3DNews-ի  բաժանորդագրություն
Կիրակի, 29 June 2025
Գլխավոր » 2011 » Նոյեմբեր » 2 » ՏՏ Լրատվական, Տեղեկատվական Տեխնոլոգիաներ
Facebook-ից գողացել են 250գբ ծավալով անձնական տվյալներ
«Հաքերային» խումբը հարձակում է գործել աշխարհի ամենամեծ սոցցանցի՝ Facebook-ի վրա ու գողացել օգտագործողների անձնական տվյալները:

Հարձակումն իրականացվել է ոչ թե ինչ-որ չարագործների, այլ Բրիտանական Կոլումբիայի համալսարանի (Վանկուվեր, Կանադա) համակարգչային անվտանգության մասնագետների կողմից:

Նրանք մշակել են մի ծրագիր, որը կարողանում է ինքնուրույն գրանցվել սոցցանցում, նկարներ ու կարգավիճակներ տեղադրել այնպես, որ տպավորություն ստեղծվի, թե իրական մարդ է օգտագործողը:

Նման 102 գեներացված սոցիալական բոտեր ընկերանալու հրավերներ են ուղարկել պատահական օգտագործողների: Հայտնաբերելով, որ արտաքինից գրավիչ օգտագործողների հրավերներն ավելի հաճախ են ընդունվում, բոտերն օգտագործել են Hot or Not ծառայությունում գրանցված նկարները:

Թեև Facebook-ն ունի բոտերից պաշտպանող համակարգ, սակայն այն այդքան էլ արդյունավետ չի գործել: Բոտերը կարողացել են շրջանցել այն՝ ուղարկելով ընկերանալու հրավերները ընդմիջումներով:

Արդյունքում, ինչպես նշում է TechCrunch-ը, աստիճանաբար հավաքագրվել է 250 գիգաբայթ ծավալով տվյալներ(նկարներ, կարգավիճակներ, հոլովակներ և այլն), որոնք պատկանում են բոտերի ընկերներին: Փորձարկումն իրականացրած մասնագետների խոսքով՝ տվյալները կարող են հատկապես օգտակար լինել մարքեթինգի տեսանկյունից: Նրանք նաև առանձնահատուկ նշել են, որ բոլոր տվյալները կոդավորվել ու ոչնչացվել են:

Հավանաբար, Facebook-ն իր անվտանգության մակարդակն այս հետազոտությունից հետո կբարձրացնի, իսկ օգտագործողներն իրենց հերթին ավելի զգույշ կլինեն ընկերական հրավերներն ընդունելիս:
Հավանել նորությունը
«+8» - հավանությունների քանակ
Դիտումներ: 438 | Ավելացրել է: 3DNewscomm | Հայտնի տեգեր: ֆեյսբուք, հաքեր, facebook hacking, բոտհարձակում, Facebook, hacking, Անձնական տվյալներ | Գնահատական: 1.5/8 | Ավելացվել է: 02 November 2011, 20:25
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]