Գլխավոր » 2011 Նոյեմբեր 17 » ՏՏ Լրատվական, Տեղեկատվական Տեխնոլոգիաներ
ԵՃՇՊՀ-ում բացվեց երկրատեղեկատվական տեխնոլոգիաների լաբորատորիա |
Այսուհետ Երևանի ճարտարապետության և շինարարության պետական համալսարանում (ԵՃՇՊՀ) կգործի երկրատեղեկատվական տեխնոլոգիաների (GIS) լաբորատորիան, որը եզակի է ՀՀ-ի ուսումնական և մասնավոր հատվածներում: Նախագիծը, որի տևողությունը երեք տարի է (15/10/2010թ. - 14/10/2013թ.), արժե 1 000 000 եվրո, իսկ ֆինանսավորումն իրականացնում է Տեմպուս ծրագիրը: Հաղորդում են ԵՃՇՊՀ մամուլի բաժնից: Նորաբաց լաբորատորիան ունի թվով 31 հատ համակարգիչ` ներդրված ArcGIS 10.0 լիցենզավորված ծրագրային փաթեթներով /31 լիցենզիա/, գեոդեզիական ժամանակակից գործիքներ և սարքավորումներ: Նման լաբորատորիան լիցենզավորված ծրագրերով եզակի երևույթ է ՀՀ ուսումնական և մասնավոր հաստատությունների համար: Այն ստեղծում է լայն հնարավորություն, որպեսզի հետագայում այս ոլորտում պատրաստվեն որակյալ մասնագետներ, որոնց կարիքը այսօր արդեն զգում են տնտեսության գրեթե բոլոր ոլորտների ներկայացուցիչները: Այս նախագծի շրջանակներում նման լաբորատորիաներ միաժամանակ բացվել են Երևանի Պետական Համալսարանում և Հայաստանի Պետական Ագրարային Համալսարանում: 2010թ. ԵՃՇՊՀ-ն հանդես եկավ Երկրատեղեկատվական համակարգերին վերաբերող ծրագիր անցկացնելու առաջարկությամբ: Նախաձեռնությունը հավանության արժանացավ Շվեդիայի տեխնոլոգիաների թագավորական ինստիտուտի կողմից: 2010 թվականի ընթացքում ձևավորվեց կոնսորցիում, որը բաղկացած է 10 համալսարաններից և մեկ կառավարման կազմակերպությունից: Ծրագրի կոորդինատորը Շվեդիայի տեխնոլոգիաների թագավորական ինստիտուտն է: Որպես գործընկեր երկրներ՝ հանդես են գալիս Իսպանիայից Վալենսիայի պոլիտեխնիկական համալսարանը, Շտուտգարդի Կիրառակլան գիտությունների համալսարանը: «Երկրատեղեկատվական տեխնոլոգիաները Արևելյան հարևանության երկրների կայուն զարգացման» նախագծի նպատակն է Հայաստանում, Ուկրաինայում և Մոլդովայում բարելավել բարձրագույն կրթությունը գեոդեզիայում և գեոինֆորմատիկայում՝ նպաստելով այս երկրներում կայուն զարգացմանը: Նախագծի գործունեությունը ընդգրկում է գոյություն ունեցող գեոդեզիայի ուսումնական ծրագրերի բարելավում, նոր ուսումնական ծրագրերի և ուսուցման նյութերի մշակում, գործընկեր պետություններում 6 նոր GIS լաբորատորիաների հիմնում և գործընկեր պետությունների անձնակազմների վերապատրաստում` ինտենսիվ դասընթացների միջոցով: Ըստ նախագծի՝ նախատեսվում է նոր մանկավարժական մեթոդների և որակյալ մեխանիզմների ապահովում գեոդեզիայի/GIS-ի կրթության մեջ: Արդյունքում երեք գործընկեր պետություններում պետք է հիմնվի վեբ հենքի վրա էլեկտրոնային ուսուցման հարթակ: Նշված նախագիծը 2010թ դեկտեմբերի սկզբներին մեկնարկեց Երևանում` ԵրՃՇՊՀ-ում կազմակերպված մեկնարկային հանդիպումով` կոնսորցիումի բոլոր անդամների մասնկացությամբ: 2011թ. նոյեմբերի դրությամբ բացվել են GIS լաբորատորիաներ և Հայաստանում (թվով 3 հատ), և Մոլդովայում, և ՈՒկրաինայում, իրականացվել են թվով երկու երկշաբաթյա թրեյնինգներ դասախոսների համար, իսկ մեկ թրեյնինգ 32 երիտասարդ դասախոսների մասնակցությամբ (Ուկրաինայից` 6 հոգի, Մոլդովայից` 6 հոգի, Հայաստանից` 20 հոգի) ներկայումս ընթանում է ԵրՃՇՊՀ-ում: Առաջին թրեյնինգը տեղի է ունեցել Վալենսիայի պոլիտեխնիկական համալսարանում, երկրորդը` Ստոքհոլմի տեխնոլոգիաների թագավորական ինստիտուտում և երրորդը ներկայումս ընթանում է Երևանի ճարտարապետության և շինարարության պետական համալսարանում: Մյուս տարի նախատեսվում են ևս մի քանի թրեյնինգներ Շտուտգարդում, Ստոկհոլմում և Լվովում: Արդյունքում ԵՃՇՊՀ-ից կվերապատրաստվեն (19) դասախոս, Ագրարային համալսարանից (8) դասախոս, Երևանի պետական համալսարանից (7) դասախոս: Բացի այդ նախատեսվում է, որ Հայաստանյան ԲՈՒՀ-երից 2-ական ուսանողներ մինչև 3 ամիս ժամկետով, կարող են իրենց ուսումնառությունը շարունակել Եվրոպական գործընկեր համալսարաններում: |
Հավանել նորությունը
«+8» - հավանությունների քանակ
Դիտումներ: 385 | Ավելացրել է: 3DNewscomm | Հայտնի տեգեր: | Գնահատական: 1.5/8 | Ավելացվել է: 17 November 2011, 20:16 |
| Ընդհանուր Մեկնաբանությունները: 0 | |
3DNews-ի ժամը
Քվեարկե՛ք
Բաժանորդագրվել
Կարդացեք նաև
Մեր Հարցումը
3DNews-ի Twitter-ը
Օրացույց
Եղանակ
Թեգերի ամպ
Վիճակագրություն
Կայքում գտնվում են: 7
Հյուրեր: 7
Օգտվողներ: 0
