3DNews-ի  բաժանորդագրություն
Շաբաթ, 28 June 2025
Գլխավոր » 2011 » Դեկտեմբեր » 20 » ՏՏ Լրատվական, Տեղեկատվական Տեխնոլոգիաներ
Sony-ն ներողություն է խնդրել PlayStation Vita-ի թերությունների համար
Sony ընկերությունը ստիպված է եղել «կարկատել» PlayStation Vita նոր խաղային կոնսոլի ծրագրային հիմքը, վերջինիս՝ խանութներում հայտնվելուց անմիջապես հետո:

Կոնսոլը Ճապոնիայի խանութներում էր հայտնվել դեկտեմբերի 17-ին: Երկար սպասված սարքավորման համար խանութների մոտ մեծ հերթեր էին գոյացել, սակայն վաճառքի հենց առաջին օրերին շատ օգտագործողներ բախվեցին հաճախակի խափանումների հետ, երբ սարքավորումը որևէ կերպ չի արձագանքում օգտագործողի գործողություններին և նույնիսկ` չի անջատվում անջատման կոճակը սեղմելիս:

Խնդիրն այնքան մասշտաբային էր, որ Sony-ն անմիջապես թողարկել է թարմացում և ներողություն է խնդրել գնորդներից, հաղորդում է The Telegraph-ը:

Sony-ն մեծ հույսեր է կապում PlayStation Vita-ի հետ: Ընկերությունում գտնում են, որ նոր կոնսոլը կօգնի հաղթահարել այս տարվա համար կանխատեսված մոտ 1 մլրդ դոլար կորուստները: Եվրոպայում և ԱՄՆ-ում սարքավորումը շուկա կմտնի 2012թ. փետրվարին:
Հավանել նորությունը
«+10» - հավանությունների քանակ
Դիտումներ: 373 | Ավելացրել է: 3DNewscomm | Հայտնի տեգեր: PlayStation, Vita, Playstation Vita, The Telegraph, Sony | Գնահատական: 1.3/10 | Ավելացվել է: 20 December 2011, 17:55
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]