3DNews-ի  բաժանորդագրություն
Շաբաթ, 28 June 2025
Գլխավոր » 2011 » Դեկտեմբեր » 11 » ՏՏ Լրատվական, Տեղեկատվական Տեխնոլոգիաներ
Հայտնաբերվել է ամենաթեթև մետաղը պատմության մեջ (Տեսանյութ)
HRL Laboratories-ի գիտնական Թոբիաս Շեդլերն (Tobias Schaedler) ու նրա գործընկերները հայտնաբերել են բավականին հետաքրքիր հատկություններով օժտված շատ թեթև նյութեր ստանալու նոր տեխնոլոգիա, որը կանխատեսում է ճարտարապետաշինարարական նախագծման սկզբունքների օգտագործում նաև միկրոմակարդակում:

Գիտնականը նշում է, որ մինչ այդ ուլտրացածր խտություն ունեցող նյութերը ստացվում էին ածխածնային նանոխողովակների, մետաղական փրփուրի և այլ բաղկացուցիչների հիման վրա, սակայն վերջիններս ունեն պատահական կառուցվածքներ:

Հայտնաբերված տեխնոլոգիայով ստացված նոր նյութն պատրաստված է իրար հետ հատվող, ճշգրիտ տեղադրվածություն ունեցող մետաղական խողովակներից: Նյութը պատրաստվում է պոլիմերային միկրոցանցի նիկել-ֆոսֆորային ծածկույթի եղանակով:

Պարոն Շեդլերն իր հայտնագործությունը համեմատում է Էյֆելյան աշտարակի հետ. այն ունի հսկայական չափեր և բավականին մեծ կոշտություն, չնայած որ զանգվածը համեմատաբար փոքր է: Դրան հնարավոր է եղել հասնել միայն լավ մտածված կառուցվածքի միջոցով: Այդ դեպքում ինչու՞ չկիրառել մեծ շինությունների կառուցման սկզբունքները միկրոմակարդակում:

Մետաղական միկրոցանցի տարբերակներից մեկն ունի զարմանալիորեն ցածր խտություն` 0.9 մգ/սմ3 (եթե հաշվի չառնենք անցքերում եղած օդը): Եվ չնայած այն բանին, որ նիկել-ֆոսֆորային բաղադրությունը բավականին փխրուն է, նոր տեսակի նյութը զարմանալիորեն ճկուն է և սեղմումից հետո կարող է լիովին վերականգնվել: Այն նաև բավականին ինտենսիվ կերպով կլանում է էներգիան:



Պարոն Շեդլերն ընդգծում է, որ հայտնագործությունը կարող է կիրառվել արտադրության բազմաթիվ ճյուղերում` սկսած մեկուսացնող նյութերից մինչև աերոտիեզերական արտադրություն: Նա նաև հույս ունի, որ իր ուսումնասիրությունները կհանգեցնեն նյութերի սինթեզման նոր մեթոդի ստեղման, որի արդյունքում կարող են առաջանալ Մենդելեևի պարբերական աղյուսակի տարրերից խիստ տարբերվող հատկություններ ունեցող նյութեր:
Հավանել նորությունը
«+10» - հավանությունների քանակ
Դիտումներ: 603 | Ավելացրել է: 3DNewscomm | Հայտնի տեգեր: տեխնոլոգիա, HRL, Laboratories, տեղադրվածություն, Tobias Scheadler | Գնահատական: 1.4/10 | Ավելացվել է: 11 December 2011, 19:09
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]