Android և iOS օպերացիոն համակարգերով աշխատող ուղղաթիռներ - 25 December 2011

Գլխավոր » » ՏՏ Լրատվական, Տեղեկատվական Տեխնոլոգիաներ

Android և iOS օպերացիոն համակարգերով աշխատող ուղղաթիռներ
Ճապոնական Func ընկերությունը ներկայացրել է հեռակառավարմամբ աշխատող երկու ուղղաթիռների` HGI-35i և HGI-36i, մոդելները: Մինչ այժմ դրանք հնարավոր էր կառավարել ձեր iPhone, iPad և iPodTouch սարքավորումների օգնությամբ, արդեն հայտնվել է ևս մի հնարավորություն: Այդ նպատակի համար ճապոնացիները ստեղծել են մի նոր սարքավորում, որը կառուցված է Android օպերացիոն համակարգ պարունակող հարթակի վրա: Ներկայացված ուղղաթիռներն առանձնապես խոշոր չեն: Ուրեմն այսպես, HGI-35i մոդելի չափերն են`190x42x95 մմ, իսկ քաշը` ընդամենը 42 գրամ, իսկ ահա HGI-36i-ը առաջինից փոքր ինչ խոշոր է` 225x50x126 մմ, քաշը` 156 գրամ: Նորույթներն ունեն մետաղական կաղապար` ճկուն թևերով, ԻԿ բնիկ, գիրոսկոպ, 200 մԱ/ժ տարողությամբ կուտակիչ և սատարում են եռալիքային կառավարում, որն իրականացվում է Android-ով աշխատող և Apple-յան սարքավորումների միջոցով: Ուղղաթիռների հետ մատակարարվող հավաքածուի մեջ ներառված է հաղորդիչ մեխանիզմ ¥transmitter¤, որը միացնելով ձեր բջջային հեռախոսներին կկարողանաք իրականացնել ուղղաթիռների հեռակառավարումը: Հեռակառավարման համար նախատեսված i-helicopter հատուկ հավելվածը ձեր հեռախոսների մեջ կարելի է ներբեռնել համապատասխանաբար App Store և Android Market խանութներից: Հավելվածի գործարկումից հետո կհայտնվի թռիչքի կառավարումը իրականացնող համակարգը: i-վահանակի էկրանի վրա կարելի է ընտրել ուղղաթիռի կառավարման համար նախատեսված երեք ալիքներից մեկը, միացնել ուղղաթիռի լույսերը, համալարել գիրոսկոպը և գործարկել շարժման ցուցիչը: Երբ շարժման ցուցիչը միացված է, ապա ուղղաթիռի կառավարումը առավել դյուրին է, բավական է փոխել i-վահանակի թեքման անկյունը, և ուղղաթիռը սկսում է շրջվել աջ կամ ձախ: Եթե շարժման ցուցիչն անջատված է, ապա ուղղաթիռի հեռակառավարումը հնարավոր է իրականացնել ծրագրային կոճակների օգնությամբ: Այդպիսի անսովոր հեռակառավարման վահանակի գործունեության տիրույթի շառավիղը կազմում է 6-8 մետր:
Հավանել նորությունը «+6» - հավանությունների քանակ Դիտումներ: 576 \| Ավելացրել է: 3DNewscomm \| Հայտնի տեգեր: iphone, Android Market, android, HGI-35i, iPodTouch, HGI-36i, Func, App Store, iPad \| Գնահատական: 1.7/6 \| Ավելացվել է: 25 December 2011, 19:52