3DNews-ի  բաժանորդագրություն
Ուրբաթ, 28 June 2024
Գլխավոր » 2011 » Դեկտեմբեր » 8 » ՏՏ Լրատվական, Տեղեկատվական Տեխնոլոգիաներ
Nokia-ն կարող է վաճառել Vertu-ի արտադրությունը
Հեռախոսների արտադրությամբ զբաղվող ֆիննական Nokia ընկերությունը մտադիր է վաճառել Vertu լյուքս դասի թանկարժեք հեռախոսների արտադրությամբ զբաղվող ստորաբաժանումը:
Բրիտանական մամուլը գրում է, որ ընկերության համար լավագույն ժամանակները չեն:

Nokia-ի պաշտոնական ներկայացուցիչները հրաժարվել են տվյալ լուրը մեկնաբանելուց: Ընդ որում` բրիտանական լրատվամիջոցներից մեկի աղբյուրը նշել է, որ ստորաբաժանման վաճառքի հարցը վերջնական որոշված չէ, տեղեկացնում է РБК-ն:

Առայժմ հայտնի չէ, թե որքան կարող է արժենալ Vertu հեռախոսների արտադրությունը: Աշխարհի ամենաթանկարժեք հեռախոսների վաճառքից ստացված տարեկան եկամուտը կազմում է 200-300 մլն եվրո, թեեւ Nokia-ն պաշտոնապես լյուքս հեռախոսների առանձին տվյալները չի հրապարակում:

Nokia-ն բջջային հաղորդակցական տեխնոլոգիաների համաշխարհային առաջատար ընկերություններից է: Սակայն վերջին տարիներին Nokia-ի մասնաբաժինը շուկայում նվազում է, 2011թ. կեսերին այն կազմել է շուրջ 23%: Nokia-ն սմարթֆոնների վաճառքի քանակով երրորդ տեղում է հայտնվել` առաջին երկու հորիզոնականները զիջելով ամերիկյան Apple-ին եւ հարավկորեական Samsung-ին:
Հավանել նորությունը
«+6» - հավանությունների քանակ
Դիտումներ: 408 | Ավելացրել է: 3DNewscomm | Հայտնի տեգեր: Nokia, Apple, Samsung, Vertu, Հեռախոսների արտադրություն, հաղորդակցական տեխնոլոգիաներ, рбк | Գնահատական: 1.7/6 | Ավելացվել է: 08 December 2011, 19:55
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]