3DNews-ի  բաժանորդագրություն
Կիրակի, 29 June 2025
Գլխավոր » 2011 » Նոյեմբեր » 22 » ՏՏ Լրատվական, Տեղեկատվական Տեխնոլոգիաներ
Hewlett-Packard-ի զուտ շահույթը 91 տոկոսով նվազել Է
2010 – 2011 ֆինանսական տարվա չորրորդ եռամսյակում, որն ավարտվել Է հոկտեմբերի 31-ին, Hewlett-Packard-ի (HP) զուտ շահույթը կրճատվել Է ավելի քան տասն անգամ՝ մինչեւ 239 միլիոն դոլար՝ համակարգիչների թույլ վաճառքների պատճառով: Տարին տարու վրա HP-ի դրամամուտքը նվազել Է 4 տոկոսով՝ մինչեւ 32,12 միլիարդ դոլար, գրում Է CNET-ը:

eBay-ի նախկին գլխավոր տնօրեն Մեգ Ուիթմենը, որը HP-ն գլխավորել Է սեպտեմբերին, հաջորդ տարվա համար համեստ կանխատեսում Է արել՝ նախազգուշացնելով Եվրոպայում կոշտ սկավառակների՝ անձնական համակարգիչների կարեւորագույն բաղադրիչի պահանջարկի կրճատման մասին, որի պատճառը Թաիլանդում տեղի ունեցած սաստիկ հեղեղումն Է եւ համաշխարհային Էկոնոմիկայի ծանր իրադրությունը:

Ուիթմենը հավելել Է, որ հաջորդ տարի HP-ն խոշոր ձեռքբերումներ չի անի (ինչպիսին հոկտեմբերին 12 միլիարդ դոլարով Մեծ Բրիտանիայի Autonomy ծրագրային ապահովման մշակողի գնումն Է), բայց կարող Է կատարել մանր գործարքներ մինչեւ 500 միլիոն դոլար ծավալով: Բացի դրանից, եկող տարի HP-ն կմեծացնի հետազոտության ծախսերը, ինչպես նաեւ կընդլայնի խոշոր սպասարկյալների հետ աշխատանքի համար վաճառքների գծով աշխատակիցների հաստիքացուցակը:

Անցած ֆինանսական տարում HP-ի դրամամուտքը կազմել Է 127,25 միլիարդ դոլար, զուտ շահույթը՝ 7,07 միլիարդ դոլար, ինչը 19 տոկոսով քիչ Է, քան 2009 – 2010 ֆինանսական տարում: Այս տարվա սկզբից HP-ի բաժնետոմսերը նվազել են 36 տոկոսով:

Անձնական համակարգիչների վաճառքները նվազել են 1,6 տոկոսով, տպիչներինը՝ 10 տոկոսով, իսկ նոուտբուքերի վաճառքներից դրամամուտքը կրճատվել Է 4,1 տոկոսով:
Հավանել նորությունը
«+7» - հավանությունների քանակ
Դիտումներ: 338 | Ավելացրել է: 3DNewscomm | Հայտնի տեգեր: ebay, HP, Hewlett-Packard, Autonomy | Գնահատական: 1.6/7 | Ավելացվել է: 22 November 2011, 20:07
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]