3DNews-ի  բաժանորդագրություն
Չորեքշաբթի, 13 November 2024
Գլխավոր » 2011 » Նոյեմբեր » 6 » ՏՏ Լրատվական, Տեղեկատվական Տեխնոլոգիաներ
Պենտագոնին անհրաժեշտ են փազլ հավաքողներ
Հավատու՞մ եք արդյոք, որ փազլ հավաքելու ունակությունը կարող է հանգեցնել հեղափոխության ազգային անվտանգության ոլորտում:

ԱՄՆ-ի պաշտպանության նախարարության առաջադիմական հետազոտությունների ու մշակումների գործակալությունը (DARPA - Defence Advanced Research Projects Agency) վերջին տարիներին հաճախ է դիմում քաղաքացիներին` տարատեսակ խնդիրներին յուրահատուկ լուծումներ գտնելու նպատակով: Դիմումները հաճախ կրում են մրցութային բնույթ և գնալով ավելի ու ավելի էքսցենտրիկ են դառնում:

Այսպիսով, մեկնարկել է նոր` Shredder Challenge մրցույթը: Մրցույթի նպատակը հետևյալն է. հետախուզության ընթացքում հաճախ են հանդիպում փաստաթղթեր, որոնք իրենցից ներկայացնում են կտրտված թղթի կտորներ: DARPA-ն փնտրում է փաստաթղթերի հավաքման աշխատանքն ավելի էֆեկտիվ դարձնելու նոր եղանակներ: Ի՞նչն է ավելի լավ` անել դա ձեռքով, թե ստեղծել հատուկ ալգորիթմ: Ըստ DARPA-ի տնօրեն Դեն Քաուֆմանի` «Այսօր փաստաթղթերի վերականգնման պրոցեսը չափից դուրս դանդաղ և աշխատատար է, հատկապես, երբ դրանք ձեռագիր են»:



Shredder Challenge-ի առաջադրանքներից մեկը

Մրցույթին կարող են մասնակցել «համակարգչային մասնագետները, գլուխկոտրուկների սիրահարները և բոլոր նրանք, ովքեր սիրում են լուծել բարդ խնդիրներ»: Խոստացվել է 50 հազար դոլար նրան, ով կվերականգնի «կտրտված» փաստաթղթեր: Ցանկացողները կարող են գրանցվել և բեռնել առաջադրանքները (դրանք ունեն տարբեր բովանդակություն և կտրտված են տարբեր ձևերով): Դրանից հետո մասնակիցը վեց շաբաթվա ընթացքում պետք է գործի դնի փազլ հավաքելու իր ունակությունները և ներկայացնի փաստաթուղթը ամբողջական վիճակում:

Հաղթողի ընտրությունը կախված կլինի լուծված փազլների քանակից ու բարդությունից: DARPA-ն փազլները հրապարակել է 2011թ.-ի հոկտեմբերի 27-ին, ժամը 12:00-ին, իսկ հաղթողը հայտնի կդառնա նույն թվականի դեկտեմբերի 5-ին հաջորդող շաբաթվա ընթացքում' վերջնական արդյունքներն ամփոփելուց հետո:
Հավանել նորությունը
«+6» - հավանությունների քանակ
Դիտումներ: 488 | Ավելացրել է: 3DNewscomm | Հայտնի տեգեր: Pentagon, puzzle, Shredder Challenge, Defence Advanced Research Projects , programming, DARPA | Գնահատական: 1.7/6 | Ավելացվել է: 06 November 2011, 19:21
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]