Գլխավոր » 2011 Դեկտեմբեր 13 » ՏՏ Լրատվական, Տեղեկատվական Տեխնոլոգիաներ
Հայաստանն ամենաանփույթ ինտերնետ օգտատերեր ունեցող երկրների առաջատարների եռյակում է |
Հայաստանը հայտնվել է «Կասպերսկու Լաբորատորիայի» կողմից կազմած երկրների վարկանիշի երրորդ հորիզոնականում, որոնց ինտերնետ օգտատերերն ամենից հաճախ են 2011 թվականին հայտնվել վնասակար ծրագրային ապահովում պարունակող կայքերում, հաղորդում է telecom.arka.am կայքը: Ինչպես հայտնում է «Արգումենտի ի ֆակտի» թերթը, ամփոփիչ մամուլի ասուլիսում լաբորատորիայի փորձագետները փաստել են, որ «ամենահիմար» օգտատերեր ունեցող երկրների վարկանիշի առաջին չորս հորիզոնականներում են՝ ԱՄՆ-ն, Օմանը, Հայաստանն ու Բելառուսը: «Վարակված» կայքերում ամենից հաճախ հայտնվող օգտատերերի թվով Ռուսաստանը զբաղեցնում է հինգերորդ տեղը: Հետազոտությունում նշվում է, որ ամենախելամիտ օգտատերերն ապրում են Դանիայում, Սլովենիայում, Ճապոնիայում և Նորվեգիայում: Ըստ վիճակագրության՝ օրինակ, ռուս օգտատերերն ամենից հաճախ վարակված կայքերում են հայտնվում՝ անցնելով պոռնոկայքերի (33% դեպքերում), ժամանցային ռեսուրսներով (16 տոկոս), սոֆթով (14 տոկոս) և սոցցանցերի (10 տոկոս) հղումներով: Մեկ օգտատիրոջը միջինը բաժին է ընկնում տարեկան 10 ֆիշինգային գրոհ (ամիսը մոտ մեկ անգամ): Իսկ ցանցային գրոհների թիվը միջինը կազմում է շաբաթական մեկ անգամ: «Կասպերսկու լաբորատորիան» վնասակար և անցանկալի ծրագրային ապահովումից, հակերային գրոհներից և սպամերից պաշտպանական համակարգի խոշորագույն արտադրողն է Եվրոպայում: Այն ներառված է տեղեկատվական անվտանգության ապահովման համար ծրագրային լուծումների առաջատար համաշխարհային արտադրողների հնգյակում: Ընկերության ապրանքները հուսալիորեն պաշտպանում են ողջ աշխարհի ավելի քան 300 միլիոն մարդկանց համակարգիչներն ու բջջային սարքավորումները: |
Հավանել նորությունը
«+7» - հավանությունների քանակ
Դիտումներ: 413 | Ավելացրել է: 3DNewscomm | Հայտնի տեգեր: | Գնահատական: 1.6/7 | Ավելացվել է: 13 December 2011, 19:25 |
| Ընդհանուր Մեկնաբանությունները: 0 | |
3DNews-ի ժամը
Քվեարկե՛ք
Բաժանորդագրվել
Կարդացեք նաև
Մեր Հարցումը
3DNews-ի Twitter-ը
Օրացույց
Եղանակ
Թեգերի ամպ
Վիճակագրություն
Կայքում գտնվում են: 9
Հյուրեր: 9
Օգտվողներ: 0
