3DNews-ի  բաժանորդագրություն
Շաբաթ, 28 June 2025
Գլխավոր » 2011 » Դեկտեմբեր » 1 » ՏՏ Լրատվական, Տեղեկատվական Տեխնոլոգիաներ
Google Maps-ը կուղեկցի Ձեզ նաև շինության ներսում
Google-ը սկսել է փակ տարածքների՝ առևտրի կենտրոնների, օդանավակայանների, խանութների քարտեզագրումը: Android ՕՀ-ով գործող սմարթֆոններից օգտվողներն արդեն իրենց տրամադրության տակ ունեն Ատլանտայի, Սան-Ֆրանցիսկոյի, Չիկագոյի և Տոկիոյի օդանավակայանների քարտեզները: Indoor Maps անունը ստացած ծառայությունը ցույց կտա,թե որտեղ է գտնվում մոտակա սրճարանը, զուգարանը կամ ելքը: Ընտրելով վայրը՝ դուք կկարողանաք տեսնել, թե որտեղ եք գտնվում տվյալ վայրի հարաբերությամբ:

Ծրագրի հիմքում ամենևին ընկած չէ ֆանտաստիկ ֆիլմերում հաճախ հանդիպող «պատերի միջով տեսնելու» սարքը: Ինտերնետ հսկան պայմանավորվածություն է ձեռք բերել որոշ այն ընկերությունների հետ, որոնց ենթակայության տակ գտնվում են տվյալ շինությունները: Վերը նշված օդանավակայաններին արդեն միացել են Mall of America, IKEA, Home Depot, Macy's, Bloomingdale's և այլ խանութներ:

Google-ը ստեղծել է նաև հատուկ կայք, որտեղ այս կամ այն շինության պատասխանատուները կարող են վերբեռնել շենքի հարկերի նախագծերը, քարտեզները և այլն՝ կապելով դրանք արբանյակային նկարների հետ և տալով դրանց ուղղությունը:

«Մանրամասն նախագիծը ինքնուրույն կերևա որևէ շինությունը մոտեցնելու դեպքում, - հայտնում է ընկերության մամլո ծառայությունը: - Դուք կկարողանաք տեսնել Ձեր դիրքը տվյալ շենքում և Ձեզ վեր կամ վար տեղափոխություններին համապատասխան կփոխվի նաև տվյալ պահին ցուցադրվող հարկի հատակագիծը»:

Բետա թեսթավորման փուլում գտնվող Indoor Maps-ը արդեն հասանելի է Google Maps 6.0-ի շրջանակներում Android ՕՀ-ի ներքո: Զարմանալին այն է, որ առցանց քարտեզագրման ոլորտում թերևս առաջին անգամ ինտերնետ հսկան ստիպված է հետևել այլ ընկերության օրինակին: Windows Phone-ի օգտվողները արդեն հեշտությամբ կողմնորոշվում են որոշ շինությունների՝ այդ թվում և օդանավակայանների ներսում:
Հավանել նորությունը
«+8» - հավանությունների քանակ
Դիտումներ: 396 | Ավելացրել է: 3DNewscomm | Հայտնի տեգեր: Macy's, google, Indoor Maps, Bloomingdale's, google maps, android, Mall of America, IEKA | Գնահատական: 1.5/8 | Ավելացվել է: 01 December 2011, 02:46
Ընդհանուր Մեկնաբանությունները: 1
Կա 1 մեկնաբանություն
IJournal.am Հարգելի կայքի ադմինիստրացիա: Խնդրում ենք չարհամարհել այլ մարդկանց կատարած աշխատանքը ու նշել նյութի իրական հեղինակին: Կարծում եմ դա այնքան էլ դժվար պրոցես չէ ու Ձեր հեղինակության վրա դրական կանդրադառնա: Նման դեպքում մենք միայն ուրախ կլինենք տեսնել մեր նյութերը Ձեր կայքում:

IJournal.am կայքի ստեղծագործական խումբ (http://ijournal.am/)
04 December 2011 в 17:43
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]