3DNews-ի  բաժանորդագրություն
Շաբաթ, 28 June 2025
Գլխավոր » 2011 » Դեկտեմբեր » 7 » ՏՏ Լրատվական, Տեղեկատվական Տեխնոլոգիաներ
Facebook-ի հիմնադիրն ինքն իր կայքի անճշտության զոհն է դարձել
Facebook սոցիալական ցանցում անձնական գաղտնիության կարգավորումների խափանումից տուժել է ինքը` Մարկ Ցուկերբերգը: Նրա անձնական «փակ» լուսանկարները հասանելի են դարձել բոլորի համար: The Daily Mail թերթը տեղեկացնում է, որ Facebook-ի այլ օգտագործողներ եւս տուժել են: Սխալը Facebook-ի ծրագրային կոդի հերթական թարմացման հետեւանքով է տեղի ունեցել:

Հասանելի դարձած լուսանկարներում 27-ամյա միլիարդատերն է ընկերուհու` Պրիսցիլա Չանի հետ, Գոհաբանության տոնի ընթացքում: Այլ նկարներում նրանք միլիարդատիրոջ առանձնատանն են, հարմարավետ միջավայրում, նաեւ ընկերական խնջույքների լուսանկարներ կան, այլ լուսանկարներում երեւում է, թե ինչպես է Մարկն ընկերուհու հետ ժամանակ անցկացնում, խաղում շան հետ:

Լուսանկարներից մեկում Ցուկերբերգը, որն ավելի վաղ հայտարարել էր, որ ուտում է միայն իր ձեռքով սպանած կենդանիների միսը, ավանդական հնդկահավ է պատրաստում: Հնարավոր է, այն եւս սեփական ձեռքով է մորթել, քանի որ մեկ այլ նկարում նրա ձեռքին դեռեւս ողջ թռչունն է:

Լրագրողները պարզել են, որ նոյեմբերի 27-ին Bodybuilding.com ֆորումի մասնակիցներից մեկը հրապարակել է քայլերի հաջորդականություն, որոնց միջոցով հնրավոր է դառնում Facebook-ում դիտել օգտատերերի լուսանկարները, նույնիսկ եթե դրանք փակ են: Ընդ որում` դա բավական հեշտ է անել. անպատեհ բովանդակությունից գանգատվող օգտատերը, «Բողոքել/Արգելափակել» կոճակը սեղմելով, կարող է կայքի կարգը իբրեւ թե խախտած մասնակցի նկարներից յուրաքանչյուրն ընտրել: Դրանից հետո տվյալ օգտատիրոջ փակ նկարներն առանց նրա գիտության եւ համաձայնության բացվում են:

Ցանցի ադմինիստրատորները հայտնել են, որ արդեն անջատել են խոցելի համակարգը եւ այժմ շտկում են: Ընկերությունը տեղեկացնում է, որ հենց համակարգը կարգավորվի, կրկին կգործարկվի, գրում է NEWSru.com-ը:
Հավանել նորությունը
«+7» - հավանությունների քանակ
Դիտումներ: 437 | Ավելացրել է: 3DNewscomm | Հայտնի տեգեր: NEWSru.com, The Daily Mail, Facebook, bodybuilding | Գնահատական: 1.6/7 | Ավելացվել է: 07 December 2011, 22:12
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]