3DNews-ի  բաժանորդագրություն
Շաբաթ, 28 September 2024
Գլխավոր » 2011 » Դեկտեմբեր » 10 » ՏՏ Լրատվական, Տեղեկատվական Տեխնոլոգիաներ
«Կողմնապահ» անգլիացիները (Wikipedia)
Բրիտանական Bell Pottinger Group PR գործակալությունը խոստովանել է, որ փոփոխություններ է մտցրել Wikipedia կայքում տեղադրված որոշ ինֆորմացիայի մեջ իր պատվիրատուների օգտին:

Այդ փաստն առաջինը նկատել են անկախ խմբագիրները, որոնք պահանջել են հետաքննություն սկսել այդ գործով: Արդյունքում պարզվել է, որ գործակալության աշխատակիցները տարբեր ինտերնետային հաշիվներից (account) ավելացրել են դրական փաստեր և ջնջել բացասականները իրենց պատվիրատուների էջերից, ինչից հետո նրանք հոդվածի վերջում դնում էին Edit Protection նշումը, ինչը նշանակում է, որ հոդվածը ամբողջովին վերջացրած է և հետագա խմբագրության կարիքը չունի:

Գործակալությունն ընդունել է փաստը, սակայն նշել, որ մասնագետները ոչ մի ապօրինի բան չեն արել: Այնուամենայնիվ Wikipedia կայքի հիմնադիր Ջիմմի Ուելսը նման վերաբերմունքը ոչ պրոֆեսիոնալ է համարել և նշել, որ տվյալ ընկերությունը իրավունք չուներ այդպիսի անպատասխանատու քայլ անելու, քանի որ այն վատ է անդրադարձել ոչ միայն ընկերության վարկանիշի, այլ նաև իրենց պատվիրատուների վրա:

Տվյալ պահին բոլոր ինտերնետային հաշիվները, որոնց միջոցով արվել են փոփողությունները արգելափակված են: Իսկ անկախ խմբագիրները շարունակում են ստուգել բոլոր ընկերության կողմից խմբագրած էջերը:
Նշենք, որ Bell Pottinger Group PR գործակալությունը Բրիտանիայի ամենահեղինակավոր և մեծ PR գործակալությունն է: Այն համագործակցում է, ոչ միայն ընկերությունների հետ, այլ նաև երկրների: Պետք է նշել, որ ոչ հավաստի տեղեկատվության տարածման մեջ այս ընկերությունն առաջին անգամ չէ մեղադրվում:
Հավանել նորությունը
«+7» - հավանությունների քանակ
Դիտումներ: 498 | Ավելացրել է: 3DNewscomm | Հայտնի տեգեր: Wikipedia, Edit Protection, account, Group PR, Bell | Գնահատական: 1.6/7 | Ավելացվել է: 10 December 2011, 18:22
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]