3DNews-ի  բաժանորդագրություն
Շաբաթ, 28 June 2025
Գլխավոր » 2011 » Դեկտեմբեր » 3 » ՏՏ Լրատվական, Տեղեկատվական Տեխնոլոգիաներ
Այսօր մեկնարկում է Start-Up Weekend Yerevan նախագիծը
Այսօր՝ դեկտեմբերի 2-ին, ժամը 21:30-ին, Թումո Ստեղծարար տեխնոլոգիաների կենտրոնում կմեկնարկի Start-Up Weekend Yerevan նորարար նախագծերի մրցույթը, որի նպատակն է մեկ հարկի տակ միավորել ինտերնետ ոլորտի էնտուզիաստներին, որոնք շուրջ 3 օր աշխատելու են` ներկայացնելու և թեսթավորելու իրենց նորարար նախագծերն ու մտահղացումներն ինտերնետի ոլորտում:

Start-Up Weekend-ին մասնակցության հայտ են ներկայացրել մոտ 50 երիտասարդներ, որոնք կբաժանվեն խմբերի: Խմբերից յուրաքանչյուրը կաշխատի մեկ գաղափարի իրականացման վրա:

Որպես Start-Up Weekend Yerevan նախագծի ժյուրի` Հայաստան են ժամանել ՏՏ ոլորտի այնպիսի միջազգային ականավոր մասնագետներ, ինչպիսիք են` Google-ի ռուսաստանյան մասնաճյուղի ավագ վերլուծաբան Ստանիսլավ Վիդյաևը(Ռուսաստան), Twitter-ի ծրագրային հավելումների զարգացման գլխավոր մենեջեր Րաֆֆի Կրիկորյանը (ԱՄՆ), high-tech start-up ոլորտի խորհրդատու և փորձագետ Յարոսլավ Բիալեկը (Լեհաստան), Հայաստանից` Անդրեյ Վանյանը (Sitemax), Վահե Տոռոզյանը (TX Systems) և այլք:

Նախաձեռնության նպատակն է բարձր տեխնոլոգիաների ոլորտում ձեռներեցության ու նոր տեխնոլոգիական ընկերությունների ստեղծման խթանումը Հայաստանում: Կազմակերպիչները հույս ունեն, որ «Start-Up Weekend Yerevan» նորարար նախագծերի մրցույթի շնորհիվ Հայաստանի նորարարական ընկերությունների շարքին կմիանան նորաստեղծ ընկերություններ, ինչը գործուն ներդրում կլինի նորարարական տնտեսության կայացման և զարգացման գործում:

« Start-Up Weekend Yerevan » մրցույթի արդյունքները կամփոփվեն դեկտեմբերի 4-ին:
Հավանել նորությունը
«+7» - հավանությունների քանակ
Դիտումներ: 391 | Ավելացրել է: 3DNewscomm | Հայտնի տեգեր: google, TXSystems, Weekend Yerevan, HIGH-TECH, Start-up, Sitemax | Գնահատական: 1.6/7 | Ավելացվել է: 03 December 2011, 04:55
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]