3DNews-ի  բաժանորդագրություն
Ուրբաթ, 28 June 2024
Գլխավոր » 2011 » Դեկտեմբեր » 1 » ՏՏ Լրատվական, Տեղեկատվական Տեխնոլոգիաներ
Ռալֆ Յիրիկյանը ՀՀ նախագահ դառնալու հավակնություններ չունի
Նոյեմբերի 29-ին «CNews» լրատվամիջոցը հրապարակել է «ՄՏՍ ընկերությունը Հայաստանի պոտենցիալ նախագահին վարկավորել է 90 միլիոն ամերիկյան դոլար գումարով» վերնագրով հոդված, որը, ինչպես հաղորդում են ՎիվաՍել-ՄՏՍ-ից, կեղծ տեղեկատվություն է: Նշենք, որ հոդվածում հղում է արված «շուկայի մասնակիցներին» և «մրցակիցներից մեկի ներքին աղբյուրին»:

Ըստ այդ հոդվածի՝ «Ղ-Տելեկոմ» ընկերության («VIVAcell-MTS» ապրանքային նշան) գլխավոր տնօրեն Ռալֆ Յիրիկյանը 2013թ. Հայաստանում կայանալիք նախագահական ընտրություններին մասնակցելու քաղաքական հավակնություններ ունի, և այդ նպատակով «Մոբիլնիե Տելեսիստեմի» ընկերությունը (ՄՏՍ) նրան ֆինանսական աջակցություն է ցուցաբերում: Բացի այդ՝ հոդվածում նշվում է, թե իբր ընկերության կողմից բարեգործական գործունեության իրականացման համար օգտագործվող միջոցների աղբյուր կարող են հանդիսանալ Լիբանանի հայկական համայնքի կողմից հավաքված միջոցները:

«Կարելի է միայն ենթադրել, թե ովքեր են կեղծ տեղեկատվությունը տարածող «շուկայի մասնակիցները» և «մրցակիցներից մեկի ներքին աղբյուրը», և թե հատկապես ինչ նպատակներ են նրանք հետապնդում: Ենթադրյալ մրցակիցների նմանատիպ գործողություններն անպարկեշտ են, անազնիվ և միանգամայն անընդունելի»,-նշվում է ընկերության հաղորդագրության մեջ:

«Անգամ առանց վերոհիշյալ տեղեկատվությունը մանրամասն վերլուծելու` հարկ ենք համարում նշել, որ Հայաստանի Հանրապետության Սահմանադրության համաձայն, Նախագահի թեկնածու կարող է լինել վերջին 10 տարում Հայաստանի քաղաքացիություն ունեցող, հանրապետությունում մշտապես բնակվող և ընտրական իրավունք ունեցող ֆիզիկական անձը: Ռալֆ Յիրիկյանը ոչ միայն չունի որևէ քաղաքական պաշտոնի ընտրվելու կամ նշանակվելու քաղաքական հավակնություն, ինչի համար նա հստակ հայտարարել է բազմիցս, այլև չի համապատասխանում թեկնածու առաջադրվելու համար պահանջվող չափանիշներից և ոչ մեկին»,-ասվում է ՎիվաՍել-ՄՏՍ-ի հայտարարության մեջ:

Ինչ վերաբերում է ընկերության սոցիալական գործունեությանը, ապա այն իրականացվում է բացառապես ընկերության միջոցների հաշվին՝ կորպորատիվ սոցիալական պատասխանատվության հաստատված ծրագրի շրջանակներում:
Հավանել նորությունը
«+9» - հավանությունների քանակ
Դիտումներ: 423 | Ավելացրել է: 3DNewscomm | Հայտնի տեգեր: VIVAcell, CNews, VivaCell-MTS, Ղ-Տելեկոմ | Գնահատական: 1.4/9 | Ավելացվել է: 01 December 2011, 19:33
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]