3DNews-ի  բաժանորդագրություն
Կիրակի, 29 June 2025
Գլխավոր » 2011 » Նոյեմբեր » 12 » ՏՏ Լրատվական, Տեղեկատվական Տեխնոլոգիաներ
Երեւանում բացվել է տարածաշրջանի տեխնիկայի վաճառքի ամենամեծ սրահը (ֆոտո)
Երեւանում տեխնիկայի նոր խանութ է բացվել, որն ավելի շատ վաճառքի ցուցասրահի է նման, քան սովորական խանութի։ Նորաբաց տեխնիկայի վաճառքի կենտրոնը ամենամեծն է Հայաստանում եւ տարածաշրջանում. զբաղեցնում է ընդհանուր առմամբ 2000 քմ տարածք։ Բայց տպավորիչը ոչ թե խանութի տարածքն է, այլ արտաքին ու ներքին ձեւավորումը։ Վաճառքի կենտրոնում դինզայներական լուրջ աշխատանք է արված, ու ստեղծված են պայմաններ, որպեսզի հաճախորդը, այսինքն՝ պոտենցիալ գնորդը, չշտապի խանութից դուրս գալ։ Նորաբաց կենտրոնը պատկանում է «ԱՐԱՅ» ընկերությանը, սակայն ոչ մի ընդհանրություն չունի «ԱՐԱՅ»-ի խանութների ցանիցի դիզայնի հետ, ոչ արտաքին ոչ ներքին հարդարմամբ։ Նույնիսկ «ԱՐԱՅ» ապրանքանիշի հայտնի գույներն են բացակայում։ «ՏեխնոԼայֆ»-ում (TechnoLife) ի տարբերություն «ԱՐԱՅ»-ի կարմիրի ու սպիտակի, հիմնական գույները մուգ կապույտն է, սպատակն ու բաց կապույտը։

«ՏեխնոԼայֆը» տարբերվելու է Հայաստանի տեխնիկայի մյուս վաճառքի կենտրոններից առաջին հերթին սպասարկման բարձր որակով։ Խանութը բացելիս մենք նպատակ ունեինք նոր ոճ, սպասարկման նոր որակ ապահովել, քանի որ այս նշաձողն ազատ էր մնացել շուկայում։ Սա պարզապես խանութ չէ, այն կյանքի տեխնո ոճի սրահ է, որը ցանկացած այցելուի տրամադրություն կարող է բարձրացնել։ Մեր ընկերությունը այստեղ փորձել է ներկայացնել գին եւ որակ լավագույն հարաբերակցությունը»,- «ՏեխնոԼայֆի» բացման արարողության ժամանակ NEWS.am-ի թղթակցի հարցին պատասխանելիս ասաց «ԱՐԱՅ» ընկերության գլխավոր գործադիր տնօրեն Վիլսոն Մելիքջանյանը։

Ըստ նրա՝ վաճառքի կենտրոնում ներկայացված է 10 հազար միավոր տեխնիկա, եւ գները համեմատաբար մատչելի են։ «Ես կցանկանայի եւս մեկ անգամ ընդգծել, որ մեր նպատակը ոչ թե ամենացածր գներ, այլ սպասարկման բարձր որակ ապահովելն է, սակայն գները եւս մատչելի են, ինչը կարեւոր հանգամանք է ցանկացած վաճառքի կենտրոնի համար»,- նշեց նա։

Մելիքջանյանի խոսքով՝ «ԱՐԱՅ»-ը ռեբրենդինգի չի պատրաստվում։ Ընկերությունը պարզապես ցանկանում էր, որ նորաբաց վաճառասրահը մյուսներից տարբերվի ոճով։

«ԱՐԱՅ»-ը իր գործունեության ընթացքում ապացուցել է, որ կայուն եւ վստահելի ընկերություն է, սակայն «ՏեխնոԼայֆ»-ը նոր որակ է ապահովելու։

Բացման արարողությանը ներկա էին հայաստանցի բազմաթիվ գործարարներ, շոուբիզնեսի ներկայացուցիչներ, եւ «ԱՐԱՅ»-ի գործընկերների ներկայացուցիչներ։ «Electrolux»-ի Ռուսաստանի եւ ԱՊՀ տարածաշրջանի ղեկավար Ալեքսանդր Օվսյաննիկովը իր խոսքոմ նշեց, որ նույնիսկ Մոսկվայում նման ձեւավորմամբ տեխնիկայի խանութ չի հանդիպի։

«Իսկապես տպավորիչ եւ օրինակելի աշխատանք եք կատարել»,- ասաց նա՝ ընդգծելով, որ շատ տպավորված է։

Նշենք, որ վաճառքի կենտրոնի յուրաքանչյուր սրահի բացմանը հաջորդում էր համապատասխան շոու ծրագիր, տարբեր համարներով։










Հավանել նորությունը
«+8» - հավանությունների քանակ
Դիտումներ: 688 | Ավելացրել է: 3DNewscomm | Հայտնի տեգեր: Electrolux, Aray, Technolife | Գնահատական: 1.0/8 | Ավելացվել է: 12 November 2011, 20:40
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]