Գլխավոր » 2011 Նոյեմբեր 23 » ՏՏ Լրատվական, Տեղեկատվական Տեխնոլոգիաներ
Orange-ը մեկնարկում է մինչև 42 Մբ/վ ներբեռնման արագություն ապահովող ցանցի փորձարկումը |
Այսօր Orange-ը հայտարարեց Հայաստանի երեք մեծ քաղաքներում` Երևանում, Գյումրիում և Վանաձորում, մինչև 42 Մբ/վ ներբեռնման արագություն ապահովող նորագույն 3G+/HSPA տեխնոլոգիաների վրա հիմնված ցանցի թեստային գործարկման մասին: Հյուսիսային պողոտայում գտնվող Orange-ի գլխավոր խանութում այսօր լրատվամիջոցների ներկայացուցիչների մասնակցությամբ անցկացվեց գերարդիական այս տեխնոլոգիայի փորձարկումն իրական ցանցում: Թեստերի ժամանակ գրանցված առավելագույն արագությունն էր 39Մբ/վ, իսկ միջինում այն տատանվում էր 32Մբ/վ-ի և 37Մբ/վ-ի միջև: Նոր` մինչև 42 Մբ/վ ներբեռնման արագություն ապահովող ցանցը թույլ է տալիս հաշված վայրկյանների ընթացքում բեռնել երաժշտություն, ֆիլմեր, ծրագրեր, խաղալ առցանց խաղեր, ինչպես նաև ֆիլմեր դիտել ինտերնետում առանց ընդհատումների, նույնիսկ HD որակով: «Ֆրանս Տելեկոմ Խմբի աջակցությամբ Orange-ը կրկին նոր որակական չափանիշներ է սահմանում հայաստանյան շարժական ինտերնետի ոլորտում: Հպարտ ենք կիսել մեր այս նոր ձեռքբերումը մեր բաժանորդների և բոլոր նրանց հետ, ովքեր հետաքրքրվում են երկրի տեխնոլոգիական առաջընթացով: Այժմ Հայաստանը Orange-ի աշխարհագրության այն հազվագյուտ երկրների շարքում է, որոնք ներդնում են այս տեխնոլոգիան: Այս նոր արագությունները հասանելի կլինեն հայաստանյան սպառողին, երբ մենք լիովին ավարտենք տեխնիկական փորձարկման շրջանը», ասաց Orange-ի գլխավոր տնօրեն Բրունո Դյութուան: |
Հավանել նորությունը
«+7» - հավանությունների քանակ
Դիտումներ: 375 | Ավելացրել է: 3DNewscomm | Հայտնի տեգեր: |
Ընդհանուր Մեկնաբանությունները: 0 | |