3DNews-ի  բաժանորդագրություն
Շաբաթ, 28 June 2025
Գլխավոր » 2011 » Դեկտեմբեր » 3 » ՏՏ Լրատվական, Տեղեկատվական Տեխնոլոգիաներ
Երեւանում կկայանա Հայաստանի ազգային պատկերասրահի պաշտոնական վեբ-կայքի շնորհանդեսը
Կառավարության նախաձեռնությամբ եւ ֆինանսավորմամբ, «Հելիքս» կազմակերպությանը պատվիրվել է Ազգային պատկերասրահի համար նախագծել նոր վեբ-կայք՝ համապատասխան ժամանակակից դիզայնով եւ վերազինված տեխնիկական հնարքներով։ Կայքին զուգահեռ ստեղծվել է նաեւ ՀԱՊ-ի հավաքածուի առանձնահատկություններին համապատասխան հատուկ Շտեմարան, որի միջոցով թվայնացվում է ՀԱՊ-ի ողջ հավաքածուն։

Ավելի քան մեկ ու կես տարվա աշխատանքի ընթացքում ՀԱՊ-ի Հասարակայնության հետ կապերի, Հաշվառման եւ գիտական բաժինների համատեղ աշխատանքի արդյունքում ստեղծվել եւ մուտքագրվել է կայքի բովանդակությունը պատմության, հավաքածուի, գործունեության, աշխատակազմի, միջոցառումների, կրթական ծրագրերի, հրատարակումների, մասնաճյուղերի եւ այլնի վերաբերյալ։ ՀԱՊ-ի կայքի Շտեմարան բաժնում Հայաստանի թանգարանների շրջանում առաջին անգամ թվայնացված ներկայացված է լինելու ողջ հավաքածուն:

Այս պահին Շտեմարանի բազայում համալրված են ՀԱՊ-ի շուրջ 26.000 թանգարանային նմուշից մոտ 14.000-ի հաշվառման տվյալները, որից կայքի Շտեմարանում երեւում է շուրջ 11.000 արվեստի գործ: Բաժինը գտնվում է անընդհատ համալրման փուլում։ Կայքը եռալեզու է՝ հայերեն, անգլերեն եւ ռուսերեն։

Կայքի շնորհանդեսով սկսվում է նոր փուլ. այժմ էլ նույն ռիթմով շարունակվելու է նրա անընդհատ համալրման գործընթացը, ինչպես նաեւ ժամանակի ընթացքում հասարակությանը առաջարկվելու են նոր, ուսուցողական, ժամանցային եւ հետաքրքիր էջեր։

Ազգային պատկերասրահի կայքը լինելու է ժամանակակից եւ օգտվողներին արվեստին մոտեցնող դինամիկ վիրտուալ աշխարհ։ Հայ ազգային արվեստը առավել հասանելի կդառնա նաեւ օտարերկրյա այցելուներին եւ ՀԱՊ-ի կայքը մեծ դեր կկատարի այն միջազգայնորեն հանրահռչակելու գործում։
Հավանել նորությունը
«+7» - հավանությունների քանակ
Դիտումներ: 395 | Ավելացրել է: 3DNewscomm | Հայտնի տեգեր: hi technologies, Armenian Tech | Գնահատական: 1.6/7 | Ավելացվել է: 03 December 2011, 05:09
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]