Ռոբոտ-այգեպանները կփոխարինեն մարդկանց (տեսանյութ)
|
Harvest Automation ընկերությունն զբաղվում է այնպիսի ռոբոտների արտադրությամբ, որոնք ունակ են օգնել մարդկանց տարբեր կենցաղային հարցերում:
Վերջերս ներկայացված ռոբոտը կարողանում է տեղափոխել ծաղկամանները ու դասավորել դրանք այնպես, որ հնարավորինս մեծ տարածք ազատվի: Այս սարքերը բավական թանկ արժեն՝ 25-50 հազ. դոլար: Հաղորդում է Wired-ը: Harvest Automation-ը պատրաստվում է նաև ստեղծել այլ ռոբոտներ, որոնք կօգնեն մարդկանց պահեստում, շինարարությունում և գործարաններում:
...
Կարդալ շարունակությունը »
|
ԵՃՇՊՀ-ում բացվեց երկրատեղեկատվական տեխնոլոգիաների լաբորատորիա
|
Այսուհետ Երևանի ճարտարապետության և շինարարության պետական համալսարանում (ԵՃՇՊՀ) կգործի երկրատեղեկատվական տեխնոլոգիաների (GIS) լաբորատորիան, որը եզակի է ՀՀ-ի ուսումնական և մասնավոր հատվածներում: Նախագիծը, որի տևողությունը երեք տարի է (15/10/2010թ. - 14/10/2013թ.), արժե 1 000 000 եվրո, իսկ ֆինանսավորումն իրականացնում է Տեմպուս ծրագիրը: Հաղորդում են ԵՃՇՊՀ մամուլի բաժնից:
Նորաբաց լաբորատորիան ունի թվով 31 հատ համակարգիչ` ներդրված ArcGIS 10.0 լիցենզավորված ծրագրային փաթեթներով /31 լիցենզիա/, գեոդեզիական ժամանակակից գործիքներ և սարքավորումներ: Նման լաբորատորիան լիցենզավորված ծրագրերով եզակի երևույթ է ՀՀ ուսումնական և մասնավոր հաստատությունների համար: Այն ստեղծում է լայն հնարավորություն, որպեսզի հետագայում այս ոլորտում պատրաստվեն որակյալ մասնագետներ, որոնց կարիքը այսօր արդեն զգում են տնտեսության գրեթե բոլոր ոլորտների ներկայացուցիչները:
...
Կարդալ շարունակությունը »
|
HTC Zeta. քառամիջուկ սմարթֆոն՝ 2,5 ԳՀց պրոցեսորով
|
HTC ընկերությունը, որը վերջերս ներկայացրեց քառամիջուկ HTC Edge սմարթֆոնը՝ 4,7 դյույմանոց HD-էկրանով, շուտով կթողարկի ևս մեկ հզոր սարք: Հաղորդում է Engadget-ը:
Խոսքը HTC Zeta-ի մասին է, որն ունի քառամիջուկ Qualcomm Snapdragon APQ8064 պրոցեսոր (2,5ԳՀց հաճախություն): Նշենք, որ սա առավելագույն հաճախությունն է, սակայն այն կարող է նվազեցվել մարտկոցի էներգիան խնայելու համար: Zeta-ի թողարկման ամսաթվի ու գնի մասին տեղեկություններ չկան, սակայն հայտնի է, որ սարքը կաշխատի Google Android 4.0 Ice Cream Sandwich համակարգով:
Սարքն ունի 4,5 դյույմանոց էկրան, 1 գբ օպերատիվ ու 32 գբ ֆլեշ-հիշողություն: Սմարթֆոնի տեսախցիկը 8 մպ է՝ երկակի LED-լուսարձակմամբ: Zeta-ի չափսերն են 109,8х60,9х9,8 մմ, քաշը՝ 146գ: |
Գործարկվեց Google-ի երաժշտական խանութը
|
Google կորպորացիան, ինչպես սպասվում էր, ներկայացրեց Google Music երաժշտական ծառայությունը` նախատեսված անհատական համակարգիչների և Android սարքերի համար (http://music.google.com/about):
Հիշեցնենք, որ գարնանը Google-ը թողարկեց Music Beta by Google ծառայությունը, որն օգտատերերին տարածություն է տրամադրում վեբ-սերվերների վրա՝ երաժշտության տեղակայման համար (մինչև 20 000 կատարում), և ապա՝ թույլատրում տարբեր սարքերից դրանց ազատ ունկնդրումը հոսքային ռեժիմով՝ սկսած անհատական համակարգիչներից և վերջացրած Android սմարթֆոններով:
Google Music-ը համատեղում է Music Beta by Google և երաժշտական վեբ-խանութի ֆունկցիոնալը, որն աշխատում է Android Market-ի բազայի վրա: Google-ը պայմանագրեր է կնքել ավելի քան 1000 ձայնագրման ընկերությունների հետ, որոնց թվում են EMI-ն, Universal Music-ը և Sony Music-ը:
...
