3DNews-ի  բաժանորդագրություն
Շաբաթ, 28 June 2025
Գլխավոր » 2011 » Դեկտեմբեր » 3 » ՏՏ Լրատվական, Տեղեկատվական Տեխնոլոգիաներ
Facebook սոցցանցը գնել է գեոլոկացիոն Gowalla ծառայությունը
Աշխարհի խոշորագույն Facebook սոցցանցը գնել է գեոլոկացիոն Gowalla ծառայությունը: Այս մասին տեղեկացնում է Gowalla-ին մոտ կանգնած աղբյուրը, բայց Facebook-ի ներկայացուցիչը հրաժարվել է մեկնաբանել հնարավոր գնման մասին տեղեկատվությունը, տեղեկացնում է CNN-ը: Գործարքի գինը չի ճշտվում:

2009թ. հիմնադրված Gowalla բջջային ծառայությունը օգտագործողներին թույլ է տալիս Android, iOS, WebOS եւ BlackBerry OS համակարգերի, ինչպես նաեւ բջջային հատուկ m.gowalla.com կայքի միջոցով նշել տեղանքը:

2011թ. մայիսի տվյալներով` տվյալ ծառայությունից օգտվողների թիվը հասնում է 1,5 միլիոնի:
Աղբյուրի տվյալներով` Gowalla-ի աշխատակիցների մեծամասնությունը, այդ թվում` ծառայության հիմնադիր Ջոշուա Ուիլյամսը, կտեղափոխվեն Պալո-Ալտոյում գտնվող Facebook-ի գլխավոր գրասենյակ: Նրանք կսկսեն աշխատել օգտվողների նոր Timeline պրոֆիլների բարելավման վրա, որը ներկայացվել էր ընթացիկ տարվա սեպտեմբերին եւ աստիճանաբար հասանելի է դառնում սոցցանցի բոլոր այցելուներին:

CNN-ի աղբյուրի խոսքով` առայժմ հայտնի չէ, թե արդյոք Gowalla-ի ծրագրերը որպես առանձին արտադրանք կպահպանվեն, թե ոչ: Սակայն Facebook-ը, նոր սթարթ-ափ գնելով, որպես կանոն դրանք ներկայացնում է որպես սեփական նորարարություն:

Facebook-ից օգտվողների թիվը ներկայումս գերազանցում է 800 միլիոնը: Օգոստոսին Facebook-ի կորպորատիվ զարգացման գծով տնօրեն Վոգան Սմիթը հայտարարել է, որ 2011թ. սոցցանցը մտադիր է ձեռք բերել ավելի քան 20 ընկերություն` 2 անգամ ավելի շատ, քան նախորդ տարի:
Հավանել նորությունը
«+7» - հավանությունների քանակ
Դիտումներ: 377 | Ավելացրել է: 3DNewscomm | Հայտնի տեգեր: BlackBerry, Gowalla, android, CNN, Timeline, iOS, webOS, Facebook | Գնահատական: 1.6/7 | Ավելացվել է: 03 December 2011, 18:46
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]