3DNews-ի  բաժանորդագրություն
Կիրակի, 10 November 2024
Գլխավոր » 2011 » Նոյեմբեր » 12 » ՏՏ Լրատվական, Տեղեկատվական Տեխնոլոգիաներ
Android նախագիծը ստեղծվել է ավելի վաղ, քան iPhone-ը. Էրիկ Շմիդտ
Այն, որը Սթիվ Ջոբսն այնքան էլ չէր «սիրում» Android-ը, գաղտնիք չէր, սակայն վերջերս լույս տեսած նրա կենսագրությունը (կենսագիր՝ Ուոլտեր Այզեքսոն) նոր մանրամասներ է բացահայտում:

«Ես կծախսեմ ինձ պատկանող 40 մլրդ դոլարի ամեն ցենտը, միայն թե կարողանամ վերականգնել արդարությունը: Պատրաստվում եմ ոչնչացնել Android-ը, քանի որ այն գողացված համակարգ է»,-ասել է Ջոբսը Այզեքսոնին:

Google-ի տնօրենների խորհրդի նախագահ Էրիկ Շմիդտն, ով երբեք հրապարակայնորեն չի մեկնաբանել այս հայտարարությունը, Կորեա կատարած այցի ընթացքում լրագրողների հետ կիսվել է այս թեմայի շուրջ: Հաղորդում է CNET-ը:

«Չեմ մեկնաբանի այն, ինչ գրված է գրքում, սակայն կասեմ միայն, որ Google-ը ինովացիաների հարցում լուրջ մրցակից է. այն փաստը, որ Android-ի նախագիծը ստեղծվել է iPhone-ից առաջ, ապացուցում է այդ»,-ասել է Շմիդտը:

Android Inc. ընկերությունը հիմնադրվել է Էնդի Ռուբինի կողմից 2003թ., իսկ 2005-ին դարձել Google-ի սեփականությունը: Իսկ iPhone-ը ներկայացվել է միայն 2007թ.: Մյուս կողմից՝ Android-ով աշխատող առաջին սմարթֆոնը թողարկվել է 2008-ին:

Նշենք, որ Շմիդտը 2006-ից եղել է Apple-ի տնօրենների խորհրդի անդամ և տիրապետել է ընկերության արտադրանքների մասին գաղտնի ինֆորմացիային: 2009-ին նա լքել է այս պաշտոնը երկու ընկերությունների միջև սրված մրցակցության պատճառով:
Հավանել նորությունը
«+9» - հավանությունների քանակ
Դիտումներ: 357 | Ավելացրել է: 3DNewscomm | Հայտնի տեգեր: iphone, google, Eric Shmidt, Apple, Steve Jobs, android, Android Inc, CNet | Գնահատական: 1.0/9 | Ավելացվել է: 12 November 2011, 20:44
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]