3DNews-ի  բաժանորդագրություն
Շաբաթ, 28 June 2025
Գլխավոր » 2011 » Դեկտեմբեր » 23 » ՏՏ Լրատվական, Տեղեկատվական Տեխնոլոգիաներ
«Ինսթիգեյթ»-ը դասընթացները կշարունակի Վանաձորում 2012-ի գարնանը
2011 թվականի դեկտեմբերի 6-ին բացվեց «Instigate» ընկերության Վանաձորի մասնաճյուղը: Այս գործընթացին աջակցել են ՀՊՃՀ Վանաձորի մասնաճյուղի ղեկավարությունը, ԻՏՁՄ-ն, Վանաձորի առևտրի և արդյունաբերության պալատը և «Իննոռայզ» ընկերությանը։

Մասնաճյուղի աշխատակիցներն են «Ինստիգեյթ ուսումնական կենտրոնի» շրջանավարտները: Հիշեցնենք, որ 2010թ․ նոյեմբերի 1-ից ուսումնական կենտրոնը սկսեց ուսումնական դասընթացները Վանաձորում։ Դասընթացներն ընթանում էին ՀՊՃՀ Վանաձորի մասնաճյուղի տրամադրած համակարգչային լսարանում։ Խումբը կազմված էր 6 ուսանողից։ Դասընթացները վարում էին ընկերության առաջատար մասնագետները և ընդգրկում էին տեսական, ինչպես նաև գործնական պարապմունքներ:

2011թ․ հունիսի 25-ին «Ինստիգեյթ ուսումնական կենտրոնը» ավարտական վկայականներ հանձնեց Վանաձորի իր առաջին շրջանավարտներին։ Ներկա էին «Ինստիգեյթ» ընկերության և ուսումնական կենտրոնի ղեկավարները, Վանաձորի առևտրի և արդյունաբերության պալատի ներկայացուցիչներ, հյուրեր։

2011թ․ ամռանը սկսվեց «Ինստիգեյթ ուսումնական կենտրոն»-ի դասընթացների 2-րդ շրջանը, և 2011թ․ դեկտեմբերին ևս 4 շրջանավարտ ստացան ավարտական վկայականներ։ Հաջորդ դասընթացների շրջանը պլանավորվում է 2012թ․ գարնանը։
Հավանել նորությունը
«+8» - հավանությունների քանակ
Դիտումներ: 372 | Ավելացրել է: 3DNewscomm | Հայտնի տեգեր: Instigate, Ինստիգեյթ | Գնահատական: 1.5/8 | Ավելացվել է: 23 December 2011, 20:42
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]