Գլխավոր » 2011 Դեկտեմբեր 3 » ՏՏ Լրատվական, Տեղեկատվական Տեխնոլոգիաներ
Հայաստանում օգտագործողների 74% -ն ընտրում է Google-ը |
Այսօր Երեւանի «Թումո» ստեղծարար տեխնոլոգիաների կենտրոնում մեկնարկել է ArmNet 2011 «Նորագույն միտումներ. շարժական ինտերնետ, ամպային տեխնոլոգիաներ» կոնֆերանսը: Կոնֆերանսի արտասահմանյան մասնակիցներից առաջին ելույթն ունեցավ Google-ի ռուսաստանյան մասնաճյուղի ավագ վերլուծաբան Ստանիսլավ Վիդյաևը, որը ներկայացրեց որոնողական համակարգի միջոցով կայքերի առաջխաղացման գործիքները: Գրում է «Մեդիամաքս»-ը: Նա նշեց, որ, Live Internet-ի տվյալներով, Google-ը Հայաստանում առաջատար որոնողական համակարգն է՝ շուկայի 74% մասնաբաժնով, իսկ հայաստանյան շուկայում նրա մոտակա մրցակից Yandex-ը զբաղեցնում է շուկայի ընդամենը 16%-ը: Հաշվի առնելով այս հանգամանքը, ինչպես նաև շարժական սարքերով ինտերնետից օգտվելու աճող միտումը՝ Ստանիսլավ Վիդյաեւը կարեւորեց հայկական կայքերի շարժական տարբերակների եւ շարժական հավելումների առաջխաղացումը Google-ի Adwords գովազդային հարթակի, հայտարարությունների եւ նպատակադրման (targeting) գործիքների միջոցով: «Մեդիամաքս»-ի փոխանցմամբ՝ Ստանիսլավ Վիդյաեւը նշել է նաեւ, որ Google Analytics համակարգի կոդը կարելի է տեղադրել նաեւ վեբկայքերի շարժական տարբերակներում եւ այսպիսով հետեւել այցելությունների մանրամասն վիճակագրությանը: ArmNet 2011 միջոցառումների շարքի շրջանակներում այսօր մեկնարկել է նաեւ Startup Weekend Yerevan նորարար նախագծերի մրցույթը, որը կտեւի մինչեւ դեկտեմբերի 5-ը: Միջոցառումների կազմակերպիչներն են SP Marketing Solutions եւ Orangearmenia ընկերությունները, ինչպես նաեւ «Հայաստանի ինտերնետ հանրություն» ՀԿ-ն: Այսօր երեկոյան Գաֆեսճյան արվեստի կենտրոնում կկայանա Armnet Awards 2011 պաշտոնական մրցանակաբաշխությունը, որի ժամանակ կամփոփվեն վեբկայքերի ArmNet համահայկական մրցույթի արդյունքները: |
Հավանել նորությունը
«+8» - հավանությունների քանակ
Դիտումներ: 379 | Ավելացրել է: 3DNewscomm | Հայտնի տեգեր: | Գնահատական: 1.5/8 | Ավելացվել է: 03 December 2011, 18:43 |
| Ընդհանուր Մեկնաբանությունները: 0 | |
3DNews-ի ժամը
Քվեարկե՛ք
Բաժանորդագրվել
Կարդացեք նաև
Մեր Հարցումը
3DNews-ի Twitter-ը
Օրացույց
Եղանակ
Թեգերի ամպ
Վիճակագրություն
Կայքում գտնվում են: 8
Հյուրեր: 8
Օգտվողներ: 0
