3DNews-ի  բաժանորդագրություն
Կիրակի, 29 June 2025
Գլխավոր » 2011 » Նոյեմբեր » 26 » ՏՏ Լրատվական, Տեղեկատվական Տեխնոլոգիաներ
ՎիվաՍել-ՄՏՍ-ի հավատարիմ բաժանորդները ստացել են Google Nexus S սմարթֆոն
ՎիվաՍել-ՄՏՍ ընկերության գլխամասային գրասենյակում կայացած վիճակահանության արդյունքում ընկերության 30 հետվճարային բաժանորդ արժանացավ Google Nexus S սմարթֆոնի:

Իրականացված հատուկ ծրագրին մասնակցելու համար սահմանված էին հետևյալ չափանիշները. մասնակիցները պետք է լինեին «Կլասիկ», «Կլասիկ սոլո», «Կլասիկ ֆլեքսի» և կորպորատիվ սակագնային պլանների անհատական վճարող հետվճարային բաժանորդներ, որոնց` անցած երեք ամիսների (մարտից մինչև մայիս) ծառայությունների դիմաց կատարված ընդհանուր վճարը կազմել էր 10,000-18,000 ՀՀ դրամ, և հաջորդող երեք ամիսների (հունիս-սեպտեմբեր) ընթացքում ծառայությունների դիմաց կատարված ընդհանուր վճարն ավելացել էր 50 և ավելի տոկոսով:

Ծրագրի ավարտին մասնակիցների նախնական ցուցակից ծրագրի հիմնական չափանիշներին համապատասխանեց 1,662 բաժանորդ` անցնելով եզրափակիչ փուլ:

Ծրագրի թափանցիկությունը և արդարությունն ապահովելու նպատակով` եզրափակիչ փուլ անցած մասնակիցների ցուցակից համակարգչային ծրագիրն ընտրել էր յուրաքանչյուր հիսուներորդ GSM համարի օգտագործողին: Վերջիններս հրավիրվեցին ՎիվաՍել-ՄՏՍ-ի գլխամասային գրասենյակ` վիճակահանության միջոցով որոշելու 30 սմարթֆոնների հասցեատերերին:

Երջանիկ պատահականությամբ սմարթֆոնի արժանացողներից երկուսը համակարգչային ծրագրի կողմից ընտրված և ՎիվաՍել-ՄՏՍ-ի գրասենյակ հրավիրված` ծրագրի եզրափակիչ փուլն անցած մասնակիցներից էին: Նիկա Բաբայանը և Խորեն Հովհաննիսյանն իրենց սմարթֆոնները ստացան անմիջապես ՎիվաՍել-ՄՏՍ-ի գրասենյակում:

Բացի այդ՝ հրավիրվածների համար ևս խաղարկվեց մեկ Google Nexus S սմարթֆոն: Այս վիճակահանությունը կատարեց «Արմենիա» հեռուստաընկերության լրագրող Գեղանուշ Աբրահամյանը: Սմարթֆոնը ստացավ Լուսինե Սիմոնյանը:

Վիճակահանության երեք հաղթողների նվերները հանձնեց ՎիվաՍել-ՄՏՍ-ի գլխավոր տնօրեն Ռալֆ Յիրիկյանը: Մյուս հաղթողներն իրենց սմարթֆոնը կստանան` այցելելով ՎիվաՍել-ՄՏՍ ընկերության գրասենյակ:

Ծրագրի մնացած մասնակիցները ՎիվաՍել-ՄՏՍ-ից կստանան 500 րոպե անվճար ներցանցային խոսելաժամանակ` մեկ ամսվա համար:
Հավանել նորությունը
«+8» - հավանությունների քանակ
Դիտումներ: 454 | Ավելացրել է: 3DNewscomm | Հայտնի տեգեր: google, ՎիվաՍել ՄՏՍ, Vivacell Mts, Google Nexus | Գնահատական: 1.5/8 | Ավելացվել է: 26 November 2011, 02:42
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]