3DNews-ի  բաժանորդագրություն
Կիրակի, 29 June 2025
Գլխավոր » 2011 » Նոյեմբեր » 2 » ՏՏ Լրատվական, Տեղեկատվական Տեխնոլոգիաներ
«ԱրմենՏել»-ը հայտարարել է Հայաստանում ինտերնետի զարգացման նոր ռազմավարության մասին
«ԱրմենՏել» ՓԲԸ (ապրանքանիշը Beeline) հայտարարում է Հայաստանում ինտերնետի զարգացման նոր ռազմավարություն սկսելու մասին, որն այսօր` նոյեմբերի 2-ին, մամուլի ասուլիսում ներկայացվել է «ԱրմենՏել» ընկերության ղեկավարության կողմից:

«Այն ժամանակ, երբ ինտերնետը համարվում էր շքեղություն, տրամաբանական էր խոսել ինտերնետին միանալու տարբերակների մասին: Ներկայումս այս վիճակն էականորեն փոխվել է դեպի լավը, եւ սպառողին հետաքրքիր չէ, թե օպերատորն ինչ տեխնոլոգիաներ է կիրառում. գլխավորն այն է, որ արտադրանքը լինի մաքսիմալ որակյալ եւ համապատասխանի գրպանին: Մեր ռազմավարության հետագա զարգացման ընթացքում մենք կենտրոնանալու ենք հենց այս գաղափարի վրա: Երկրի խոշորագույն միասնական օպերատորն այսօրվանից ի վեր անցում է կատարում «ինտերնետ տեխնոլոգիաների միջոցով» հասկացությունից «ինտերնետը մարդու համար» հասկացությանը: Մեր տեսանկյունից «ինտերնետ մարդու համար» գաղափարը սպառողական արտադրանք է, որի չափանիշները եւ որակը կախված չեն տեխնոլոգիաներից, այլ հիմնված են պահանջարկի վրա», - նշել է «ԱրմենՏել» ՓԲԸ Գլխավոր տնօրեն Իգոր Կլիմկոն:

«Ինտերնետ մարդու համար» նոր ռազմավարության շրջանակում մեր առաջին քայլը դարձավ VDSL տեխնոլոգիայի ցուցադրումը, որի հիման վրա, պարզապես օգտագործելով ֆիքսված հեռախոսակապի գծերը, ներբառման միջին արագությունը կազմեց 60 Մբ/վրկ, իսկ վերբեռման միջին արագությունը` 12 Մբ/վրկ:

Կլիմկոն իր խոսքում, մասնավորապես, ասել է. «Վերջին երկու տարիների ընթացքում մենք շարունակաբար ընդլայնել ենք ցանցը, ներ ենք դրել տվյալների փոխանցման ժամանակակից տեխնոլոգիաներ եւ այսօր, ամենայն պատասխանատվությամբ, կարող ենք հայտարարել, որ ներկայումս մեր ցանցը լիովին պատրաստ է տրամադրել որակապես նոր արագությամբ ինտերնետ»:
Հավանել նորությունը
«+6» - հավանությունների քանակ
Դիտումներ: 398 | Ավելացրել է: 3DNewscomm | Հայտնի տեգեր: ինտերնետ տեխնոլոգիաներ, Armentel, արմենտել, beeline | Գնահատական: 1.0/6 | Ավելացվել է: 02 November 2011, 20:20
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]