրում է համաշխարհային ՏՏ-կենտրոն դառնալու համար, Վոզյնակը ՏՏ ոլորտի մասնագետներին խորհուրդ տվեց ամեն գործ անել այնքան լավ, որ «ուրիշ մեկը չկարողանա գերազանցել ու դա անել ավելի լավ»:
Հիշեցնենք, որ Վոզնյակը Երևանում է Սերժ Սարգսյանի սահմանած «Համաշխարհային հեղինակություն տեղեկատվական տեխնոլոգիաների ոլորտում» մրցանակը ստանալու համար:
Այցի շրջանակներում Apple-ի համահիմնադիրը կհանդիպի ՀՀ նախագահ Սերժ Սարգսյանի, վարչապետ Տիգրան Սարգսյանի
...
Կարդալ շարունակությունը »
|
Ինտերնետի տոնական առաջարկ Orange-ից` ամսական 25ԳԲ գերարագ ինտերնետ
|
Orange-ի գործունեության մեկնարկի երկրորդ տարեդարձի առթիվ ընկերությունը մեկնարկում է տոնական խելահեղ առաջարկ` ինտերնետի իսկական սիրահարների համար: Նոյեմբերի 10-ից դեկտեմբերի 10-ը բաժանորդագրվելով Ինտերնետ Հիմայի տոնական սակագնային պլանին 12 ամսով (10,000 դրամ ամսավճարով) ` բաժանորդներն առաջին 12 ամիսների ընթացքում կստանան ամսական 25ԳԲ գերարագ ինտերնետ, 40 հաղորդագրություն բոլոր ուղղություններով, ինչպես նաև նոր Ինտերնետ Հիմա 14.4 մոդեմ ընդամենը 1 դրամով:
Գերարագ ինտերնետը սպառելուց հետո բաժանորդները կշարունակեն օգտվել անսահմանափակ ինտերնետից 512 Կբ/վ ներբեռնման և 256Կբ/վ վերբեռնման արագությամբ:
Առաջին տարվա ավարտից հետո բաժանորդները կկսկեն ստանալ ամսական 12ԳԲ գերարագ ինտերնետի փաթեթ և կշարունակեն ստանալ բոլոր ուղղություններով ամսական 40 հաղորդագրություն ուղարկելու հնարավորություն: http://orangearmenia.am/ |
Polaroid-ը թողարկել է թվային տեսախցիկ, որն ունի ներդրված տպիչ
|
Polaroid ամերիկյան ընկերությունը ներկայացրել է 14 մպ թվային ֆոտոխցիկ, որը կարողանում է 45 վայրկյանի ընթացքում տպել լուսանկարը: Z340 Instant Digital Camera-ն նման է 1980-ականների Polaroid Spectra մոդելին:
Լուսանկարը տպելուց առաջ կարելի է խմբագրել այն: Ցանկության դեպքում հնարավոր է նաև անջատել տպիչն ու օգտագործել սարքը՝ միայն որպես տեսախցիկ:
Z340-ն ունի 2,7 դյույմանոց էկրան և SD-քարտի հնարավորություն: Ամբողջովին լիցքավորված մարտկոցը բավականացնում է 25 լուսանկար տպելու համար: Ընկերության պաշտոնական կայքում նշվում է, որ լուսանկարը տպվում է 3х4 դյույմ չափսով:
ԱՄՆ-ում այս սարքն արժե 299 դոլար: Z340-ն օգտագործում է ZINK ֆոտոթուղթ, որի մեկ փաթեթը թույլ է տալիս 10 լուսանկար տպել: Նշենք, որ նման թղթի երեք փաթեթն արժե մոտ 20 դոլար: |
Apple-ը կրճատում է iPhone 4S-ի արտադրությունը ցածր պահանջարկի պատճառով
|
Հոկտեմբերի սկզբին ներկայացված iPhone 4S-ն ավելի ցածր պահանջարկ ունի, քան սպասում էր Apple-ը: Այդ իսկ պատճառով ընկերությունը մոտ 10-15%-ով կրճատում է այս սարքի արտադրության ծավալները: Հաղորդում է AppleInsider-ը:
Նշենք, որ կկրճատվի նաև iPad պլանշետային համակարգչի արտադրությունը ՝ պայմանավորված որոշ բաղադրիչների առաքման ուշացմամբ, մասնավորապես խոսքը Թայլանդի հեղեղների պատճառով առաջացած կոշտ սկավառակների դեֆիցիտի մասին է:
Վարկածներ կան նաև, որ ընկերության արտադրանքի հնարավոր կրճատումը կապված է նաև այն բանի հետ, որ ի սկզբանե Applе-ը պատվիրել էր ավելին, քան անհրաժեշտ էր:
...
Կարդալ շարունակությունը »
|
Apple-ը չի նախատեսում Siri ծառայությունը iPhone-ի նախկին մոդելներումApple ընկերությունը չի պատրաստվում iPhone 4S-ից ավելի վաղ թողարկված սարք
|
Apple ընկերությունը չի պատրաստվում iPhone 4S-ից ավելի վաղ թողարկված սարքերի վրա ապահովել Siri ծառայությունը, հաղորդում է TechCrunch-ը:
Siri ծառայությունը, որը թույլ է տալիս հեռախոսը ղեկավարել ձայնային հրահանգներով, դարձել է iPhone սմարթֆոնների վերջին մոդելի գլխավոր առավելություններից մեկը և արդեն հասցրել է բարձր գնահատականներ ստանալ օգտագործողների ու մասնագետների կողմից:
Հաքերների կողմից Siri ծառայությունն արդեն տեղադրվել է iPhone սմարթֆոնի հին մոդելների վրա, ինչը դրդել էր մշակող Մայքլ Սթիբերին՝ պաշտոնական հարցում կատարել Apple-ի ղեկավարությանը: Պատասխանում նշվել է, որ Apple-ում չեն պատրաստվում iPhone-ի հին տարբերակներում ներառել այս ծառայությունը: |
«ВКонтакте»-ն կվճարի օգտագործողներին՝ գովազդների հանդեպ ուշադիր լինելու դիմաց
|
ВКонтакте սոցցանցը գործարկում է գովազդի նոր տեսակ, որը թույլ կտա օգտագործողներին միավորներ հավաքել գովազդների հանդեպ ակտիվություն դրսևորելու դեպքում, հաղորդում է սոցցանցի մամուլի ծառայությունը:
Գովազդատուն կարող է ինքնուրույն ընտրել, թե հատկապես ինչի համար կավելանան ակտիվ օգտատերերի միավորները: Օրինակ՝ օգտատերը կարող է միավորներ վաստակել գովազդատուի կայքում գրանցվելու, թեստի հարցերին պատասխանելու, խաղային առաջադրանքը կատարելու կամ գովազդվող ծրագրի դեմո-տարբերակը համակարգչում տեղադրելու համար:
Միավորների այս նոր համակարգն արդեն փորձարկվել է մի շարք նախագծերի կողմից, ինչպիսիք են "МегаФон"-ը, Duracel-ը, Groupon-ը և այլն: |
|