Կարդալ շարունակությունը »
|
Nokia-ն թողարկելու է Windows 8 օպերացիոն համակարգով աշխատող պլանշետ
|
Nokia ընկերությունը մտադիր է թողարկել Windows 8 օպերացիոն համակարգով աշխատող պլանշետ: Այդ մասին Les Echos պարբերականին տված հարցազրույցի ժամանակ ասել է Nokia-ի ֆրանսիական ստորաբաժանման ղեկավար Փոլ Ամսելեմը:
Ամսելեմը չի բացահայտել սարքավորման մանրամասները, սակայն հայտնել է, որ պլանշետը կցուցադրվի 2012 թվականի հունիսին: Ներկայումս Windows 8 գտնվում է մշակման փուլում, սակայն սպասվում է, որ այն վաճառքի կհանվի 2012 թվականի աշնանը:
Հարցազրույցում Ամսելենը նաև անդրադարձել է Nokia-ի սմարթֆոններին: Հոկտեմբերի վերջին Windows Phone 7 օպերացիոն համակարգի հիման վրա աշխատող Lumia 800 սարքը նա համեմատել է BMW-ի հինգերորդ սերիայի ավտոմեքենաների հետ` ավելացնելով, որ նրանք թողարկելու են «երրորդ սերիայի» և «յոթերորդ սերիայի» սմարթֆոններ:
...
Կարդալ շարունակությունը »
|
HP-ն ներկայացրել է իր նոր «ուլտրաբուքերը»
|
Hewlett-Packard ընկերությունը ցուցադրել է Folio13 առաջին համակարգչային HP-ն, որը պատկանում է «ուլտրաբուքերի» կամ չափազանց բարակ նոթբուքերի դասին:
Ինչպես հայտնվում է ընկերության մամուլի հաղորդագրության մեջ, MacBook Air մոդելի նման Folio13-ն ունի 13.3 դյույմ էկրան: «Ուլտրաբուքը» ունի ալյումինե կաղապար, ստեղնաշարը լուսավորվում է: 18 միլիմետր հաստությամբ համակարգիչը կշռում է ընդամենը կես կիլոգրամ:
The Verge բլոգը հստակեցնում է, որ հասանելի կլինեն Folio13-ի երկու տարբերակներ` Intel Core i3-ը՝ 1.4 գեգահերց պրոցեսորով, կամ Intel Core i5-ը` 1.6 գեգահերց պրոցեսորով: «Ուլտրաբուքը» ունի չորս գեգաբայթ օպերատիվ հիշողություն և 128 գեգաբայթ SSD-Drive:
...
Կարդալ շարունակությունը »
|
Գիտնականները ստեղծել են պրոցեսոր, որը մոդելավորում է մարդու ուղեղի նեյրոնները
|
Մասաչուսեթսի տեխնոլոգիական ինստիտուտի գիտնականները երկարատև ջանքերից հետո ստեղծել են պրոցեսոր, որը մոդելավորում է մարդու ուղեղի նեյրոնները:Նորարարությունը կարող է տեղեկություն ընկալել և հիշել:
Այս հետազոտությունը հնարավորություն կտա գիտնականներին հասկանալ, թե ինչ գործառույթներ ունի մեր ուղեղը: MITnews-ը հայտնում է, որ պրոցեսորները հնարավորություն կտան ստեղծել ավելի զարգացած համակարգիչներ: Այս պրոցեսորներն ընդունակ են վերլուծել ֆինանսական շուկանները, կանխատեսել ցունամիները, երկրաշարժները: |
Սթիվ Ջոբսը ցանկանում էր իր iPhone-ների համար ստեղծել սեփական անլար ցանց
|
Apple ընկերության հիմնադիր Steve Jobs-ը առաջին սերնդի iPhone-ի մշակման փուլում ցանկանում էր հրաժարվել բջջային օպերատորների ծառայությունից և ստեղծել սեփական անլար ցանց՝ Wi-Fi տեխնոլոգիաների հիման վրա: Այս մասին հաղորդում է Computerworld կայքը` մեջբերելով հեռահաղորդակցման ոլորտի հայտնի փորձագետ Ջոն Սթենթոնի խոսքերը:
Սթենթոնի փոխանցմամբ` Ջոբսն այդ գաղափարից հրաժարվեց մոտ 2007թ., և նույն թվականի հունիսին շուկա դուրս եկավ iPhone սմարթֆոնների դեբյուտային մոդելը, որը ԱՄՆ-ում վաճառում և սպասարկում էր AT&T GSM-օպերատորը: Սեփական անլար ցանցը Apple-ին հնարավորություն կտար ամբողջությամբ վերահսկել iPhone-ի աշխատանքի համար անհրաժեշտ ամբողջ էկոհամակարգը:
Apple-ի ժամանակակից սարքերը Wi-Fi-ի ակտիվ միացման պայմաններում իրենց օգտատերերին հնարավորություն են տալիս շփվել առանց բջջային ցանցին միանալու: |
|