Motorola RAZR սմարթֆոնը ներկայացվել է պաշտոնապես - 25 December 2011

Գլխավոր » » ՏՏ Լրատվական, Տեղեկատվական Տեխնոլոգիաներ

Motorola RAZR սմարթֆոնը ներկայացվել է պաշտոնապես
Motorola ընկերության նոր սմարթֆոնը, որը նախագծվել և մշակվել է Spyder ծածկանունով, ընթացիկ տարվա ամենասպասված նորույթներից մեկն է: Ապարատը գործնականում բավականին որակյալ և ամրապինդ կառուցվածք է ձեռք բերել: Սմարթֆոնն ունի մեծ` 4.3 դյույմանոց, AMOLED ցուցասարք, որն օժտված է 540x960 պիքսելների թույլատրելիությամբ: Ցուցասարքը հուսալիորեն բոլորակված է կաղապար-շրջանակով, որը պատրաստված է չժանգոտվող մետաղից, իսկ ահա նրա արտաքին մակերևույթը զանազան վնասվածքներից պաշտպանում է գերդիմացկուն Gorilla Glass ապակին: Ապարատի ետնամասային վահանակը պատված է կեվլարե մանրաթելերով: Բացի այդ ապարատը պաշտպանված է ջրի ցայտուկներից: Սմարթֆոնը հագեցած է երկու` 1.3 մպ-անոց ճակատային և 8 մպ-անոց հիմնական խցիկներով, որոնք բարձր որակի լուսանկարներ ստանալու հնարավորություն են ընձեռնում, նույնիսկ կարողանում են տեսագրել Full HD ձևաչափով: Սարքավորման աշխատանքային գործունեության համար պատասխանատու է 1.2 ԳՀց հաճախականության երկմիջուկանի պրոցեսորը, որը հաջողությամբ է իրեն դրսևորում բազմաթիվ թողարկված հավելվածներ և ծառայություններ սպասարկելու ժամանակ: Ապարատը հագեցած է 1 Գբ-անոց ծավալի օպերատիվ հիշողության մոդուլով և 16 Գբ-անոց ծավալի ներկառույց կուտակիչով, որը նախատեսված է օգտագործողի ֆայլերի պահպանման համար: Իսկ եթե որոշ առումներով օգտագործողին չբավականացնի սմարթֆոնի սկավառակային տարածքը, ապա հնարավորություն կա կիրառելու microSD և microSDHC ձևաչափերի հիշողության քարտեր: Բացի այդ այստեղ սատարվում է նաև GPS մոդուլի օգնությամբ նավիգացիա իրագործելու հնարավորությունը: Զանազան անլար սարքավորումների և ցանցերի հետ համագործակցելու համար պատասխանատու են հետևյալ մոդուլները` Bluetooth ¥4-րդ սերնդի¤ և բոլոր չափօրինակները սատարող WiFi: Համենայնդեպս, Motorola RAZR-ի թողարկումով ընկերությունը հերթական անգամ ապացուցեց, որ կարողանում է ստեղծել յուրօրինակ դիզայն իր սարքավորումների համար, որն ամենևին էլ չի խոչընդոտում ապարատի օգտագործման հարմարավետությանը: Սարքավորման չափերն են` 131x69x7 մմ: Ապարատը միանգամայն հարմարավետ է պահել ձեռքի մեջ, և ի շնորհիվ կիրառված բարձրորակ նյութերի գործնականում հարմար է ցանկացած պայմաններում շահագործելու համար: Բնականաբար, նման չափերի առկայության դեպքում ապարատի քաշն առանձնապես մեծ չէ և կազմում է ընդամենը 127 գրամ: Motorola Droid RAZR սմարթֆոնի միակ շոշափելի թերությունը ծրագրային ապահովման հին տարբերակի առկայությունն է: Ընկերությունը, չսպասելով Android-յան չորրորդ տարբերակի թողարկմանը, ապարատում տեղադրել է 2.3.5 տարբերակը, միևնույն ժամանակ խոստանալով, որ ծրագրային փաթեթի նորացված տարբերակը կհայտնվի Ice Cream Sandwich քաղցրահունչ անվանումով:
Հավանել նորությունը «+8» - հավանությունների քանակ Դիտումներ: 567 \| Ավելացրել է: 3DNewscomm \| Հայտնի տեգեր: MicroSD, Motorola, Gorilla Glass, microSDHC, RAZR, Full HD, GPS, Spyder, Motorola RAZR, Amoled \| Գնահատական: 1.5/8 \| Ավելացվել է: 25 December 2011, 19:49