3DNews-ի  բաժանորդագրություն
Կիրակի, 29 June 2025
Գլխավոր » 2011 » Նոյեմբեր » 29 » ՏՏ Լրատվական, Տեղեկատվական Տեխնոլոգիաներ
«Ուրիշ Հայաստան» Оn-Line սոցիալ-քաղաքական խաղը կներկայացվի պաշտոնապես
Նոյեմբերի 29–ին «Արմենիա Մարիոթ» հյուրանոցում շնորհանդես-քննարկում ձևաչափով կներկայացվի «ՈՒՐԻՇ ՀԱՅԱՍՏԱՆ» Оn-Line սոցիալ-քաղաքական նախագիծը, որը վիրտուալ պետության սիմուլյատոր է և hayland.am սոցցանցի օգտագործողներին հնարավորություն է տալիս ծանոթանալ և անմիջականորեն մասնակցել իրական պետական գործընթացներին: Խաղին մասնակցելով՝ հնարավոր է ստեղծել նախաձեռնողական խմբեր և կուսակցություններ, մասնակցել քաղաքական քննարկումներին ու քվեարկություններին, ազատ արտահայտել քաղաքական կարծիքներ, կազմել օրենքներ ու նախագծեր, դառնալ պատգամավոր և նույնիսկ նախագահ:

Շնորհանդես-քննարկմանը կմասնակցեն ՀՀ քաղաքական դաշտում ակտիվ գործունեություն ծավալող մի շարք կուսակցությունների, զանգվածային լրատվամիջոցների, քաղաքական PR-խորհրդատվության ոլորտի, ինչպես նաև ինտերնետ–մեդիաների, բլոգերի և սոցիալական ցանցերի ներկայացուցիչները:

«ՈՒՐԻՇ ՀԱՅԱՍՏԱՆԸ» ինտերնետ հարթակում իրական քաղաքական համակարգի մոդելավորումն է, որի նպատակն է նախընտրական գործընթացներին ընդառաջ օնլայն հասարակության սոցիալական իրազեկումը և քաղաքական մասնակցության մակարդակի բարձրացումը: «ՈՒՐԻՇ ՀԱՅԱՍՏԱՆԸ»` քաղաքական խաղային տեխնոլոգիա է, որը թույլ է տալիս բարձրացնել լսարանի տեղեկացվածությունը, օն-լայն հասարակայնությանը` համախմբել համախոհներին, ինտեգրվել և մասնակցել քաղաքական կարևորագույն գործընթացներին: «Ուրիշ Հայաստանը» հիմնված է քաղաքական օնլայն-ինտեգրացիայի նորագույն տեխնոլոգիաների ու միտումների վրա, որում լայնորեն կիրառվում են սոցիալական մեդիաների ամենաազդեցիկ գործիքները` բլոգերը, ֆորումները, խմբեր և այլն:

Շնորհանդես–քննարկմանը կբանախոսեն Hayland.am սոցիալական ցանցի ղեկավար Արտաշես Մկրտչյանը, տեղեկատվական տեխնոլոգիաների փորձագետ Սամվել Մարտիրոսյանը և քաղաքական խորհրդատու, ԵՊՀ սոցիոլոգիայի ամբիոնի դոցենտ Նվարդ Մելքոնյանը:
Հավանել նորությունը
«+7» - հավանությունների քանակ
Դիտումներ: 419 | Ավելացրել է: 3DNewscomm | Հայտնի տեգեր: Հայլենդ, on-line, HayLand, Քաղաքական Սոցիալական Խաղ, Hayland.Am | Գնահատական: 1.6/7 | Ավելացվել է: 29 November 2011, 16:59
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]