Ավատարները իրականություն կդարձնեն «հեռակա գոյությունը» - 13 November 2011

Գլխավոր » » ՏՏ Լրատվական, Տեղեկատվական Տեխնոլոգիաներ

Ավատարները իրականություն կդարձնեն «հեռակա գոյությունը»
Նորություն չէ, որ գիտական ֆանտաստիկայում հանդիպող շատ տերմիններ ու հասկացություններ սկսել են կյանքի կոչվել իրականում: Դրանցից մեկն է «հեռակա գոյությունը»: Այսպես, ժամանակակից տեխնոլոգիաների շնորհիվ մարդը կարող է գտնվել այնտեղ, որտեղ կա իր ավատարը: Ավատարի դերը սովորաբար կատարում են անիվների վրա գտնվող, տեսախցիկ, միկրոֆոն և բարձրախոս ունեցող ռոբոտները, իսկ օգտագործողները կառավարում են դրանք տարբեր սարքավորումների (հեռակառավարման վահանակ կամ մկնիկ) օգնությամբ: Սակայն այդ ամենը լիովին չի արտահայտում «հեռակա գոյության» էությունը, քանի որ վերջինս ենթադրում է առարկաները զգալու, տեսնելու և շոշափելու կարողություն: Ճապոնացի գիտնականները փորձել են լուծել այդ խնդիրը: «Հեռակա գոյություն» տերմինը (մարդու «գոյությունը» այնտեղ, ուր իր ավատարն է) ստեղծել է ճապոնացի պրոֆեսոր Սուսումու Տատին (Susumu Tati), ով ղեկավարում է TELESAR V ավատար-ռոբոտի ստեղծման ու զարգացման աշխատանքները: Այս ռոբոտի միջոցով կարելի է փոխանցել հայացքը, ձայնն ու հպումը: Սա բավականին բարդ է, քանի որ օգտվողը պետք է հագնի հատուկ հանդերձ, որը ռոբոտի վրա տեղադրված սենսորների միջոցով վերջինիս կփոխանցի «ավատարի» կողմից հաղորդվող տվյալները, իսկ ստերեոէկրանը թույլ կտա տեսնել ռոբոտի աչքերով: TELESAR V-ն զինված է զգացողություններ փոխանցող հզոր համակարգով: Ռոբոտի ձեռքի մեջ տեղադրված սենսորների միջոցով որոշվում է օբյեկտի ջերմաստիճանը և ազդող ուժի ուղղությունը: Այս համակարգը թույլ է տալիս զգալ այնպիսի խորդուբորդություններ, ինչպիսիք են, օրինակ, «Լեգո» կոնստրուկտորների դետալների վրայի անհարթությունները: Ինչ վերաբերում է ձեռքերը շարժելուն, ապա մարդը դա պետք է անի այնպիսի արագությամբ, որ ռոբոտը հասցնի կրկնել: TELESAR V համակարգը, բացի զվարճություն լինելուց, կարող է կիրառվել ամենատարբեր ոլորտներում, ինչպիսին է, օրինակ, բժշկությունը. այն թույլ կտա փորձառու վիրաբույժներին կատարել վիրահատություններ հեռավորության վրա:
Հավանել նորությունը «+8» - հավանությունների քանակ Դիտումներ: 421 \| Ավելացրել է: 3DNewscomm \| Հայտնի տեգեր: Susumu Tati, TELESAR V, Avatar \| Գնահատական: 1.5/8 \| Ավելացվել է: 13 November 2011, 15:03