3DNews-ի  բաժանորդագրություն
Կիրակի, 29 June 2025
Գլխավոր » 2011 » Նոյեմբեր » 11 » ՏՏ Լրատվական, Տեղեկատվական Տեխնոլոգիաներ
Google-ը տոնում է Ֆյոդոր Դոստոեւսկու 190-ամյակը
11.11.11 մոգական օրը Google-ի ավանդական լոգոտիպը փոխարինվել էր տոնականով` ի պատիվ Ֆյոդոր Դոստոեւսկու 190-ամյակի:

Ֆյոդոր Միխայիլովիչ Դոստոեւսկին ծնվել է 1821թ. հոկտեմբերի 30-ին (նոյեմբերի 11-ին): 1837թ. 16 տարեկան հասակում կորցրել է մորը, եւ հայրը երկու որդիներին` Ֆյոդորին եւ Միխայիլին ուղարկել է Պետերբուրգի Կ.Ֆ. Կոստոմարովի ապաստարան:

1837թ. Ֆյոդորն ընդունվել է Գլխավոր ինժեներական ուսումնարան: 1839թ. հոր սպանության լուրն է ստացել: Դոստոեւսկին մասնակցել է Բելինսկու խմբակի աշխատանքներին: 1844թ. լույս է տեսել նրա առաջին ստեղծագործությունը` «Խեղճ մարդիկ», եւ նա միանգամից հայտնի է դարձել: բայց նրա հաջորդ գիրքը` «Երկվորյակը», չի հասկացվել: 1849թ. «Սպիտակ գիշերների» հրատարակումից հետո գրողը ձերբակալվել է «Պետրաշեւսկու գործի» հետ կապված: Թեեւ Դոստոեւսկին ժխտում էր իր մեղքը, դատարանը որոշել էր նրան մահվան դատապարտել, սակայն վերջին պահին ներում են շնորհում` բավարարվելով միայն տաժանակիր աշխատանքների դատապարտելով:

Հաջորդ չորս տարիները գրողն անցկացրել է Օմսկի տաժանավայրում: 1854թ. նա ազատվել է եւ ուղարկվել սիբիրյան ջոկատի յոթերորդ գիծ` որպես շարքային ծառայող: Ծառայության ընթացքում սիրավեպ է ունեցել Մարիա Դմիտրիեւնա Իսաեւայի հետ, որը գիմնազիայի ուսուցիչ Ալեքսանդր Իսաեւի կինն էր: Ալեքսանդր Իսաեւի մահից հետո` 1857թ. փետրվարի 6-ին, Դոստոեւսկին նշանվել է Մարիայի հետ:

1860թ. նա կնոջ եւ որդեգիր զավակի հետ վերադարձել է Պետերբուրգ: Այնտեղից Դոստոեւսկին ազատ վարքի տեր մի անձնավորության` Ապոլինարիա Սուսլովայի հետ մեկնում է արտասահման, Բադեն-Բադենում տարվում է ազարտային խաղերով, մշտապես փողի կարիք է զգում: հենց այդ ժամանակ էլ` 1864թ., կորցնում է կնոջն ու եղբորը:

Նյութական անելանելի ծանր վիճակում գրում է «Ոճիր եւ պատիժի» գլուխները` ուղարկելով «Ռուսական բանբեր» ամսագրին, որտեղ դրանք համարից համար տպագրվում են: Դոստոեւսկին երիտասարդ սղագրող Աննա Սնիտկինային իրեն օգնական է վարձում: 1866թ. 21 օրում գրվել եւ 25 օրում ավարտին է հասցվել «Խաղամոլը» վեպը:

Սնիտկինան կարգավորում է գրողի ֆինանսական հարցերը, իսկ 1871թ. նա վերջնականապես թողնում է խաղալը:

Դոստոեւսկու կյանքի վերջին տարիները շատ արգասաբեր են եղել. 1872թ.` «Դեւեր», 1873թ.` «Գրողի օրագրի» սկիզբը, 1875թ.`«Դեռահասը», 1876թ.` «Հեզաբարո կինը», 1879-1880թթ. «Կարամազով եղբայրները»: Չնայած կյանքի վերջում Դոստոեւսկին բավական հայտնի էր, բայց համաշխարհային ճանաչում ձեռք բերեց միայն մահից հետո: Ֆրիդրիխ Նիցշեն խոստովանել է, որ Դոստոեւսկին միակ հոգեբանն է, ումից ինքը ինչ-որ բան է սովորել:
Հավանել նորությունը
«+6» - հավանությունների քանակ
Դիտումներ: 319 | Ավելացրել է: 3DNewscomm | Հայտնի տեգեր: google, google search | Գնահատական: 1.0/6 | Ավելացվել է: 11 November 2011, 19:40
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]